БНСВУ-аас Монгол Улсад суух Элчин сайд жуух бичгээ барилаа | News.MN

БНСВУ-аас Монгол Улсад суух Элчин сайд жуух бичгээ барилаа

БНСВУ-аас Монгол Улсад суух Элчин сайд жуух бичгээ барилаа

Бүгд Найрамдах Социалист Вьетнам Улсаас Монгол Улсад суух Онц бөгөөд Бүрэн эрхт Элчин сайд Зоан Хань Дам өнөөдөр Монгол Улсын Ерөнхийлөгч Халтмаагийн Баттулгад Итгэмжлэх жуух бичгээ өргөн барилаа.

Итгэмжлэх жуух бичгээ өргөн барьсан Онц бөгөөд Бүрэн эрхт Элчин сайд Зоан Хань Дам БНСВУ-ын Ерөнхийлөгчийн мэндчилгээг Монгол Улсын Ерөнхийлөгч Халтмаагийн Баттулгад уламжилж, Монгол Улсад ажиллах хугацаандаа хэрэгжүүлэх таван зорилтыг тодорхойлж, удирдагчиддаа танилцуулсан гэдгээ хэллээ.

Монгол Улсын Ерөнхийлөгч Халтмаагийн Баттулга  Онц бөгөөд Бүрэн эрхт Элчин сайдад хандан, “Олон жилийн туршлагатай дипломатч хүн Монгол Улсад суух Элчин сайдаар томилогдон ирсэн тул хоёр орны найрамдалт харилцааг эдийн засгийн салбарт өргөжүүлэн хөгжүүлнэ гэдэгт итгэж байна. Мөн таны танилцуулсан таван зорилт биелэх өргөн боломжтой. Ялангуяа бизнес, худалдааны чиглэлд дэвшүүлж буй зорилтуудыг ажил хэрэг болгоход Ерөнхийлөгч болон Ерөнхийлөгчийн Тамгын газрын үүд хаалга үргэлж нээлттэй” гэлээ.

Түүнчлэн Монгол Улсын Ерөнхийлөгч Халтмаагийн Баттулга “Элчин сайдын таван зорилт дээр нэг зорилт нэмэх хүсэлтэй байна. Элчин сайд Таныг хэлний авьяастай, хятад, япон хэлтэй хүн гэж сонссон. Монгол Улсад ажиллах хугацаандаа Та монгол хэлийг заавал сураарай” гэж захилаа.

Уулзалтын үеэр Монгол Улс-БНСВУ-ын харилцааг улс төр, нийгэм, эдийн засаг, хөдөө аж ахуй, соёл, боловсролын салбарт бэхжүүлэн хөгжүүлэх боломжуудын талаар санал солилцсоноор уулзалт өндөрлөв.

Эх сурвалж: president.mn

Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-02-26 192.82.72.145

Баярлалаа

Avatar

Хотын уугуул иргэн 2021-02-26 64.119.17.211

Вьетнамын баатарлаг ард түмэнд баяр хүргэе ! Тэдэнтэй хамт Москвад сурч байлаа. Маш их ажилсаг, хичээлдээ шамдуу оюутнууд байсан даа.

NewsMN Гар утасны хувилбар Татах
NEWS.mn

Мэдээллийн эх сурвалж