Хөдөө явах иргэд цаг авсан ч шинжилгээ өгч чадахгүй бухимдаж байна | News.MN

Хөдөө явах иргэд цаг авсан ч шинжилгээ өгч чадахгүй бухимдаж байна

Хөдөө явах иргэд цаг авсан ч шинжилгээ өгч чадахгүй бухимдаж байна

Хөдөө явах иргэд цаг авсан ч шинжилгээ өгч чадахгүй бухимдаж байна

Хот хоорондын шилжих хөдөлгөөн өчигдрөөс /2021.03.01/ нээгдэж, шинжилгээний төвүүдийн гадна хүмүүс өдөржин урт дараалалд зогсдог дүр зураг дахин сэргэлээ. Шинжилгээ авах цэгүүд орон нутгийг зорихоор шинжилгээ өгөх гэсэн хүмүүсийн хөлд дарагджээ. Хот хоорондын зорчих хөдөлгөөнийг нээхээс өмнө шинжилгээ авах цэгүүдээр иргэд урьдчилан цаг авч үйлчлүүлдэг байсан бол өнөөдрийн байдлаар урт дараалалд зогсохоос өөр аргагүй нөхцөл байдал үүсчээ. Нийслэлийн хэмжээнд дүүрэг бүрт 2-3 PCR шинжилгээ авах цэг ажиллаж байгаагийн нэг нь Баянзүрх дүүргийн 84 дүгээр сургууль. Тус төвд өчигдөр 14:00 цагийн үед олон цаг гадаа зогсч даарсан, бухимдсан хүмүүс угтлаа. Шинжилгээний төвийн гадна оочер, дарааллын маргаан ч тасарсангүй. Иргэдийн хувьд урьдчилан цаг авсан хүн ч цагтаа шинжилгээ өгч чадахгүй дугаарлаж байгаа нь олон.

Баянзүрх дүүргийн 84 дүгээр сургуулийн тавдугаар PCR шинжилгээ авах цэгт дүүргийн Эрүүл мэндийн төвийн 16 эмч, ажилтан ажиллаж байгаа юм. Шинжилгээ авах цэгийн үүдээр орвол халуун хэмжиж, бүртгэсний дараа PCR шинжилгээг авч байлаа. Тус цэгт PCR шинжилгээг авах хоёр эмчтэй, бүртгэлийн хоёр ажилтантай.

Өчигдрийн байдлаар өглөө 09:00-13:00 цаг хүртэл 400 гаруй хүн PCR шинжилгээ авчээ. Энэ нь ердийн үед нэг өдөрт PCR шинжилгээ өгдөг хүний тоо аж. Зарим ачаалал багатай өдөр 200-300 хүн шинжилгээ өгдөг байна. Хот хоорондын зорчих хөдөлгөөнийг нээсэнтэй холбоотойгоор эмч, ажилчдын ачаалал эрс нэмэгдэж,  цаг авсан хүмүүс шинжилгээ өгч чадахгүй бухимдаж байгааг тус төвийнхөн хэлж байв. Шинжилгээ авах цэгүүд 09:00-17:00 цаг хүртэл ажиллаж байгаа юм.

PCR ШИНЖИЛГЭЭ ӨГЧ БАЙГАА ХҮМҮҮСИЙН ДИЙЛЭНХ НЬ ОРОН НУТАГТ ЗОРЧИГЧИД

БЗД-т байрлах PCR шинжилгээний цэгийн  багийн ахлах  Б.МАНЛАЙБААТАР: 

