С.Амарсайхан: Өнөөдрөөс вакцинжуулалтыг эрчимжүүлнэ | News.MN

С.Амарсайхан: Өнөөдрөөс вакцинжуулалтыг эрчимжүүлнэ

С.Амарсайхан: Өнөөдрөөс вакцинжуулалтыг эрчимжүүлнэ

С.Амарсайхан: Өнөөдрөөс вакцинжуулалтыг эрчимжүүлнэ

НЭМЭЛТ: 13.30

Засгийн газрын хуралдаанаар хэлэлцсэн асуудлын талаар Шадар сайд С.Амарсайхан мэдээлэл хийлээ. Засгийн газрын хуралдаанаар дотооддоо халдварын тоо нэмэгдэхгүй, вакцинжуулалт хэвийн, иргэд, аж ахуй нэгж цар тахлын хамгааллаа бүрдүүлж чадах юм бол тавдугаар сарын 1-ээс хилээ нээх асуудлыг хийх асуудлыг хэлэлцсэн байна. Шадар сайд С.Амарсайхан "Хил нээх нь дан ганц манай улсаас хамаарахгүй, бэлтгэл ажлыг хангаж, тооцоо судалгаа гаргахаар ажиллаж байна. Хилийн орчимд халдвар хамгааллын нөхцөлүүдээ сайжруулах ажлууд хийгдэж эхэлсэн" гэдгийг онцлов.

"ТАВДУГААР САРЫН 1-НД ХИЛ НЭЭХ БЭЛТГЭЛЭЭ ХАНГАЖ БАЙНА"

Ийн мэдээллийн дараа сэтгүүлчдийн асуултад хариулт өглөө.

-Ирэх тавдугаар сарын 1-ээс эхлэн хилээ нээхээр төлөвлөсөн гэж байгаа ч халдварын тоо буурахгүй, өдөрт 30-50-иараа нэмэгдэж байхад хилээ нээнэ гэдэг нь хэр зохимжтой вэ?

-Халдварын тохиолдлууд 37 голомтод хийсэн шинжилгээнээс илэрч байгаа. Эрсдэл өндөр, багасаагүй. Гэхдээ УОК, Засгийн газраас аль болох зохих дэглэм журам, халдваргүйжүүлэлтийг хийхэд хүн бүр анхаарч ажиллах шаардлага үүсч байна. Ингэж чадвал бид хил орчмын үйл ажиллагааг нээх, хилээ нээх бүрэн боломж бүрдэнэ гэж үзэж байгаа. Гэхдээ тавдугаар сарын 1-нд шууд нээнэ гэсэн эцсийн шийдвэр гараагүй, тиймээс бид нээх бүх бэлтгэлийг хангаж, хариуцлагаа өндөржүүлж, өндөр зохион байгуулалттай ажиллах шаардлага бий. Тухайн цаг үед халдварын тархалт эрсдэлгүй гэж үзвэл тавдугаар сарын 1-нд нээх бүх боломжийг ашиглана.

-Вакцинжуулах явц маш удаашралтай байна гэж иргэд шүүмжилж байна. Хэт удаан байгаа нь цаг хугацаа алдаж байгаа нь цаашид хил нээх, хэвийн үйл ажиллагаа явуулахад саад учруулах вий гэсэн болгоомжлол байна?

-Эрүүл мэндийн сайдын гаргасан тушаалын дагуу эхний ээлжинд голомтод ажиллаж байгаа хүмүүстээ хийж эхэлсэн. Ойрын өдрүүдэд дархлаажуулалтыг эрчимжүүлж, вакцин татан авалтаа нэмэгдүүлэх, цаг хугацааг түргэвчлэх тал дээр анхаарч ажиллаж байна. Гэхдээ биднээс шалтгаалахгүй, вакцины ханган нийлүүлэлтээс шалтгаалж багагүй асуудал үүсч, шийдвэрлэхээр анхаарч, эрчимтэй арга хэмжээ авч ажиллаж байгаа. Гуравдугаар сарын дундаас хойш бүх чиглэлээр эрчимтэй явна. Бид хоёрдугаар улиралдаа багтааж 18-аас дээш насны хүн амын 60 хувийг вакцинжуулна. Өнөөдрийн байдлаар 10 мянга гаруй вакцинжуулалт хийсэн бөгөөд 22 цэг дээр вакцин хийж байна. Цаашид вакцин хийх цэгийг нэмэгдүүлнэ.

