Аваргууд эргэн ирэх, Тэрүнофүжи Г.Ган-Эрдэнэ озэки цол авах башё | News.MN

Аваргууд эргэн ирэх, Тэрүнофүжи Г.Ган-Эрдэнэ озэки цол авах башё

Аваргууд эргэн ирэх, Тэрүнофүжи Г.Ган-Эрдэнэ озэки цол авах башё

Аваргууд эргэн ирэх, Тэрүнофүжи Г.Ган-Эрдэнэ озэки цол авах башё

Мэргэжлийн сүмо бөхийн харү башё ирэх гуравдугаар сарын 14-ний өдөр Токио хотын Рёогокү Кокүгикан хотод эхэлнэ. Энэ удаагийн башё олон зүйлээрээ онцлог байна.


ИХ АВАРГУУД ЭРГЭН ИРСЭН НЬ

Өнөө цагийн сүмогийн идэвхитэй барилдаж буй хоёр их аварга болох Хакүхо М.Даваажаргал, Какүрюү М.Ананд нар эргэн ирнэ. Ёкозүнагийн зөвлөлөөс хатуу донгодуулсан хоёр аваргын хувьд сүүлийн гурван башё дараалж зодоглоогүй. Хакүхо аварга өвдгөндөө мэс ажилбар хийлгэж, энэ оны эхээр Covid-19 халдвар авсан бол Какүрюү аварга нурууны бэртлээ сэдрээсэн. Харин ирэх башёд хоёулаа зодоглохоор болжээ.

Covid-19 халдвар авсан дөрвөн дэвжээний 65 бөх бүгд эдгэрч, харү башёд зодоглоно.

Хакүхо М.Даваажаргал аварга хэдхэн хоногийн өмнө өгсөн ярилцлагадаа “Үнэнийг хэлэхэд, өөрийгөө Covid-19 халдвар авчихна гэж бодоогүй ээ. Сайн формтой байсан учир халдвар авсандаа хэн бүхнээс илүү бухимдалтай байсан. Ирэх харү башёд онцгой амжилт үзүүлмээр байна. Өөрийгөө сайн барилдаж, одоо ч хүчтэй хэвээрээ гэдгээ харуулж чадна гэж найдаж байгаа” хэмээн ярьсан.

Өдгөө 35 настай тэрбээр дээд макүүчи зиндааны 100 дахь башёдоо бэлэн болжээ.

Харин Какүрюү М.Ананд аваргын Мичинокү дэвжээний багш шавийнхаа талаар ярихдаа “Какүрюү бөхийн замналаа эрсдэлд оруулан ирэх харү башёд барилдана. Тэр хурдхан шиг формдоо орохоор одоогоор шаргуу хөдөлмөрлөж байна” гэв.

ТЭРҮНОФҮЖИ Г.ГАН-ЭРДЭНЭ ОЗЭКИ ЦОЛОО ЭРГҮҮЛЭН АВАХАД ТУН ОЙРТСОН

Өнгөрсөн оны нагоя башёд гайхалтай амжилт үзүүлэн түрүүлсэн сэкивакэ Тэрүнофүжи Г.Ган-Эрдэнэд озэки цол авах бүрэн дүүрэн боломж нээлттэй байна. Сүмогийн холбооны озэки цол олгох дүрмэнд сэкивакэ, комүсүби цолтой бөх гурван башё дараалан 33 даваа авах ёстой гэж заасан байдаг. Одоогоор Тэрүнофүжи Г.Ган-Эрдэнэ хоёр башё дараалан нийтдээ 24 даваа аваад байна. Хэрэв ирэх харү башёд 9 болон түүнээс дээш давбал тэрбээр озэки цол хүртэх болзлоо хангана.

Тэрүнофүжи Г.Ган-Эрдэнэ банзүкэ гарсны дараа “Бэртлээ эдгээснийхээ дараа хоёр жилийн дотор озэки цолоо эргүүлэн авна гэж бодож байлаа. Одоо үүнийгээ биелүүлэхэд их ойртлоо. Ирэх башёд сайн барилдаж, цолоо эргүүлэн авахыг хичээнэ. Одоо хойш суух эрхгүй. Хэрэв бүтэлгүйтвэл дахиад эхлүүлэх хэрэгтэй болно” хэмээн онлайн хэвлэлийн бага хурлынхаа үеэр ярьжээ.