-Хот хоорондын хөдөлгөөнийг нээх тухай мэдээлэл гарснаас эхлэн шинжилгээний төвийн гадна хүмүүс дараалалд зогссон. Ачаалал их байна. PCR шинжилгээ өгч буй хүмүүсийн дийлэнх нь орон нутагт зорчих хүмүүс байна. Зорчих хөдөлгөөн нээхээс өмнө иргэд цаг авч,шинжилгээ өгч байсан ч цаг дууссан гэж гарч байгаа учраас дараалал үүсч байна. Өмнө нь цаг авсан хүмүүс ч шинжилгээгээ өгч чадахгүй байна. Тиймээс шилжилт хөдөлгөөн жигдрэх хүртэл ойрын гурав хоногт цаг авах шаардлагаггүй, иргэд дугаарлаж шинжилгээ өгнө. Өмнө нь цаг авсан хүмүүс шинжилгээ өгч чадахгүй болсон тул бухимдаж байна. Нөхцөл байдлыг ойлгож байгаа ч аль болох хурдан шинжилгээ авахаар зохион байгуулж ажиллаж байна гэлээ.

УОК-оос орон нутагт зорчиж байгаа иргэдийн хувьд гэр бүлийн гишүүдээс нэг нь PCR шинжилгээ өгсөн бол бусад гишүүдээс нь шинжилгээний бичиг шаардахгүй гэдгийг мэдээлсэн. Харин шинжилгээ авах цэгийн гадна хүүхдээ дагуулсан, жирэмсэн, ахмад настангууд цөөнгүй байлаа.

Дугаарлаж буй хүмүүсийг аль болох хүн хоорондын зай бариулахаар цагдаа нар зохицуулах боловч хүмүүс тоосон шинжгүй. Өмнүүрээ хүн оруулахгүй гэсэндээ бие биетэйгээ шахаж  зогсох нь ч нийтлэг байлаа. Зарим нь амны хаалтаа эрүүн дороо тохсон, хамраа гаргасан зогсч байгаа нь харагдсан. Иргэдийн зүгээс PCR шинжилгээ авах цэг зохион байгуулалтгүй байгааг шүүмжилсэн. Зарим нь цаг авсан ч шинжилгээгээ өгч чадаагүй, нэг хэсэг нь  бөөгнөрөл үүсгэж, урт дараалалд өдөржин зогсох шаардлагатай болсон зэрэг олон асуудлыг иргэд хэлж байв.

          PCR ШИНЖИЛГЭЭ ӨГӨХ ЦЭГҮҮДИЙН ТООГ НЭМЭХ ШААРДЛАГАТАЙ

Иргэн У.БАДАМХАНД:

-Хөдөө орон нутгаас эмнэлгийн үйлчилгээ авахаар нийслэлд түр хугацаанд ирсэн. PCR шинжилгээгүй бол эмнэлэгт үзүүлэх эрхгүй болохоор өглөөнөөс хойш дугаарлаж байна.

Гадаа дөрвөн цаг зогссон болохоор даарсандаа өвдөх нь. Уг нь өчигдөр цаг авсан боловч өнөө өглөө 09:00 цагт хуваарийн дагуу шинжилгээ өгч чадаагүй, дугаарлаж байна. Уг нь 133 дүгээр төв дээр шинжилгээ өгөхөөр очсон ч зөвхөн 84 дүгээр төв дээр шинжилгээ авч байна. Өглөө шинжилгээ өгөхөөр очиход миний өмнө 180 гаруй хүн байсан.

Иргэн Д.ПҮРЭВ-ОЧИР: 

-Орон нутагтаа буцахаар PCR шинжилгээ өгөх гээд дугаарлаж байна. Урьдчилан цаг авч болохгүй, дууссан гэж гарч байгаа болохоор дугаарлахаас өөр аргагүй байна. Гадаа зогсоод гурван цаг боллоо. Хүйтэн байгаа болохоор өндөр настай, жирэмсэн хүмүүс ялгаагүй олон цаг зогсч байна. Заримдаа ч өрөвдөж, хүндлээд өмнүүрээ оруулж байна. Ахмад болон жирэмсэн хүмүүсээ гадаа зогсоохгүй, гэрт нь явуулын багийнхан PCR шинжилгээ авах хэрэгтэй.

