НҮБ Монгол Улсын Засгийн газарт хандан мэдэгдэл гаргав | News.MN

НҮБ Монгол Улсын Засгийн газарт хандан мэдэгдэл гаргав

НҮБ Монгол Улсын Засгийн газарт хандан мэдэгдэл гаргав

НҮБ Монгол Улсын Засгийн газарт хандан мэдэгдэл гаргав

Монгол дахь Нэгдсэн Үндэстний байгууллагын Суурин зохицуулагчийн газар Монгол Улсын Засгийн газар, иргэний нийгэм, хувийн хэвшлүүдийг хүчээ нэгтгэн Covid-19 цар тахлын үед хүний эрхийг ханган ажиллахыг уриалсан мэдэгдэл гаргасныг бүрэн эхээр нь хүргэж байна.


НҮБ-ын Ерөнхий нарийн бичгийн дарга өнгөрсөн оны хоёрдугаар сарын 24-нд бүх гишүүн улсууддаа “Хүний эрхийн төлөө нэгдэхийг уриалсан билээ. Тэрбээр энэхүү уриалгынхаа нэг жилийн ойн босгон дээр хэзээ ч, хаана ч, ямар ч нөхцөлд хүн нэг бүрийн эрхийг хамгаалахад хамтын хүчин зүтгэл гаргахыг дэлхийн улс орнуудад хандаж дахин уриалсныг Монгол дахь Нэгдсэн Үндэстний Байгууллага (НҮБ) сайшаан дэмжиж байна. НҮБ-ын Дүрэм болон Хүний эрхийн түгээмэл тунхаглалд баталгаажуулсан хүний эрхийг хамгаалахад хүлээсэн үүргээ биелүүлэхийн төлөө Монгол Улс дахь НҮБ, Монгол Улсын Засгийн газар, иргэний нийгэм, хувийн хэвшил болон бусад оролцогч талууд бүгд хүчээ нэгтгэх учиртай.

Covid-19 цар тахлын уршгаар дэлхий нийтээрээ хүний амьд явах эрхээс эхлээд зохистой түвшинд амьдрах, нийгмийн хамгаалал, ажил, хөдөлмөр эрхлэлт, боловсрол, жендэрт суурилсан хүчирхийллээс хамгаалуулах зэрэг өргөн хүрээнд хүний эрх ноцтойгоор зөрчигдсөөр байна. Үүний нөлөөгөөр тэгш бус байдал, ядуурал улам бүр гүнзгийрч, хүнсний аюулгүй байдал алдагдаж, ялгаварлан гадуурхах явдал нэмэгдэн, хүний эрх олон хэлбэрээр зөрчигдөж, эмзэг бүлгийн хүмүүст хамгийн хүндээр тусч байна.  Дэлхий даяар нүүрлэж буй эрүүл мэндийн хямрал бол хүний эрхийн хямрал юм.

Covid-19 цар тахал нь Монгол Улсад ч мөн адил олон талаар сөрөг нөлөө үзүүлж байна. Халдварын тархалт эрүүл мэндийн тогтолцооны ачааллыг нэмэгдүүлж, ядуурал, өлсгөлөнгийн хүрээг тэлж, хэдийнэ сорилт болоод байсан асуудлуудыг улам даамжруулж байна. Хөл хорио болон Covid-19 халдварын тархалтаас урьдчилан сэргийлэх зорилгоор хэрэгжүүлж буй арга хэмжээний улмаас олон мянган хүн ажилгүй, орлогогүй болж, жижиг дунд үйлдвэр, үйлчилгээ хаалгаа барихад хүрч, тэдний үндсэн эрх, эрх чөлөө зөрчигдөж байна. Ялангуяа, энэ байдал төр засгийн туслалцаа бага авдаг албан бус хөдөлмөр эрхлэгчид  болон тэдний гэр бүлийнхэнд илүү хүндээр тусч байна.

Урьд өмнө эмзэг бүлэгт тооцогдож байгаагүй олон мянган хүн шим тэжээлтэй, зохистой хоол хүнс олж авах, суурь хэрэгцээгээ хангахын төлөө илүү хичээх шаардлагатай боллоо. Сургууль цэцэрлэг хаагдсанаар олон мянган хүүхэд суралцах нөхцөл, шаардагдах хэрэгсэл үгүйгээс зайнаас суралцах хүндхэн асуудалтай нүүр тулж байна. Урт хугацааны хөл хорио, хязгаарлалт олон хүний аж амьдралд сөргөөр нөлөөлж байгаагийн нэг илрэл нь эмэгтэйчүүд, хүүхдийн эсрэг хүчирхийлэл үлэмж нэмэгдсэн явдал юм.