Тэрүнофүжи Г.Ган-Эрдэнэ анх 2015 оны нацү башёд түрүүлж, озэки цол хүртээд цолоо батлан сайн барилдаж байсан боловч 2017 оны нагоя башёгоос эхлэн өвдөгний бэртэл авч, удалгүй бөөрний чулуутай гэж оношлогдсон билээ. Хоёр өвдгөндөө хагалгаа хийлгэж, бөөрний чулуугаа авхуулсан тэрбээр барилдалгүй удсан болохоор чансаа буурч, сүмогийн зургаан зиндааны доороосоо хоёрт бичигдэх жонидан хүртэл чансаа буурсан юм. Гэвч тэрбээр бууж өгөлгүй тэмцсээр 2020 оны нагоя башёд түрүүлж, эргэн эрсэн.

Дашрамд сонирхуулахад, Тэрүнофүжи Г.Ган-Эрдэнэ өнгөрөгч хоёрдугаар сард Токио хотын Томиока Хачиогү ордонд хуримаа хийж, Японд суралцдаг Ц.Доржханд хэмээх монгол бүсгүйтэй гэрлэсэн. Тэрбээр эхнэрийнхээ талаар “Эхнэртэйгээ учирсандаа би баярлаж явдаг. Тэр маань намайг унасан үед үргэлж дэмждэг. Би энэ хүнтэй л үлдсэн амьдралаа өнгөрүүлэхийг хүссэн” хэмээжээ.

ТҮРҮҮ ХҮРТЭХ ХҮСЭЛТЭЙ ЯПОНЧУУД

Ойрын жилүүдэд Монголчуудын сүмо дахь эзэрхийлэл татарч, үе үе Япон сүмочид түрүүлдэг боллоо. Сүүлийн гурван башё дараалан Япон бөхчүүд болох Дайэйшо, Такакэйшо, Шодай нар түрүүлсэн нь үүнийг илтгэнэ. Нутгийн бөхчүүд ирэх харү башёд ч гэсэн хүчтэй өрсөлдөөнийг үзүүлэх нь дамжиггүй. Японы үе тэнгийн гурван озэки болох Шодай, Асанояама, Такакэйшо нарын араас сэкивакэ Таканошо, комүсүби Дайэйшо, Митакэүми, Такаяасү зэрэг Арлын орны хүчирхэг сүмочид байна. Нэг үеэ бодвол том цолтой Япон бөхчүүд олширч, Монголын хоёр их аваргатай зэрэгцэн ёкозүна болохыг зорьж байгаа нь илт.

Эдгээр дэвжээний эздийн хажуугаар Тэрүнофүжи Г.Ган-Эрдэнэ, Кирибаяама Б.Лхагвасүрэн, Ичиножо А.Ичинноров, Хошорюү С.Бямбасүрэн, Тамаваши Б.Мөнх-Оргил зэрэг тал нутгийн хөвгүүд ч ах нарынхаа үргэлжлэл болж өндөр цолонд хүрэх хүсэлтэй.

Мөн Оношо, Тобизарү, Мэйсэй, Такарафүжи Котоновака зэрэг маэгаширагийн битүү морьд ч ирэх башёг чимнэ биз ээ.

Саяхан комосүби Дайэйшо озэки цол хүртэх мөрөөдөлтэйгөө илэрхийлсэн бол залуу озэки Такакэйшо ёкозүна цол хүсч буйгаа хэлсэн. Ялангуяа одоогоор озэки Такакэйшо ёкозүна цол хүртэх хамгийн өндөр магадлалтай бөх. Энэ жил 25 нас хүрэх тэрбээр аль хэдийнэ дээд зиндааны хоёр түрүү хүртчихсэн. Японы сүмогийн холбоо ч нутгийн хүүгээ дахин нэг түрүүлэхэд нь ёкозүна цолоо харамлахгүй олгоход гайхах зүйлгүй.

Энэ мэдээнд өгөх таны сэтгэгдэл?
7
ЗөвЗөв
1
ХахаХаха
1
ХарамсалтайХарамсалтай
1
БурууБуруу
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-02 66.181.161.39

Japanchuudaas 2 ekozuna avarga tsolton turuusei Daiesho Takakeisho Asanayama gd tgvl ch sumo mash sonirholt bolnodoo bas bagagui mungu ergeldej ehelne japanchuud uursduu uzeh sonirhol ni nemegdene 90ed onii suuleer sunuh gj bsn sumog manai Mongol ulsiin ih avarga ekozuna Asasheory Davgadorj avarga maani l avarsanshuudee

Avatar

хүслэн 2021-03-02 64.119.21.112

сумо ч бүүр сонирхолгүй болчихсон доо үздэг хүн байдиимуу одоо монголд

Avatar

Maygmardorj. 2021-03-02 122.201.31.18

Mongol Eriin huch chadliig aral ulsad, Mongo uls ,ter dundaa Mongol er hunii byr huchiig uzuulen ,Olin turuulj ,turuulj yvaa.,TUMNIIG BISHRUULJ, GANEEDENE DUUD ,OZEKI TSOLOO BATALJ AVAARAI GEED, DUU NART BUGDEDN ERUUL ENKH AZJARGAL IH AMJILTIIG HUSII.