 

Иргэн Д.БОЛОРМАА:

-Банкинд ажилладаг болохоор ажлаасаа түр чөлөө авч шинжилгээ өгч байна. Хот хоорондын зорчих хөдөлгөөнийг нээсэнтэй холбоотойгоор шинжилгээний төвийн ачаалал ихэссэн байна. Дараалал маш их байгаа ч удаан хүлээсэнгүй, бид ажилтай учраас үнэмлэхээ үзүүлээд  шинжилгээ өгөхөөр сууж байна.

 

 

 

Иргэн Д.УУГАНБАЯР: 

-Орон нутагт ажилтай болохоор тав дахь удаагаа PCR шинжилгээ өгөхөөр дугаарлаж байна. Өмнө нь цагаар үйлчлүүлдэг, ачаалал багатай байсан ч өчигдрөөс хөдөө орон нутаг явах хүмүүс шинжилгээ өгөхөөр дугаарлаж эхэлсэн байна. Өчигдөр орой цаг авсан ч шинжилгээ өгч чадахгүй, гурван цаг гадаа зогслоо. Цагаар үйлчлэхгүй байна. Шилжилт хөдөлгөөнийг нээсэн бол шинжилгээний төвүүдийн цэгээ нэмэх хэрэгтэй байна. Баянзүрх дүүргийн 360 мянган хүнд гуравхан  цэг хангалтгүй болохоор оочир үүсч, халдвар хамгааллын дэглэм ч алдагдаж байна. Хүн хоорондын зайгаа барьсан хүмүүс байхгүй. Бүгд л бөөгнөрсөн байхад халдвар авахгүй гэх баталгаа алга. Хөл хорио тогтоосны үр дүн алга. Дүүргийн удирдлагууд өөрсдөө гадаа дугаарлаж, иргэд нь яаж PCR шинжилгээ өгч байгааг харах хэрэгтэй гэлээ.

Нийслэлээс гарч буй хүмүүс PCR шинжилгээг 72 цагийн дотор өгсөн байх шаардлагатай. Энэ хугацааг тухайн хүний шинжилгээний хариу гарснаас эхлэн хугацааг тоолох юм. Харин хөдөө орон нутгаас Улаанбаатар хот руу нэвтрэх иргэд PCR шинжилгээ өгөх шаардлагагүй, асуумж бөглөж товчоодоор нэвтрэх юм.

ШААРДЛАГАТАЙ БОЛ ШИНЖИЛГЭЭ АВАХ ЦЭГҮҮДИЙН ТООГ НЭМНЭ

 

Б.ЦЭЦЭГ

Энэ мэдээнд өгөх таны сэтгэгдэл?
6
ТэнэглэлТэнэглэл
2
ХахаХаха
1
ХарамсалтайХарамсалтай
0
ЗөвЗөв
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

31 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-02 45.117.32.5

Хувийн эмнэлгүүд мөнгө угаагаад бн ш дээ. Орон нутаг руу явах хүмүүс мэдээж яаралтай болоод л явж бгаа ядахсан иргэдээ шулахаа болиоч 100000 тэгсэн мөртлөө 4, 5 хонгийн дараа

Avatar

фдгфхгфх 2021-03-02 203.91.115.38

Цэгүүдээ нэмээчээ бөөн ачаалал бөөн бухимдал бна арай юмаа нэг юм хийчиж чадахгүй

Avatar

Зочин 2021-03-02 150.129.141.70

Huduuniihun yavaad bitgii ergej ir huuli durem gej baidgiin

Avatar

намын том тарган бүдүүн дарга нар нууц амрагуудтайгаа уул овоо хэсэх юм 2021-03-02 139.5.217.10

намын том тарган бүдүүн дарга нар нууц амрагуудтайгаа уул овоо хэсэх юм… нээх тийм балай хүмүүс..

Avatar

Лавлаа 2021-03-02 103.229.121.35

Шааодлагатай бол шинжилгээний цэг нээнэ ч гэх шиг Шаардлагатай байгаа нь харагдаад л байгаа юм биш үү Знэлэж дүгнэх гэсээр байтал бүх зүйл болоод өнгөрчих юм шиг ээ

Avatar

Зочин 2021-03-02 202.126.90.126

Өвчин тахлын үеэр дор дороо байцгаа. Битгий хот руу чихээд бай. Одоо яваад мөд битгий ирээрэй.