Өдөрт 25-30 мянган иргэдийг вакцинд хамрагдуулах бүрэн боломжтой. Голомтод ажиллаж байгаа албан хаагчдыг бүрэн вакцинжуулалтаа хийсний дараа дархлаажуулалтыг өргөн хүрээнд хийгээд явах боломжтой.

-Манай улс одоогоор тусламжийн вакцин иргэддээ хийж байгаа нь удаашралтай, хүлээлт үүсгэж байна гэх шүүмжлэл байна. Монгол Улсын Засгийн газар хэзээ мөнгөөр вакцин худалдаж авах вэ?

-Вакцины худалдааны гэрээний хүрээнд 10 мянган тун спутник орж ирсэн. Бусад вакцинуудыг худалдаж авах гэрээ хэлэлцээ хийгдэж байна. Манай улс вакцины хөрөнгө мөнгөө бэлдсэн. Вакцинжуулалт Эрүүл мэндийн сайдын төлөвлөгөөний дагуу хийгдэж байгаа учраас мэргэжлийн алдаа дутагдал гаргахгүй, вакцины нөлөөлөл зэргийг харгалзаж, хийгдэж байгаа. Өнөөдрөөс эхлээд вакцинжуулалт нэмэгдээд явна.

-Халдварыг дотооддоо алдах нэг шалтгаан бол тусгаарлалтын журам, дэглэм алдагсан. Тусгаарлах байртай холбоотойгоор ямар шаардлага тавьж, дэглэм барьж байна вэ?

-Тусгаарлалтын байран дээр хяналт, шалгалт хийж байгаа. Тусгаарлалтын байрнаас халдвар алдаж болохгүй. Өмнө Энхсаран сувилал дээр дэглэм сахиагүй, мэргэжлийн байгууллагын нэр бүхий албан тушаалтнуудын хариуцлага алдагдсан. Одоо ч гэсэн тусгаарлах байранд цэвэрлэгээ, ариутгал хангалтгүй хийж байгаа тохиолдол бий.

"НИЙСЛЭЛД СУРГУУЛЬ, ЦЭЦЭРЛЭГИЙГ ХЭЗЭЭ НЭЭХ ТАЛААР ТОДОРХОЙ ШИЙДВЭР ГАРААГҮЙ"

-Нийслэлд сургууль, цэцэрлэгийг яг хэзээ нээх вэ?

-Засгийн газрын шийдвэрээр орон нутагт хичээл, сургуулийн үйл ажиллагааг эхлүүлэх шийдвэр гарсан. Улаанбаатарт хэзээнээс хичээл, сургууль эхлүүлэх нь тодорхой, эцэслэсэн шийдвэр гараагүй байна. Салбарын яамны санал, дүгнэлтийг үндэслэж, эцсийн шийдвэрийг гаргана. Цаг үеийн нөхцөл байдлаа дүгнэж, ойрын хугацаанд Засгийн газрын хуралдаанаас шийдвэр гаргана. Засгийн газар, УОК аль болох нийтээр нь тусгаарлалт хийхгүй, хэсэгчилсэн байдлаар хөл хорио тогтоох байр суурин дээр байгаа.

-Төрийн ажлыг гүйцэтгэсэн хувийн хэвшлүүд мөнгөө авч чадахгүй байгаа асуудал маш олон аж ахуй нэгжүүдэд дарамт болж байна. Энэ талаар тодорхой шийдэл, шийдвэр гаргах уу, Засгийн газар?

