“World Obesity Forum” байгууллагаас хийсэн судалгаагаар насанд хүрсэн хүн амынх нь дийлэнх нь илүүдэл жинтэй улс орнуудад Covid-19 өвчнөөр нас барах эрсдэл 10 дахин өндөр байгаа нь тогтоогджээ. Тус байгууллагын судлаачид Жон Хопкинсийн их сургууль болон Дэлхийн эрүүл мэндийн байгууллагаас гаргасан цар тахлын статистик тоо баримт дээр шинжилгээ хийсний үндсэн дээр дээрх дүгнэлтийг хийсэн байна.

Дэлхийн 160 гаруй орны статистик мэдээллийг нэгтгэж үэхэд насанд хүрсэн хүн амын 40 хүрэхгүй хувь илүүдэл жинтэй орнуудад 100,000 хүн тутамд 10-аас ихгүй нас баралт ногдож байгаа бол хүн амынх нь 50-аас илүү хувь нь илүүдэл жинтэй орнуудад 100,000 хүн тутамд 100 гаруй нас баралт бүртгэгджээ.

Хоёрдугаар сарын байдлаар, дэлхий даяар Сovid-19-ийн 2,5 сая нас баралт бүртгэгдсэний 2,2 сая нь таргалалт өндөртэй орнуудад ногдож байгаа юм. Тиймээс “World Obesity Forum” байгууллага Сovid-19-ийн оношилгоо, вакцинжуулалтад илүүдэл жинтэй хүмүүсийг түрүүлж хамруулахыг дэлхийн улс орнуудад зөвлөж байна. Мөн илүүдэл жинтэй хүмүүст вакцин дархлаа тогтоохдоо муу байж болзошгүй тул нэмэлт тун шаардлагатай болж магадгүй талаар яригдаж эхлээд байгаа билээ. Зөвхөн Сovid-19 ч гэлтгүй бусад халдварт өвчний хүндрэл, нас баралтад жингийн илүүдэл нөлөөлж байгааг дээрх судалгаагаар тогтоожээ.

Эх сурвалж: CNN