Avatar

Зочин 2021-03-02 103.26.195.42

altan dornod zahiral Kolio Sasha Miiha Nika shuud ee. ukrainee zaluu say bolsin.huuramch zahiral bolj huni NOT hulgaialh deremdeh muuhai daa.

Avatar

Зочин 2021-03-02 103.26.195.42

ganbayara chamd neg zuil hatu heljinaa chi bitgi altan dornod zahiarl geed hubin kompani NOT hulgailah geed bai bolioroo.

Avatar

Зочин 2021-03-02 192.82.70.94

Нийслэлийн эрүүл мэндийн газрын дарга хар малаа шинжилгээ авах цэгээ нэм. Эргүү эргүү улиг болсон юмаа яриад байх юм. Намд хандив өгж наад албан тушаалаа авсан уу?

Avatar

Зочин 2021-03-02 202.126.89.126

ИРГЭД НУС ЦЭРЭЭ ИЛ ЗАДГАЙ ХАЯЖ НИЙГЭЭД БӨӨГНӨРӨӨД Л БАЙДГЫН БАЙНА ЛЭЭ….ЗАЙГАА БАРЪЯ ГЭХЭЭР "ЧИ ӨӨРӨӨ ЦААШАА ЗОГСООЧ !! " ГЭЭД ТООХГҮЙ…..ИРГЭД ӨӨРӨӨ НААД ЗАХЫН ХУУЛЬ САХИДАГҮЙ БАЙЖ ЗАСАГ ТӨРӨӨ ШҮҮМЖЛЭХ НЬ ИЛҮҮЦ …..

Avatar

Зочин 2021-03-02 202.126.89.126

ИРГЭД НЬ ӨӨРСДӨӨ ИНГЭЭД ХУУЛИА МӨРДӨХГҮЙ БАЙЖ ЗАСАГ ТӨРӨӨ ХАРААХ ХЭРЭГГҮЙ Ш ДЭЭ….

Avatar

Gavaa 2021-03-02 202.9.41.7

Энэ ЭМЯам ямар нэг ажлын зохион байгуулалтыг унэхээр хийж чадахгуй юмаа
Шинжилгээ өгөх цаг авсан бол тэр цагаараа л уйлчлээч
Цаг аваагүйг нь хөөгөөд явуул
Вакцин хийж байгаа нь гэж яст мэлхийн хурдаар
Худлаа баахан сүржигнээд
Энэ байдлаараа бол 8 жилиын дараа л дуусах юм бна лээ

Avatar

Зочин 2021-03-02 66.181.183.249

ПСР шинжилгээ гэж балай юмаа авах л ёстой бол иргэдэд чирэгдэлгүй авч болохгүй юу? бүхэл бүтэн 5 сар хамраа ухууллаа одоо болоо юм биш үү? Авснаараа болдог бол өдийд улс даяар эрүүл болчих нь яагаа вэ? Суусан цэцнээс явсан тэнэг нь дээр гэж амь амьдралаа зхлгуулж ядаж бшаа хүмүүсээ элдвийн дарамтанд оруулж очерлуулж дааруулж чирэгдүүлж бхаа болимоор бна Шинжилгээний цэгээ нэм!!

Avatar

Зочин 2021-03-02 139.5.216.101

Өнөөдөр 48-р сургууль дээр 3 цаг чихэлдээд шинжилгээгээ өгч чадсангүй. Цаг авах нь ямар ч хамаагүй юм байна. Цаггүй хүмүүсийг оруулдаг ченжтэй ч болсон юм байна.
Уул нь засгийн шийдвэрийг бизнес болгомооргүй байна.
За энэ ч яахав бидний тавилан юм биздээ

Avatar

Зочин 2021-03-02 59.153.84.163

Энэ шинжилгээ нэг том даргын бизнес байхаа. Сая крантилж бүх хүнээсээ шинжилгээ авчаад дахин авна гэдэг утгаггүй юм

Avatar

Иргэн 2021-03-02 49.0.142.6

УБ хот хаашдаа халдвартай. Орон нутаг руу явах хүмүүсээс бушуухан авмаар байна. Тариа ногоо, зам, барилгын ажил эхэлнэ.