-Сургууль, цэцэрлэг, барилга байгууламжтай холбоотой санхүүгийн асуудал өнөөдрийн Засгийн газрын хуралдаанаар хэлэлцээгүй.

-Шинжилгээний цэгүүдэд бээлий зэрэг хангамж муу байна. Ер нь нэг удаагийн хэрэгслийн хагамжийн нийлүүлэлтэд анхаарч байгаа юу?

-Шинжилгээний цэгүүдийг нэмж, дарааллыг бууруулах чиглэл өгсөн. Ариутгал халдваргүйтэл, нэг удаагийн хэрэгслийн дутагдал байх ёсгүй. Ер нь гаргасан шийдвэр, өгсөн үүрэг даалгаварыг хэрэгжүүлэхэд алдаа оноо гарч байгаа зүйл байгаа учраас зохион байгуулалт дээр илүү их анхаарч байгаа.

-Хувийн хэвшлийн компаниуд вакцин оруулж ирэх хүсэлтээ тавьсан уу?

-Хувийн хэвшлүүд саналаа Эрүүл мэндийн яамаар дамжуулаад хүсэлтээ өгч, уулзалтууд хийгдэж байна.


ЗАСГИЙН ГАЗАР ХУРАЛДАЖ БАЙНА

НЭМЭЛТ: 08.20

Засгийн газрын хуралдаан 08.00 цагтаа эхэлжээ. Хуралдаанаар вакцинжуулалтын явц, болон бусад асуудлыг хэлэлцэхээр төлөвлөсөн.


ЗАСГИЙН ГАЗАР ХУРАЛДАНА

Засгийн газар долоо хоног бүрийн Лхагва гаригт хуралддаг уламжлалттай. Тэгвэл өнөөдөр хуваарийн дагуу Засгийн газар ээлжит хуралдаанаа 08.00 цагт хийх бөгөөд 27 асуудал хэлэлцэхээр төлөвлөжээ.

  • Коронавирусийн цар тахлын эсрэг авч хэрэгжүүлж байгаа арга хэмжээ (Вакцины татан авалт, вакцинд хамрагдалтын явц болон бусад асуудал)
  • Үйлдвэрийн хаягдал усыг урьдчилан цэвэрлэх төлөвлөгөө батлах тухай,
  • Эрдэнэбүрэнгийн усан цахилгаан станц төслийн хэрэгжилтийн явцын талаар,
  • Шатахууны хангамж, үнэ,
  • Агаарын тээврийг либералчлах асуудлаар,
  • Улаанбаатар хотын цахилгаан дулааны 5 дахь эх үүсвэр,
  • Шинжлэх ухаан, технологи, инновацийн төвийн кластерын тухай зэрэг асуудалтай танилцахаар төлөвлөөд байна.
Энэ мэдээнд өгөх таны сэтгэгдэл?
6
ТэнэглэлТэнэглэл
5
ЗөвЗөв
3
БурууБуруу
1
ХахаХаха
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-03 109.252.126.47

Оросын спутник в хийлгэнэ. Аль 8сараас оросын элчин аваач гэж хэлээд байхад манай томчууд унэгуй вакцин хврсаар .байгаад ходоогийн халдыаргуй баййсан газруудаар тараажэхоээд байна. Ард тумэноросын вакцин хулээжбайна. Оросын унэгуйтусламжаар огсон вакцинийг шуурхай хийгээч .юугаа нооцлох Юм яриад байгаа. Хадгалах чанвр нь алдагдана.