Халдварын тархалтыг хумих зорилгоор дижитал төхөөрөмж ашиглан хүмүүсийн чөлөөт хөдөлгөөнд хяналт тавин хязгаарлаж байна. Хил боомтыг хааснаас болж олон мянган монгол иргэн эх орондоо ирж чадахгүй хилийн чанадад гацаж байна.  Хүмүүсийн бухимдал, таагүй байдал улам бүр нэмэгдэж, олон нийт цахимаар болон бусад хэлбэрээр  дургүйцлээ илэрхийлэхэд хүргэж байна. Зарим хэсэг бүлэг, хувь хүн, тэр дундаа Covid-19 халдвар авсан хүмүүс болон халдварын голомт, тэргүүн шугамд ажиллаж буй хүмүүсийн эсрэг гутаан доромжлох, ялгаварлан гадуурхах, үзэн ядалтаа илэрхийлсэн үг хэлээр доромжлох зэрэг тохиолдлууд ч гарч байна.

Үзэн ядалт, буруу ташаа мэдээлэлтэй тэмцэх зорилгоор авч буй хязгаарлах арга хэмжээ нь зарим талаар үзэл бодлоо илэрхийлэх эрх чөлөө, иргэний мэдэх эрхийг зөрчиж буйд хэвлэл мэдээллийн хэрэгслүүдийн зүгээс эмзэглэж байгаагаа илэрхийлж байна. Covid-19 цар тахалтай тууштай тэмцэхийн тулд эрүүл мэндийн болон бусад үнэн зөв мэдээллийг хүн бүрт ойлгомжтой хэлбэрээр, хэвлэл мэдээллийн хэрэгслээр дамжуулан хүртээмжтэй түгээх нь нэн чухал байна.

Монгол Улс дахь НҮБ-ын зүгээс Монгол Улс тогтвортой хөгжлийг хангах чиглэлд хүрсэн ололт амжилтаа алдах вий хэмээн санаа зовинож байна. НҮБ-ын Ерөнхий нарийн бичгийн даргын Хүний эрхийн төлөөх уриалга бол тогтвортой хөгжил, уур амьсгалын өөрчлөлт, хүний эрх, эрх чөлөө, жендэрийн тэгш байдал, иргэдийн чөлөөт орон зайг хамгаалах, дижитал технологийг сайн сайхныг бүтээгч хүч болгож ашиглахыг дэмжихийн зэрэгцээ олж авсан ололт амжилтаа хамгаалж, бататгахад чиглэж байна.

Монгол Улс дахь НҮБ-ын зүгээс Ерөнхий нарийн бичгийн даргын дээрх уриалгыг дэмжин, Монгол Улсын Засгийн газарт хандан хүний эрхийг хамгаалах, дэмжихэд онцгойлон анхаарч, хүний эрхийг онцгой байдлын үеийн арга хэмжээ болон цар тахлыг даван туулах үйл ажиллагааныхаа төвд тавьж, нийт монголчуудын төлөө илүү сайн, тогтвортой ирээдүйг бүтээн байгуулахыг уриалж байна. Хямралын энэ үед хүний эрхийг хүндэтгэх замаар онцгой нөхцөл байдлыг даван туулах, маргаашийг сэргээн босгох, ирээдүйг бүтээх үр дүнтэй, хүртээмжтэй шийдлийг олж чадна. Монгол Улсын зүгээс гаргаж буй хүний эрхийн төлөөх бүхий л хүчин чармайлтыг НҮБ хэзээд дэмжин ажиллахад бэлэн байна.

Монгол дахь Нэгдсэн Үндэстний байгууллагын Суурин зохицуулагчийн газар

 

Энэ мэдээнд өгөх таны сэтгэгдэл?
32
ЗөвЗөв
4
ГайхмаарГайхмаар
4
ТэнэглэлТэнэглэл
3
БурууБуруу
0
ХахаХаха
0
ХөөрхөнХөөрхөн
0
ХарамсалтайХарамсалтай
Баярлалаа!

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

бачр хүргие 2021-03-01 66.181.185.143

Хүний эрхийн гажуудал гэж яаасан зөв орчуулчваа !

Avatar

Тамир 2021-03-01 202.21.109.37

НҮБ-д шударга ёс хариуцлагын тогтолцоог хэрэгжүүлж байгаа эсэх дээр хяналт тавьж шүүдэг эрх байдаг бол тэрийг нь хэрэгжүүлдэг болмоор байна. Энэ янзаараа хятадын хоол болж монгол гэх улс дамдуурах аюултай бүр байхгүй ч болж мэдэхээр байна. Морь унасан толгойгүй хүмүүс л монголыг удирдаж байна.

Avatar

Уншигч 2021-03-01 64.119.21.215

Засгийн газар нь ойлгож ажил хэрэг болгох уу. Хэцүүхэн л хүмүүс удирдаж байгааг мэдэж байгаа биз дээ.