Avatar

Зочин 2021-03-02 192.82.68.137

Өнөө олон шинжилгээний аппаратууд бүгдээрээ ажиллаж бгаа биз дээ. Яахаараа энэ их оочир болчихдог бнаа.

Avatar

Зочин 2021-03-02 64.119.18.98

Энэ эрсдэлтэй үед аймаг сумд руу пал хийтэл нь хэдэн мянгаар нь сад тавиад явуулж болохгүй ээ, хөдөөгүүр нэг хавтгайрсан цагаан сар болно.
Яаралтай үед хувийн эмнэлгүүд төлбэртэй хийж байгаа байх

Avatar

Зочин 2021-03-02 202.55.188.98

Huduunii humuusee ehleed gargaatahaach, hotiin humuus uldeh yum chin daraa ni hezee ch heden udaa ch uzuulj bolno shd, zeregtseed dairaad baihiin

Avatar

Зочин 2021-03-02 192.82.92.29

ХӨДӨӨНИЙ МАЛНУУДЫГ ТЭР ЧИГЭЭР НЬ ЗАЙЛУУЛ. ЯАСАН ЯВЖ ДУУСДАГГҮЙ ЮМ ВЭ, ХОТООР ДҮҮРЭН МАЛНУУД БАЙСАН ЮМ БАЙНА Л ДАА

Avatar

Зочин 2021-03-02 202.21.109.87

ХАРХ

Avatar

Зочин 2021-03-02 66.181.183.249

Хотын буудлын янхны бэлгэвчний цлорхойн дефектүүд их бх юмаа!!!

Avatar

Зочин 2021-03-02 66.181.183.249

Хотын гэж өөриынхөө тэнэгийг шайхсан хулшайчуудыг Гарангийн хогийн цэгээсээ холдохгүй бхыг харнаа!! Хөдөө байхгүй бол чи ОО ын цааснаас өөр идэх юм олдох уу?

Avatar

Зочин 2021-03-02 203.98.77.101

ЛАБОРАТОРИУД ЧИНЬ АЧААЛЛАА ДААХГҮЙ БАЙНА. ЭХЛЭЭД ЛАБОРАТОРИЙНХОО БОДИТ ХҮЧИН ЧАДЛЫГ ТООЦООЧ. ДАРАА НЬ ХААНА ЯАЖ АВАХАА ТОДОРХОЙ БОЛГООЧ… УОК, НОК-ИЙН ТЭНЭГҮҮД ӨӨРСДӨӨ ДҮҮРГҮҮДЭЭР ЯВЖ НААД ШИНЖИЛГЭЭ АВЧ БАЙГАА ЦЭГҮҮД ДЭЭРЭЭ ОЧИЖ ҮЗЭЭЧ. ТА НАРЫН ХЭЛДЭГ ШИГ БИШ БАЙНА. ЭМНЭЛГИЙНХЭН ДОТРОО ЧАДЛААРАА МАЧИЙГААД БАЙНА. ГАДАА НЬ ЦАГ АВСАН, АВААГҮЙ ИРГЭД ЧИНЬ ХООРОНДОО ХЭРЭЛДЭЭД АЛАЛЦАЖ БАЙНА. ХӨДӨӨ ОРОН НУТАГ РУУ ЯВНА ГЭЭД ӨДРИЙН ЛИМИТ ТОГТООГООЧ ЭЭ МАЛНУУДАА

Avatar

Зочин 2021-03-02 64.119.26.245

Одоо сүржигнэлээ болиод түргэвчилсэн шинжилгээгээр ч юмуу зорчих хөдөлгөөнийг нээ.
Хорих тусам улам төвлөрөл үүснэ.
Зовлонтой юмаа. Тусвал тусаад эдгэнэ биз ажил амьдралыг нь чөлөөлөл дөө

Avatar

иргэн 2021-03-02 59.153.113.93

УБ-таа сууж баөй. Битгий орон нутаг халдвар тархаах гэж яараад бай.Өвчин тусаад эдгэх биш эмнэлэг чинй ачаалалаа дийлэхгүй хүмүүс гэртээ эсвэл гудамжинд үхэж,улс орноороо сүйрэх үү? УСАН ТОЛГОЙТ оо.