Avatar

Зочин 2021-03-03 139.5.216.139

х**

Avatar

Зочин 2021-03-03 193.34.232.24

Ta uuruu hiilge huseed bgaan bol. Orsuud n uursduu onsh, ur dun n batalgaagaagui bas alban yosoor zuvshuurugduugui vaccina hiilgehgui geed bj bhad Mongolchuud l gej neg turshiltiin tuulai boloh huseltei humuus odoo bolhoos yahavdee huseed bgaan bol. Yamarch bsn songoh erh bgaa bailgui dee ali vaccine hiilgeh huseltei bgaagaa ilerhiileh. Oros, china 2-iin vaccine alban yosoor batlagdaagui bgaa bolhoor ali boloh hiilgehgui bsan n deer bhdaa odoohondoo.

Avatar

Зочин 2021-03-03 202.21.108.29

Спутник В вакциныг л иргэд хүлээж байна.

Avatar

Зочин 2021-03-03 193.34.232.24

Irged gene shuu, heden orsiig shuttsen humuus l huleeg bgaa bailgui.

Avatar

Зочин 2021-03-03 202.179.26.34

АЛЬ ХЭДИЙНЭ ТАРААГААД ЭХЭЛСЭН. ОДОО УВС, ЗАВХАН ГЭЭД АЙМАГ АЙМАГТ ХАЛДВАРЛАНА. ДҮҮРГҮҮДИЙН ЗОВЛОНГ АЙМАГ ДАВТУУЛАХ ШИЙДВЭР ГАРГАВ. ИРГЭН НЬ ХАРИУЦЛАГА ХҮЛЭЭДЭГГҮЙ, ДУРААРАА ДҮВЧИГНЭСЭН УЛС МОНГОЛООС ӨӨР АЛГА

Avatar

Зочин 2021-03-03 202.179.26.34

Шинжилгээ сөрөг гарсан хүний регистрийн дугаарыг мэдчихээд товчоонд ирээд манай ах, эгч, дүү хэн ч гээд нэрийг нь хэлээд хамт амьдардаг. Тэр хүн шинжилгээ өгсөн, регитсрийн дугаар нь энэ гэхэд л товчоо яаж ч чадахгүй гаргана.

Avatar

Зочин 2021-03-03 202.179.26.34

Үхсэнийх нь хилээ нээх вэ, хоорондоо уялдаа холбоогүйгээсээ болж хөдөө орон нутаг руу халдвараа тарааж байна. Тэр Ганзоригийн хэлсэн гэр бүлийн нэг гишүүн шинжилгээ өгсөн байхад бусад нь хэрэггүй ч гэх шиг. Яаж товчоодоор хөдөө орон нутаг явж буй хүмүүсийг ялгах вэ. Наад дээр чинь нугалаа хийж олон хүн гарна. Эхнэр нь шинжилгээ хийлгэсэн ч хөдөө явахгүй, нөхөр нь хүүхэдтэйгээ явахаар боломжтой ч яаж товчоо нотлох вэ?

Avatar

Гомбо 2021-03-03 202.179.26.34

СУДАЛЖ БЭЛТГЭЛ АЖЛАА ХАНГААГҮЙ БАЙЖ БИТГИЙ ИНГЭЖ САР ӨДӨР ЗАРЛАЖ ХҮМҮҮСТ ХҮЛЭЭЛТ БҮҮ ҮҮСГЭ. ТЭГЖ ИХ КАМПАНЧИЛЖ ВАКЦИН ХИЙХ БАЙР САВ, ХҮНИЙ НӨӨЦ ЧИНЬ БЭЛЭН БУС БАЙНА. ОДОО ХИЧЭЭЛ ЭХЭЛН5 ГЭЭД БОЛОВСРОЛЫН ЯАМ СУРГУУЛИА ХАЛДВАРГҮЙЖҮҮЛЭХЭЭР ХААНА ШИНЖИЛГЭЭ АВЧ ВАКЦИНАА ХИЙХ ВЭ.
ЗӨВХӨН ДҮҮРГИЙН ЭМНЭЛГҮҮДЭЭ БҮТЭН ЖИЛ ТАМЛААД ДУУСЛАА. ЯАГААД ТОМ ЭМНЭЛГҮҮД, ХУВИЙН ХЭВШЛИЙН ЭМНЭЛГҮҮДЭЭ ДАЙЧИЛЖ БОЛДОГГҮЙ ЮМ БЭ? ХУДЛАА СҮРЖИГНЭЖ ПОПРООД БАЙХ ЮМ. ЭНЭ ТӨРИЙН ТУСГАЙ АЛБАН ХААГЧИДЫН ЭМНЭЛЭГТЭЭ АШИГЛААЧ ЭЭ