Avatar

Уншигч 2021-03-01 64.119.21.215

Ингэж мэдэгдэл гаргалаа гээд засгийн газар нь хүлээж авч ажил хэрэг болгодог юм уу. Үгүй л байхгүй юу. Улсынхаа мөнгийг ууж идээд хувьдаа завшаад ард иргэдийг илт доромжилж байхад наад хүний эрхээ эртнээс шаардаж шахах нь яасан юм бэ.
ОУБаас өгсөн хөрөнгө мөнгийг зүй бусаар зарцуулахад хараагүй үзээгүй сонсоогүй юм шиг л өнгөрдөг. Бараг өөгшүүлдэг гэхэд ч болно. Монгол дахь НҮБын төрөлжсөн байгууллагууд яг юу хийгээд байна. Их олон агентлаг байдаг. Төрийн албаныхны хүмүүсийг хөөргөж өгшүүлээд

Avatar

Зочин 2021-03-01 202.55.191.130

yadarsan met haragdval mungu guihad amar baidag yum bolov uu

Avatar

зочин 2021-03-01 202.9.46.138

Орчуулга болон агуулгаа зөв бичээч ээ ! Монгол Улс дахь НҮБ биш ээ НҮБ-ын Монгол Улс дахь Суурин төлөөлөгчийн газар гэх зэргээр бичвэл яасан юм бэ?

Avatar

Зочин 2021-03-01 202.126.90.52

МАНАЙ ТӨР ЗАСАГ ИРГЭДЭЭ ХАНГАЛТТАЙ БӨӨЦИЙЛЖ БАЙГАА Ш ДЭЭ….АРД ИРГЭД Л ТӨР ЗАСАГТАА ГОМДОН ХЭН НЭГНИЙГ ҮЗЭН ЯДАЖ ХӨДӨЛМӨРЛӨХГҮЙ УНТААГААРАА ЯВААД БАЙГАА БОЛОХООС.

Avatar

Зочин 2021-03-01 202.55.188.35

GOOGLE: ШИНЭ ШИНЖЛЭХ УХААНЫ ХӨГЖЛИЙН ГАЗРЫН ЗУРАГ… ХҮМҮҮНЛЭГ ТЕХНОЛОГИЙН ХӨТӨЛБӨР… НЕОПАРАДИГМ… ЭНД НЭГИЙН НЭГД ХАМГААЛАГДАХ ЭРХ, ХҮНИЙ ЭРХ…

Avatar

Зочин 2021-03-01 66.181.161.104

Olon ulsaas ugsun handiv tuslamj heden say terbum dollar haashaa orson ni mdhgui alga boltson tanaih bolon olon ulsiin baiguulguud ene deeree hynalt tavij arga hemjee avch ajillamar bna hureh estoi gazar ochih estoi ezen deree ochihgui bna tusviin aldagdaliig nuhnu gd deeguuree alga bolchdog handiv tuslamj ugch bgaa uls gurnuud hatuu hynalt tavi

Avatar

иргзн 2021-03-01 202.179.26.199

Үнэн ш дээ, МУ, ЗГ МАН, Хүрэлсүхийн ЗГ, Цар тахалын хүнд цаг үед Ажил орлоггүй болсон Иргэд дээ Ерөнхийлөгчийн санаачилсан Өрх болгондоо 1сая төг өгөе гэхэд МАН Хүрэлсүх, Сангийн сайд Хүрэлбаатар нар Улс төржүүлэн зогсоож Ард иргэд ээ Хохироож Иргэдийнхээ Эрхэнд ноцтойгоор халдсан, зөрчсөн асуудал болсон,

Avatar

Хариуцлагаас айгаад оюутан сурагчийг хичээлд явуулахгүй энэ сонголтыг хийхэд дэндүү амархан байв 2021-03-01 122.201.31.200

2019 оны 12 сараас 2021 оны 3 сар өнгөртөл оюутан залуучуудыг сурах эрхийг ноцтой зөрчсөн шүү. Тухайн үеийн шадар сайд Ө.Энхтүвшин Я.Содбаатар өнөөдөрийн С.Амарсайхан нар бол хамгийн арчаагүй ердөө хариуцлага албан тушаалаа алдахаас эмээсэн улс төрчид. Тэд амгийн амархан сургууль хаах сонголтыг хийж байсан

Avatar

Хятадын дагавар коммунист дэглэмт Монгол улс 2021-03-01 202.21.108.4

Дарангуйлал, авторитари дэглэм тогтож байгааг НҮБ анхааруулжээ. Дэглэм тогтоогчид нь хууль бусаар хөрөнгөжсөн авлигач коммунистууд байгаа нь дэлхийд анхны тохиолдол. Хятадын Төрөөс Монголд зориулан бүтээсэн засаг энэхүү дэглэмийг амьдралд хэрэгжүүлж байна.

NewsMN Гар утасны хувилбар Татах
NEWS.mn

Мэдээллийн эх сурвалж