Avatar

Зочин 2021-03-02 203.98.77.101

ДҮҮРГҮҮДИЙН ЭМНЭЛГЭЭ МАХЛААД ТАМЛААД ДУУСЛАА. ТА НАР ОДОО БОЛЬЦГОО. ЯДАЖ АСУУЖ СУДАЛЖ БАЙЖ ШИЙДВЭРЛЭЭЧ. УЛААНБААТАРТ ӨЧНӨӨН ХУВИЙН ЭМНЭЛЭГ, 3-Р ШАТЛАЛЫН ЭМНЭЛГҮҮД БАЙНА. ТЭДНИЙГЭЭ ТАТАН ОРОЛЦУУЛААЧ. ЦАГДАА, ОНЦГОЙ, МЭРГЭЖЛИЙН ХЯНАЛТ, ТӨРИЙН АЛБАН ХААГЧИДАА ТЭР ЗАСГИЙН ГАЗРЫН ОРДНЫ БАРУУН ТАЛД БАРИГДСАН ТӨРИЙН ТУСГАЙ АЛБАН ХААГЧИДЫН НЭГДСЭН ЭМНЭЛЭГТ ВАКЦИНАА ХИЙГЭЭЧ, БАС ӨӨР БАГУУД ТОМИЛЖ ЗЭРЭГ ЗЭРЭГ НААД ШИНЖИЛГЭЭГЭЭ ХИЙГЭЭЧ. ӨДӨРТ НЬ КВОТ ТОГТООГООЧ. ТЭРНЭЭС ХҮССЭН ХҮН БОЛГОНЫГ АВЧ ЧАДАХГҮЙ,

Avatar

Зочин 2021-03-02 139.5.219.17

шаардлага чинь аль хэдийн үүсчхээд бна

Avatar

zochin 2021-03-02 192.82.69.50

ene olon khuduuniikhniig khurdan shinjilgeeg ni awaad dakhij irekheerguy yawuulaach ,

Avatar

Хотын уугуул иргэн 2021-03-02 64.119.17.211

Ямар юмандаа яараад бухимдаад байгаа юм. Тэвчээртэй хүлээж сурцгаа. Хүний эрүүл мэнд, амь настай холбоотой асуудал байхад битгий сүржигнээд бай. Энэ сурвалжлагч нар гэж дандаа юмыг сөрөг талаас нь бичиж, элдэв сенсаци хөөцөлдөж хүний бө.гс ухаж байдгаа больмоор юм.Муухайш тээ.

Avatar

Зочин 2021-03-02 103.212.119.235

Сахил хүртээд шал дордов гэгч л болж байна даа. БЗД-т нэг хаалга нэг шижилгээг хуваарьт өдөр/21-22/ нь оочин цоочин хийж ёстой нэг халтуурдсан даа. Дүүргийн ШТАБ- руу ярихад ёстой ганц үг дуугарахгүй урьдаас тайлбар тавьж байсан. Одоо байдал бүр муудлаа, өчигдөр өрхийн эмнэлгээр орсон чинь ажиллагсад нь ямар харгис хэрцгий загнаж байваа. Энэ чинь одоо юу болох энэ вэ… Монголд 60 гарсан хүн амьдрах эрхгүй л болж байх шиг даанч дээ. Залуу дарга нарыг 60 хүрэхэд арай өөр болох байлгүй дээ.

NewsMN Гар утасны хувилбар Татах
NEWS.mn

Мэдээллийн эх сурвалж