Avatar

Зочин 2021-03-03 66.181.188.20

Цар тахал буурахгуй байхад хичээл сургууль хил гааль нээх тухай ярьж байдаг мон вакцинжуулах ажил 4 жилийн дараа дуусах явцтай Монгол улсад ямарч жуулчин ирэхгуй Монгол улсын онгоцыг ямарч улс хулээн авахгуй дэлхийн доог болох байхдаа Огцрох ээлжээ л хулээх болох байх даа

Avatar

Зочин 2021-03-03 66.181.164.211

Эмнэлгуудэд огоод хийлгуулээчээ! Хийж байгаа газрууд адилхан л эмнэлэгт шавааралдаад хийж байна лээ. Хувь хувьсгалын эмнэогуудэд цагийн огоод хийлгэвэл хамаагуй хурдан, халдвар хамгаалал ч сахигдана!

Avatar

Зочин 2021-03-03 64.119.19.47

Вакцинжуулалт үнэн удаан бнаа. Тэр цэг дээр нь очоод хийлгэчихэж болохгүй юмуу. Шинжлэх ухаанд итгэж бгаа учраас ямарч эргэлзээгүй хийлгэмээр бна.

Avatar

Зочин 2021-03-03 202.131.227.82

жаахан хурдтай байхгүй бол ???

Avatar

Зочин 2021-03-03 66.181.161.69

Хийх юмныхаа тооцоог нарийн гаргаад ажлаа эхэлснийхээ дараа ярьвал зүгээр. Ингэхгүй бол 5-р цахилгаан станц шиг юм болох вий дээ. Аль 10-д жилийн өмнөөс шавынь тавьсан. Сонгуль болгоноор шав тавих ёслол хийсээр гурван ч сонгууль өнгөрлөө. Инээдтэй ч юмаа даа. Онигоонд хүртэл орчихсон. Бүтэхгүй юмыгаа тэр чинь тав уу гэх жишээтэй.

Avatar

Зочин 2021-03-03 203.98.77.101

ХУДЛАА ПОПОРОХОО БОЛЬЦГОО Л ДОО. ШИНЖИЛГЭЭ, ВАКЦИН ГЭЖ ХЭДХЭН ДҮҮРГИЙН ЭМНЭЛГҮҮДИЙГ ТАМЛААД ЖИЛ БОЛЛОО. ОДОО СУРГУУЛЬ НЭЭНЭ ГЭВЭЛ ӨӨР ОЛОН ХҮНЭЭС ШИНЖИЛГЭЭ АВАХ ГАЗАР БАЙХГҮЙ БОЛНО. ТА НАР ИЙМ ЮМАА ЭХЭЛЖ БОДОЖ ТООЦОЖ СУДЛАЧИХААД ЮМАА ЯРЬ Л ДАА. ЯДАЖ БОДИТ БАЙДАЛТАЙГАА НҮДЭЭРЭЭ ХАРЖ, АЖИЛЛАЖ БАЙГАА ХҮМҮҮСТЭЙ УУЛЗАЖ, ОЧЕРЛООД ЗОГСОЖ БАЙГАА ХҮМҮҮСТЭЙ ЯРИЛЦАЖ БАЙЖ НААД ШИЙДВЭР ШИГ ЮМ АА ГАРГААЧ ЭЭ…

Avatar

Зочин 2021-03-03 192.82.72.229

Ямар том хүн вэ энэ.

