Covid-19 халдварын эсрэг ОХУ-ын Спутник-V вакцины 10 мянган хүн тун вакциныг маргааш /2021.02.27/хүлээн авна гэж Эрүүл мэндийн яамнаас мэдээлэв. Өнөөдрийн байдлаар манай улс Энэтхэг улсын Засгийн газрын буцалтгүй тусламжаар тус улсад үйлдвэрлэсэн АстраЗенека вакцины 150 мянган хүн тун вакцин, БНХАУ-ын Засгийн газрын буцалтгүй тусламжаар 300 мянган хүн тун вакциныг тус тус хүлээн аваад байна.

Улс орон даяар дархлаажуулалт энэ сарын 23-нд эхэлсэн бөгөөд эхний долоо хоногт 16 байгууллагын 14092 хүнд вакцин хийхээр Эрүүл мэндийн яамнаас төлөвлөж байгаа аж.

Б.ЦЭЦЭГ