Avatar

Зочин 2021-03-02 43.242.243.113

Менгенд дерлуулсэн сэтгуулч гуай байнга сумог худлаа магтан дуулж, нийгэмд хучээр тулгаж тархи угаалт хийхээ болих хэрэгтэй, узэх дуртай нь узнэ л биз, дургуй нь болино л биз, зугээр л зенд нь орхи, цаг хугцаа аяндаа хэрэгтэй хэрэггуйг нь ялгаад егне, ер нь монгол дахь сумогийн эрин уе аль эрт дууссан ш дээ

Avatar

Зочин 2021-03-02 202.9.40.52

Ган-Эрдэнэ 10-аас дээш давах юм бол озэки болж түүхэнд байгаагүй бас дахин давтагдахгүй байж болохоор рекорд тогтоох юм. Озэки байж байгаад жонидан зиндаан хүртэл унаж барилдчихаад эргээд дээд зиндаанд гараад бас түрүүлээд тэгээд озэки цол авна гэдэг бол япон хүний хийж чадах ажил биш. Хоёр аварга барилдах бол маш сонирхолтой баше болох нь дээ. Сумочид маань японд Монголын нэрийг гаргаж яваа юм. Тэдэнд амжилт хүсье

Avatar

Зочин 2021-03-02 202.9.40.52

Сумо барилдаан олон монгол айл өрхийн амьдралыг эрс өөрчилсөн. Сумо барилддаг нэг монгол бөхийн цаана 3-с дээш айл өрх дор хаяж байдаг. Тэд сумочныхоо орлогоор амьдарч бас сурч боловсорч байна. Зүгээр л жүрё зиндааны бөх сард 20 сая төгрөг авч байгаа бол дээд зиндаанд 25-60 сая төгрөг авч байна. Тэр мөнгөө монгол руу л явуулна. Тийм болохоор сумог муулж болохгүй. Монгол хүнд тохирох спорт юм

Avatar

итгэж байна 2021-03-02 192.82.71.150

ГАНэрдэнэ сайн барилдана гэж итгэж байна. ОЗЕКИ цол ойрхон. ТҮРҮҮЛНЭ гэж барилдаарай Ганэрдэнээ. ЧИ чадна.

Avatar

Монголын иргэд 2021-03-02 139.5.216.14

Японы ёс соёл урлагийн зүйлийг Японд нь орхи, энэ японы урлаггүй спорт Монголд ямар хамаа байнаа

Avatar

зочин 2021-03-02 66.181.182.12

Хоер Япон аврага энэ сар барилдах юм байна, Монгол ГанЭрдэнээ балиашиглах л улдлээ дээ.

Avatar

Зочин 2021-03-02 202.126.89.85

Монгол бөх Ган-эрдэнийгээ түрүүлээсэй гэж хүсэж бна

Avatar

Сүмо сонирхогч. 2021-03-02 66.181.161.127

3 сарын харү башё Монгол сүмочид илүүрхсэн башё болох нь гарцаагүй. Дан ялангуяа Аварга
Хакүхо М.Даваажаргал 3 сарын башёд бараг жил болгон байнга шахуу түрүүлдэг. Өөрийнх нь төрсөн өдөр нь ч 3 сарын 11 нд болдог юмаа.
Цаанаасаа 3 сарын башёд их одтой байдаг.
Ёкозүно Даваажаргал баараггүй түрүүлэх 100%
магадлалтай. Аварга мэргэжлийн сүмогийн дээд зиндааны 45 дэх түрүүгээ энэ 3 сарын харү
башёд авах болтугай. Амжилт хүсье.

Avatar

Зочин 2021-03-02 66.181.185.42

маргаад яахав одоо гоор өөрийн хамгийн ойр байдаг хүн дээ зориулан бичсэн бололтой.

NewsMN Гар утасны хувилбар Татах
NEWS.mn

Мэдээллийн эх сурвалж