Avatar

Zochin 2021-03-03 103.212.118.134

Олон нийтийн тоглолт, караоке саун хүртэл нээчээд ахлах ангийнханд сурах боломж олгохгүй байгаа нь ара шүү. Цөөн хүнтэй, агааржуулалттай, масктай хичэллэхэд болохгүй зүйлгүй баймаар. Ганцхан хоолон дээрээ л зай барина шд, ирээдүйгээ шийдэх гэжийхад, манайх шиг жил боловсролоо хорьсон газар байнуу

Avatar

Зочин 2021-03-03 66.181.161.29

Энэ газрын луйварчин нэг л шударга дүртэй удахгүй үнэн царай нь танигдана даа

Avatar

Зочин 2021-03-03 66.181.190.23

Хэдэн хорчин хүүхнүүдтэйгээ нийлээд иргэдийг ямар уран үгээр хулхидах вэ гээд

Avatar

Зочин 2021-03-03 202.179.24.55

Овоо дорвитой ажил ярьж байна. Өмнөх Хүрэлсүх бол шалдар булдар юм л ярьж байсан нөхөр

Avatar

Зочин 2021-03-03 139.5.219.254

Эгийн голын УЦС-аа ЮНЕСКО-д асуудлаа тавьж шийдүүлээчээ. Энэ засаг юм хийх нь үү

Avatar

Зочин 2021-03-03 192.82.72.229

гутруу хүн итгэлгүй хүн

Avatar

Badarch taxar 2021-03-03 139.5.217.163

Wakstinaa hurdliil argin ni oorchil mash udaan bna

Avatar

Зочин 2021-03-03 66.181.181.159

5-Р СТАНЦИЙГ ДАХИАД 5 ЖИЛ ЯРИХ УУ?

Avatar

Зочин 2021-03-03 66.181.188.20

5- р станцийг 5 жил ярина дараа нь 5 жил барьж байгуулах эхэмшиж ашиглаж сурах гээд 10 н жилийн дараа ур дун нь харагдана энэ хугацааг одоо байгаа станцууд нь дааж чадахгуй Энэ ажилтайгаа зэрэгцуулээд Багануурт эхлэл нь тавигдсан станцийг яаралтай барьж байгуулбал аминд орно шуу т

Avatar

Зочин 2021-03-03 202.21.108.29

Одоо бага хүчин чадлын цөмийн цахилгаан станцыг барьж байгуулах асар том зорилго тавьж ажиллаач. Ирээдүй тэр чигтээ эрчим хүчээр амьсгална. Жижиг УЦС мэтийн ганц хоёр аймгийн айлуудыг цахилгаанаар хангах мэтэд асар их хэмжээний өр тавьж хөрөнгө зарцуулаад яах юм бэ. Ашиг нь 100 жил болоод ч орж ирэхгүй шдээ, тэр хугацаандаа зээлийн хүү, станцын засвар арчилгаанд л асар их хөрөнгө үр зарна. Ирээдүйн бүх хөдөлгөх хүч эрчим хүчээр л явагдах боллоо. Одоо хоцорвол улс орнуудаас 100,200 жилээр хоцроно

Avatar

Зочин 2021-03-03 139.5.219.254

Э.З-АА ХЭЗЭЭ ТОМООР ХАРЖ ТОМ ТӨСЛҮҮДЭЭ ЭХЛҮҮЛЖ УЛС ОРНОО ӨӨД ТАТНАА. ТУЛГА ТОЙРСОН ЯРИАТАЙ ЧАДВАР МУУХАН ТӨРИЙН ДАМЖЛАГА ДАМЖААГҮЙ НӨХӨР ХАРАГДАНА

Avatar

Зочин 2021-03-03 202.70.44.46

Эрдэнэбүрэнгийн УЦС, цахилгаан дулааны 5 дахь эх үүсвэр гээд томоохон төслүүдийг ярьж байгаа юм биш үү

NewsMN Гар утасны хувилбар Татах
NEWS.mn

Мэдээллийн эх сурвалж