Монгол эрдэмтдийн бүтээсэн оношлуур 100 хувийн үр дүн үзүүлэв

Хуучирсан мэдээ: 2021.03.04-нд нийтлэгдсэн

Монгол эрдэмтдийн бүтээсэн оношлуур 100 хувийн үр дүн үзүүлэв

Монгол эрдэмтдийн бүтээсэн оношлуур 100 хувийн үр дүн үзүүлэв

Анагаахын Шинжлэх Ухааны Үндэсний Их сургууль (АШУҮИС)-ийн эрдэмтэд Covid-19-ийг шүлснээс илрүүлэх оношлуур бүтээж, хэрэглээнд нэвтрүүлэхэд бэлэн болжээ. Эрдэмтдийн багийн төлөөллийг Монгол Улсын Шадар сайд, Улсын онцгой комиссын дарга С.Амарсайхан хүлээн авч уулзлаа.

Энэ оношлуурын халдвар илрүүлэх мэдрэг болон өвөрмөц чанар нь туршилтаар 100 хувийн үзүүлэлттэй, шинжилгээний хариуг богино хугацаанд гаргах боломжтой юм байна. Мөн сорьцыг 14 хоногийн хугацаанд хадгалах боломжтой бөгөөд зардал нь 2-3 дахин хямд болохыг Эрдэмтдийн зөвлөлийн дарга, АШУҮИС-ийн захирал, доктор, профессор Н.Хүрэлбаатар танилцуулав.

Шадар сайд, Улсын онцгой комиссын дарга С.Амарсайхан оношлуурыг албан ёсоор баталгаажуулж, шинжилгээ авч байгаа бүх лабораторийг түшиглэн нэвтрүүлэх, ялангуяа сорьцын хариуг богино хугацаанд гаргахыг Эрүүл мэндийн сайдад даалгасан тухай Шадар сайдын Ажлын албанаас мэдээллээ.

Б.ЖАРГАЛ

Энэ мэдээнд өгөх таны сэтгэгдэл?
52
ЗөвЗөв
8
ХахаХаха
2
ХөөрхөнХөөрхөн
2
ГайхмаарГайхмаар
2
ТэнэглэлТэнэглэл
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж