Цэцийг шүдгүй болгох төслийг дэмжихгүй гэв | News.MN

Цэцийг шүдгүй болгох төслийг дэмжихгүй гэв

Хуучирсан мэдээ: 2016.04.11-нд нийтлэгдсэн

Цэцийг шүдгүй болгох төслийг дэмжихгүй гэв

УИХ дахь МАН-ын бүлэг ээлжит хуралдаанаараа өнөөдөр Үндсэн хуулийн Цэцэд маргаан хянан шийдвэрлэх ажиллагааны тухай хуульд өөрчлөлт оруулах тухай хуулийн төслийг хэлэлцээд дэмжих боломжгүй хэмээн үзжээ. Эл төслийг УИХ-ын гишүүн Ш.Түвдэндорж санаачлан мэдүүлсэн аж.

Энэ талаар УИХ-ын гишүүн Д.Лүндээжанцан “Эрх бүхий байгууллага албан тушаалтан шийдвэр гаргахдаа Цэцийн шийдвэрээр хүчингүй болсон хууль болон бусад шийдвэрийн заалтыг шууд буюу агуулгаар нь дахин сэргээвэл Цэцийн аль нэг гишүүний санаачилгаар Цэц хяналтын журмаар хянан шийдвэрлэх болно” гэсэн заалт байдаг ч үүнийг өөрчлөх заалт дээрх санаачилсан төслөөр орж ирлээ. Ингэхээр Цэц нэгэнтээ шийдвэр гаргаад Их суудлын хуралдаанаар хуралдаад хүчингүй болгочихсон асуудлыг дахин хууль батлахдаа тэр чигээр нь сэргээгдээд оруулаад ирэхэд Цэц авч үзэх эрхгүй болж байгаа. Нэгэнт Цэц эцэслэн шийдвэр гаргаж чадахгүй бол Цэц байх шаардлагагүй болно. Үндсэн хуульд Үндсэн хуулийн цэцийн Их суудлын хуралдаанаар гаргасан шийдвэр гармагц хүчин төгөлдөр болно гэсэн заалт бий. Үүнтэй Ш.Түвдэндорж гишүүний санаачилсан төсөл агуулгын хувьд зөрчилдөж байгаа. Цаашаа ургуулаад ярих юм бол Цэц мянгантаа шийдвэр гаргаад нэмэргүй, хууль тогтоох байгууллагад Цэцийн хүчингүй болгосон шийдвэрийг нээх эрх үүснэ. Энэ тохиолдолд Цэц Үндсэн хуулиа хамгаалах аргагүй болж, шүдгүй арслан болж хувирна” гэлээ. Мөн тэрээр, Үндсэн хууль мэтийн суурь хуулиуд руу нэг гишүүн дайрдаг байдлаа зогсоохыг шаардаж байна гэсэн юм.

Бүлгээр хэлэлцсэн хоёр дахь асуудал нь Монгол Улсын Ерөнхийлөгчийн санаачилсан Төрийн шагналын тухай хуулийн төсөл байсан ч дэмжих боломжгүй хэмээн үзжээ.

Дээрх төслөөр Хөдөлмөрийн баатар цол байхгүй болж, Монгол Улсын баатар гэдэг цол үлдэж байгаа бол Ардын зураач, Ардын жүжигчин цолны оронд Улсын эрдэнэ цол олгодог байхаар, гавьяат жүжигчин, гавьяат багш цол байхгүй болж гавьяат зүтгэлтэн болох. Сүхбаатарын одон, Хөдөлмөрийн гавьяаны улаан тугийн одонгүй болж байгааг дэмжих боломжгүй, одоогийн шагнал хэвээр байх ёстой гэж үзсэн байна.

Мөн хуралдаанаар Ерөнхий сайд Ч.Сайханбилэгийг Хонконгт айлчлал хийх үеэрээ хариуцлагагүй мэдэгдэл хийсэн гэж бүлгийн гишүүд үзжээ. УИХ дахь МАН-ын бүлгийн дэд дарга Н.Номтойбаяр “Ерөнхий сайд тус улсад болсон чуулганд оролцохдоо “МАН гадаадын хөрөнгө оруулалтын эсрэг ажилладаг” гэсэн мэдэгдлийг хийсэн нь хариуцлагагүй мэдэгдэл. Ардын нам гадаадын шууд хөрөнгө оруулалтыг ямагт дэмжиж ирсэн. Гадаадын шууд хөрөнгө оруулалтаар дамжиж давхар шинэ технологи нэвтэрч, мөн инженер техникийн ажилтнуудаа сургах боломж нээгддэг учраас Монгол Улсын хувьд маш чухал хөрөнгө оруулалт юм. Үүнийг улстөржүүлсэнд харамсаж байна” гэлээ.

Г.ДАРЬ

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2016-04-11 202.9.41.27

M A NAM sunetugei . hulgaich luuvirchid.

Avatar

Зочин 2016-04-11 202.131.7.199

Цэцийг нь бүү мэд. Ямар ч байсан төрийн шагналын тухай хуулийг өөрчлөх ёстой. Коммунистууд битгий юм болгонд тээг тавьж бай л даа. Монгол урагшаа явах хэрэгтэй, Бид коммунизмаасаа салмаар байна. Дэмжиж цусалдаг СССР маань байхгүйгээс хойш одоо зах зээлийн чөлөөт нийгмээс өөр хаашаа явах гэсэн МАЛНУУД вэ ЭНЭ чинь

Avatar

ахахах 2016-04-11 103.57.94.158

АН ДААНЧ ЯАВДАА,ЗҮГЭЭР БАЙСАН ЗАСАГААРАА ТОГЛОЖ,ОДОО ХАРДАА ХААНА Л ЯВНА ЮУ ЯРИНА ДАНДАА БУРУУДСАН НЭГ ХҮНИЙГ ЯАХ ГЭЖ ЕС БОЛГОВДОО,ХҮН ЕР НЬ ЧАДАХ АЖЛАА Л ХИЙХ ХЭРЭГТЭЙ ЮМ ШҮҮДЭЭ,ЧАДАХГҮЙ БОЛОХГҮЙГ НЬ МЭДСЭЭР БАЙЖ БАЙЛГААД БАЙДАГ НЬ ЯМАР УЧИРТАЙ ЮМ БЭ?

Avatar

Зочин 2016-04-11 202.21.110.186

Гадаадын хөрөнгө оруулагчдыг хэн хөөсөн билээ, санацгаа

Avatar

Зочин 2016-04-11 202.9.40.46

Лүндээ хэрэгтэй л хүн арай тэгэхдээ улсын эрдэнэ бишээ

Avatar

Иргэн 2016-04-11 27.123.214.102

Энэ бодлогоо барьж ярьж ч чаддаггүй мэдлэг чадваргүй хүмүүсийг яанадаа. Алхам тутамдаа шараа болгож байх юм. Хайран улс орон ард түмний маань нэр хүнд…

Avatar

Uhaan sanaa ni zugeer uu? 2016-04-11 124.126.135.38

Saihanbileg uneheer ter porum deer ardiin nam" gadaadiin horongo oruulaltiin esreg" ajildag geed helsen hereg uu?! Tiim bol ene huniig mederliin emchid uzuuleh tsag bolson yum bish uu!!! . Ulsiinhaa dotood asuudliig haa hamaagui ediin zasgiin porum deer yarih ni denduu bolchimgui asuudal gehees ooroor heleh ug algaa. Enuunii derged malaa ih ardchilaltai geh bol yu ch bish yum baina.

NewsMN Гар утасны хувилбар Татах
NEWS.mn

Мэдээллийн эх сурвалж