Хүүхдийн эндэгдэл нэмэгджээ | News.MN - Мэдээллийн эх сурвалж

Хүүхдийн эндэгдэл нэмэгджээ

Хуучирсан мэдээ: 2016.04.12-нд нийтлэгдсэн

Хүүхдийн эндэгдэл нэмэгджээ

Энэ оны эхний улирлын байдлаар нийт 19043 эх амаржиж, 19141 хүүхэд төрсөн байна. Мөн энэ хугацаанд 4146 хүн нас баржээ. Энэхүү үзүүлэлтүүдийг үндэслэн хүн амын ердийн өсөлт таван хувьтай гарчээ. Энэ нь Монгол Улсын 1000 хүн ам тутамд таван хүнээр өсч буйг харуулж буй ажээ. Гэвч  энэ тоо сүүлийн гурван жилийн үзүүлэлттэй харьцуулахад харьцангуй бага үзүүлэлттэй гарсан гэж Улсын бүртгэл, статистикийн газраас мэдээллээ.

 Энэ нь төрөлт буурсантай холбоотой бөгөөд өмнөх оны мөн үеийнхээс амаржсан эх 598 буюу гурван хувиар, хүүхдийн тоо 294 буюу 4.2 хувиар буурсан байна. Эхний улирлын байдлаар 427  хүүхэд энджээ.  Энэ нь өмнөх оны үзүүлэлтээс 106 хүүхэд буюу 33 хувиар, тав хүртэлх насандаа 491 хүүхэд эндэж, 120 хүүхэд буюу 32.3 хувиар өссөн байна.

Улаан бурханаар 15540 хүн өвчилжээ

Эхний гурван сарын байдлаар 25355 халдварт өвчний тохиолдол бүртгэгджээ. Энэ нь өмнөх оны мөн үеийнхээс 16247 хүн буюу 2.8 дахин нэмэгджээ. Үүний 15540 нь улаан бурхнаар өвчилсөн аж. Бусад төрлийн өвчин болох вируст хепатитаар өвчлөгчид 113 буюу 44.1 хувиар, тэмбүүгээр 435 хүн буюу 21.9 хувиар, сүрьеэгээр 136 хүн буюу 11.7 хувиар халдварт өвчнүүд харьцангуй бууралттай гарсан байна.

А.Цээсүрэн

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-04-12 124.158.109.62

said darga oldood bn aa henii ch hereg alga

Зочин 2016-04-12 103.26.195.99

Olon ulsiin baiguullaguud mash ih sanhuujilt ugch huuhdiin eruul mendiig demjej baigaa shuu . Mongoliin heregjuulegchid mungiig ur ashiggui urj baina

ахахаха 2016-04-12 103.57.94.158

Тийм учраас л ЭХЯ-ыг эзэнгүй байлгаад байгаа биздээ,ард иргэдийнхээ амь нас эрүүл мэндийг хариуцсан яамаа сайдтай болгож чаддаггүй,чадахыг хүсдгүй ЕС ОГЦОРОХ БОЛТУГАЙ,

Зочин 2016-04-12 103.26.193.228

Ураг амьгүйдэх явдал маш ихэссэн гэж яригдах юм. Хорт утаан дунд байгаа одооны дархлаа муутай залуучууд бол их өртөж байгаа. Ирээдүйгээ ингэж л сүйдлэж байна даа