2021 оны нэгдүгээр сарын 1-нээс хоёрдугаар сарын 21-ний өдрүүдэд уул уурхайн бүтээгдэхүүний экспорт хэвийн, тогтвортой үргэлжилжээ. Уул уурхай, хүнд үйлдвэрийн яамнаас мэдээлснээр, нэгдүгээр сарын 1-нээс хоёрдугаар сарын 19-ний өдрүүдэд Монголбанкны худалдан авсан үнэт металл 1.518.3 кг-д хүрч, өнгөрсөн оны мөн үеэс 64.1 хувиар буурчээ.

Зэсийн баяжмалын экспорт 194.4 мянган тонн болж, өнгөрсөн оны мөн үетэй харьцуулахад 25.6 мянган тонноор нэмэгдсэн байна. Нүүрсний экспорт 3.893.5 мянган тоннд хүрч, өмнөх оны мөн үеэс 42.9 хувиар өсчээ. Төмрийн хүдэр, баяжмалын экспорт 1026.3 мянган тонн хүрсэн нь өнгөрсөн оны мөн үетэй харьцуулахад 18.3 хувиар буурсан үзүүлэлт юм. Газрын тосны экспорт өсч, өнгөрсөн оны мөн үеэс 457.1 мянган баррелиар нэмэгдсэн байна.