“Рио Тинто”-гийн ТУЗ-ийн дарга огцрохоо мэдэгдэв | News.MN

“Рио Тинто”-гийн ТУЗ-ийн дарга огцрохоо мэдэгдэв

“Рио Тинто”-гийн ТУЗ-ийн дарга огцрохоо мэдэгдэв

“Рио Тинто”-гийн ТУЗ-ийн дарга огцрохоо мэдэгдэв

“Rio Tinto” компани Австралийн уугуул иргэдийн ариун газар хэмээн үздэг, 46 мянган жилийн түүхтэй соёлын үнэт өвийг сүйтгэсний улмаас тус компанийн Төлөөлөн удирдах зөвлөл (ТУЗ)-ийн дарга Саймон Томпсон үүрэгт ажлаа хүлээлгэн өгөхөө мэдэгдэв. 2018 оноос хойш “Рио Тинто”-г удирдаж буй тэрбээр ирэх 2022 онд дахин сонгогдохгүйг тус компани мэдэгдэлдээ дурджээ.

Саймон Томпсон мэдэгдэл хийхдээ “Би компанийн ТУЗ-ийн даргын хувьд гүнээ харамсаж байна. Алдаа дутагдлаа ухамсарлаж, хариуцлагаа хүлээх болно" гэж хэлсэн байна.

Уул уурхайн олборлолтоороо дэлхийд хоёрдугаарт ордог “Рио Тинто” компани төмрийн хүдрийн уурхайгаа өргөжүүлэх зорилгоор Баруун Австралийн Жуукан хавцлын агуйг дэлбэлснээс хойш бараг нэг жилийн дараа Томпсон ийнхүү мэдэгдэл хийв.

Тухайн газар нутгийг хамгаалдаг Пууту Кунти Куррама, Пиникура нар агуйг хамгаалж, олон жилийн турш тэмцсэн билээ. Тус агуй нь нутгийн уугуул иргэдийн хувьд археологийн чухал ач холбогдолтой, соёлын үнэт өвд тооцогддог.

“Рио Тинто” өнгөрсөн оны зургадугаар сард уучлалт хүсч, Гүйцэтгэх захирал асан Жан Себастьян Жак болон бусад хоёр удирдах албан тушаалтны урамшууллыг хассанаа мэдэгдсэн. Гэвч нэг ч удирдах албан тушаалтан хариуцлага хүлээн огцроогүй нь нутгийн иргэдийн уур хилэнг бадрааж, тэдний хүчтэй эсэргүүцэлтэй тулгарсан билээ.

Хэдэн сарын дараа хөрөнгө оруулагчдын шахалтаар Жан Себастьян Жак огцрохоос өөр аргагүй байдалд оржээ. Оны эхээр түүнийг тус компанийн Санхүү хариуцсан захирал Якоб Стаушольм орлож байв. (“Рио Тинто”-гийн Гүйцэтгэх захирал Жак огцорсон ч 2020 онд 18.6 сая орчим долларын цалин, урт хугацааны урамшуулал авсан нь илэрчээ).

Тус компанийн шинэ Гүйцэтгэх захирал Якоб Стаусхолм ажлаа хүлээн авахдаа "Нутгийн иргэд, Засгийн газар болон бусад харилцагч талуудтай харилцан итгэлцсэн түншлэл бий болгоход анхаарна" гэж мэдэгджээ.

Дээрх мэдээллийн дараа Австралийн Хөрөнгийн биржид “Rio Tinto” компанийн хувьцааны ханш 1.78 хувиар өсч, 129.45 австрали доллар болжээ.

Эх сурвалж: CNN

Энэ мэдээнд өгөх таны сэтгэгдэл?
6
ЗөвЗөв
5
БурууБуруу
2
ХахаХаха
2
ХарамсалтайХарамсалтай
2
ТэнэглэлТэнэглэл
1
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-04 66.181.161.65

Увайгүй хүмүүстэй уулзсан юм байна даа, бид. Юуг ч дэлбэлж яаж ч хөнөөж мэдэх эвгүй гарууд

Avatar

зочин 2021-03-04 103.140.11.17

:Дэлхийн том компаниудын дотроос олон улсын үнэлгээгээр Рио хамгийн шударгад тооцогддог юм. Ёс зүйн жишиг харагдаж байна:

Avatar

Зочин 2021-03-04 150.129.142.50

Энэ Дэлхий даяар хулгай, дээрэм хийж явдаг компанийн удирдах ажилчид байнгын томоохон хэмжээний луйварыг зохион байгуулаад баригдаад ирэхээрээ өөрсдөө огцорч компанидаа гал хамгаалагчийн үүрэг гүйцэтгэдэг. Ийм ч учраас энэ эрсдэлтэй үүрэг, хариуцлагыг хүлээж гүйцэтгэснийхээ төлөө насаараа санаа зовохгүйгээр амьдараад байхад хангалттай өндөр цалин хөлс авдаг. Бараг л хар тамхи зөөдөг хүмүүстэй төстэй ажил…

Avatar

Зочин 2021-03-04 202.55.188.41

Bagabandi uhamsaraaraa ogtsrohgui bol hucheer ogtsruul

Avatar

ОНОМ 2021-03-04 66.181.176.51

РИО ер нь эвгүй компани гэдэг нь мэдэгдсэн. Энэ австралиуд ер нь их расист байх шүү. Хөгжиж буй орнуудыг дээрэлхээд, авилгадаад, 12 жил яваал, дараа нь зүгээр л аа заа гэрээгээ шинэчилье гээл явчихдаг, тэгээд дараагийн 12 жил. Яг цикл дээр тааруулаад яваад сурчихсан. Хөгжиж буй, авилгад гүн идэгдсэн орнуудыг авилгаддаг. Ямар ч тэнэг данснаасаа мөнгө гаргаж өгөхгүй. Тэгээд далд хэлбэрээр тухайн улсын үндэсний бизнесменүүдэд ямар нэг боломж олгоол, нөгөөдүүл нь цаагуураа авилгыг нь өгөөл. гэх мт

Avatar

onom 2021-03-04 66.181.176.51

РИО ер нь эвгүй компани гэдэг нь мэдэгдсэн. Энэ австралиуд ер нь их расист байх шүү. Хөгжиж буй орнуудыг дээрэлхээд, авилгадаад, 12 жил яваал, дараа нь зүгээр л аа заа гэрээгээ шинэчилье гээл явчихдаг, тэгээд дараагийн 12 жил. Яг цикл дээр тааруулаад яваад сурчихсан. Хөгжиж буй, авилгад гүн идэгдсэн орнуудыг авилгаддаг. Ямар ч тэнэг данснаасаа мөнгө гаргаж өгөхгүй. Тэгээд далд хэлбэрээр тухайн улсын үндэсний бизнесменүүдэд ямар нэг боломж олгоол, нөгөөдүүл нь цаагуураа авилгыг нь өгөөл. гэх мт

Avatar

Зочин 2021-03-04 202.179.21.240

australichuud racist humuus

Avatar

зочин 2021-03-04 49.179.17.205

Нутгийн уугуул иргэдийн агуйг дэлбэлчихдэг дээрэлхүү новшнууд!

NewsMN Гар утасны хувилбар Татах
NEWS.mn

Мэдээллийн эх сурвалж