Жүдо болон хөлбөмбөгийн үндэсний шигшээ багууд хуваарьт тэмцээн уралдаандаа оролцохоор өчигдөр/2021.02.26/ хилийн чинадыг зорилоо. Жүдогийн шигшээ ирэх гуравдугаар сарын 5-7-ны хооронд Узбекистанд олимпийн эрхийн оноо олгох Ташкентын Гранд Сламд оролцох бол Монголын хөлбөмбөгийн үндэсний шигшээ баг 2022 оны ДАШТ, 2023 оны Азийн АШТ-д оролцох эрх олгох урьдчилсан шатны тоглолтоо хийхээр Турк улсыг зорилоо.

Ирэх гуравдугаар сарын 5-нд эхлэх Ташкентын "Гранд Слам"-д оролцох Монголын бүрэлдэхүүн:

Эрэгтэй тамирчид:

• Л.Өнөболд (-60 кг)
• Г.Хэрлэн (-66 кг)
• Ё.Басхүү (-66 кг)
• Г.Одбаяр (-73 кг)
• Ц.Цогтбаатар (-73 кг)
• Саид Моллаей (-81 кг)
• Н.Дагвасүрэн (-81 кг)
• Г.Алтанбагана (-90 кг)
• Л.Отгонбаатар (-100 кг)
• Б.Гончигсүрэн (-100 кг)
• Ө.Дүүрэнбаяр (+100 кг)

Эмэгтэй тамирчид:                                       

• МУГТ М.Уранцэцэг (-48 кг)
• Л.Сосорбарам (-52 кг)
• Б.Хорлоодой (-52 кг)
• МУГТ Д.Сумъяа (-57 кг)
• Л.Энхрийлэн (-57 кг)
• Б.Ганхайч (-63 кг)
• Ц.Энхчимэг (-70 кг)
• Э.Гандиймаа (+78 кг)

Монголын хөлбөмбөгийн үндэсний шигшээ багийн хувьд хоёрдугаар сарын 27-ноос гуравдугаар сарын 23 хүртэл Турк улсад бэлтгэлээ базаан, гуравдугаар сарын 25-нд Тажикистан, гуравдугаар сарын 30-нд Японы шигшээ багуудтай тоглоод эргэн эх орондоо ирнэ.