Хүмүүс гэрээсээ ажиллахаас залхаж эхэлжээ | News.MN

Хүмүүс гэрээсээ ажиллахаас залхаж эхэлжээ

Хүмүүс гэрээсээ ажиллахаас залхаж эхэлжээ

Хүмүүс гэрээсээ ажиллахаас залхаж эхэлжээ

Дэлхий даяар хүмүүс оффистоо очихоор тэмүүлцгээх нь ихэсчээ. Учир нь гэрээсээ ажиллах нь олон хүний хувьд стресстэй, хэцүү санагдах болсон хэмээн судлаачид дүгнэсэн байна.

"Canary Wharf Group" санхүүгийн компанийн стратегийн салбарын дарга Ховард Дауберн хэлснээр хүмүүс хувийн, гэр бүлийн, ажлын цагуудаа тусад нь байлгахыг хүсч, түүнээс гадна оффис, хотын төвийн амьдралыг санаж эхэлсэн гэнэ.

Тус компани цар тахлын өмнө 100 мянган ажилтантай байсан ч өдгөө ердөө 6000 ажилтантай болсон байна. Дауберн “Хүмүүс гэрээсээ ажиллахаас залхаад эхэлжээ. Уг нь анхандаа хүмүүс гэрээсээ ажиллахаар болоход бүгд баярлан хөөрч, гэрээсээ ажиллах нь оффист очиж ажиллахаас илүү дээр хэмээцгээж байлаа. Гэвч тэд цар тахал, хөл хорио ингэж удна гэж төсөөлөөгүй бололтой. Харин одоо хүмүүс эргээд оффисоо, хамтрагчдаа санаж, ойроос харилцан, хамтран ажиллахыг, гэрээсээ гадуур гарч ажил амжуулах, цайны цагаараа тухтай цайны газраар үйлчлүүлэхийг хүсэх болжээ” хэмээн ярьсан байна.

Гэхдээ судлаачдын үзэж байгаагаар хүмүүс хэдийгээр оффисоо санаж байгаа ч цаашид зарим өдөр гэрээсээ ажилладаг байхыг илүүд үзэж байгаа аж. Мэргэжилтнүүдийн мэдээлснээр цар тахал дуусч, амьдрал эргээд хэвэндээ орсон ч ихэнх хүмүүс долоо хоногийн нэгээс хоёр өдрийг гэрээсээ ажилладаг өдөр болгох хүсэлтэй байгаа гэнэ.

Нөгөө талаас компанийн удирдлагууд ч ажилчдынхаа хүсэлд тохируулан ажлын цагийг уян хатан байлгах тал дээр төлөвлөгөө боловсруулан ажиллаж эхэлсэн байна. Тухайлбал, "Lloyds Banking" группийн ажилчдын 80 хувь нь долоо хоногийн дор хаяж гурван өдөр оффистоо ажиллах хүсэлтэй байгаагаа илэрхийлсэн аж. Тиймээс тус компани ирэх хоёр жилийн хугацаанд оффисын нягтралаа 20 хувиар бууруулан ажиллах төлөвлөгөөтэй байгаа гэнэ.

Эдгээрээс гадна "Gоldman Sachs" тэргүүтэй олон нэр хүндтэй компаниуд үргэлж гэрээсээ ажиллах нь 100 хувь таатай зүйл биш хэмээн үзэж байгаагаа илэрхийлжээ.

Эх сурвалж: BBC.COM

Энэ мэдээнд өгөх таны сэтгэгдэл?
4
ЗөвЗөв
4
ХахаХаха
2
БурууБуруу
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-03-02 202.131.245.69

гэрээсээ ажиллах эхэндээ аятайхан юм шиг байсан ч дэмий юм байна лээ. төрийн албаныхан илүү цагаар ажиллах нь жирийн үзэгдэл болсон. дээрээс нь хатуу хөл хориотой гээд байхад дарга нар заавал ажил дээр дуудаж цаасаар юм хэвлүүлж авах гээд орой нь тараад цахимаар ажиллах гээд үнэхэрэ стресстэй юм. цахимаар ажиллавал төр цомхон болно гээд байгаа хүмүүс бүх төрлйин бүртгэл сайжирсан цагт л тийм болно ш дээ. одоогийнх шиг тэгээд хиймэл оюун ухаан тасартлаа хөгжөөгүй үед их л хэцүү шүү. ккк

Avatar

Зочин 2021-03-02 64.119.18.99

"Залхана" гэдэг бол цэвэр субъектив ухагдахуун! Цар тахал нөмөрсөн энэ бэрх цагт сэтгэл хөдлөлөөр асуудалд хандах нь илүү маяг!!! Өлсөөгүй, өвдөөгүй л бол тэвчих хэрэгтэй!!!!

Avatar

Цахимжаад төрөөс хэмнэлт 2021-03-02 192.82.70.7

Данхар төрийн үйлчилгээг цахим болгоод, орон тоогоо цөөлж хэмнэлт хийж, тэр мөнгөө хэрэгтэй зүйлд зарцуулж сурвал сайхан л байна санж.

Avatar

зочин 2021-03-02 202.9.46.220

Эсрэгээрээ монголд бол орон тоо цөөлөхөд боломжтой судалгаа гарч байна. Каринтиний үед цөөн хүнтэй ажил явуулахад ажиллагаа хэвийн явагдаж болж байна. Хуулийндаа л баригдаад байгаа болохоос орон тоог цөөлөх асар их боломж байна төрийн албан хаагчдад………….

Avatar

Зочин 2021-03-02 64.119.18.99

БҮР ЯГ ҮНЭН!!!!!!!!!!!

NewsMN Гар утасны хувилбар Татах
NEWS.mn

Мэдээллийн эх сурвалж