Улаанбаатарыг ногоон хот болгоход Европын холбоотой хамтран ажиллана | News.MN

Улаанбаатарыг ногоон хот болгоход Европын холбоотой хамтран ажиллана

Хуучирсан мэдээ: 2016.04.11-нд нийтлэгдсэн

Улаанбаатарыг ногоон хот болгоход Европын холбоотой хамтран ажиллана

Нийслэлийн Засаг дарга бөгөөд Улаанбаатар хотын Захирагч Э.Бат-Үүл Европын холбооноос Монгол Улсад хавсран суугаа Элчин сайд Ханс Дийтмар Швайсгутыг хүлээн авч уулзлаа. Уулзалтаар Европын холбоо, Улаанбаатар хот хоорондын хамтын ажиллагааны талаар санал солилцов. 

Уулзалтын эхэнд нийслэлийн Засаг дарга бөгөөд Улаанбаатар хотын Захирагч Э.Бат-Үүл “Улаанбаатар хотод тавтай морилж байна уу. Тантай уулзаж байгаадаа баяртай байна. Бид Европын холбоотой хамтран ажилладагтаа таатай байдаг. Тэр тусмаа Европын хөрөнгө оруулалтын банкны дэмжлэгтэйгээр олон төсөл, хөтөлбөр хэрэгжүүлж байгаа юм. Улаанбаатарыг байгаль орчинд ээлтэй ногоон хот болгох ажлуудыг хийж эхэлж байна. Энэ ч үүднээс ногоон хөгжлийн салбар болон төр хувийн хэвшлийн түншлэлийг хөгжүүлэх тал дээр Европын холбоотой хамтран ажиллах хүсэлтэй байна” гэдгээ илэрхийллээ.

Харин Европын холбооноос Монгол Улсад хавсран суугаа Элчин сайд Ханс Дийтмар Швайсгут “Таатай хүлээн авч уулзаж байгаад баяртай байна. Европын холбоо Монгол Улс төдийгүй бусад олон оронтой хамтран ажилладаг. Цаашид ч Улаанбаатар хоттой олон салбарт хамтран ажиллаж, дэмжлэг туслалцаа үзүүлэх болно. Бидний хамтын ажиллагаа улам өргөжин хөгжинө гэдэгт итгэлтэй байна.” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2016-04-11 103.229.122.10

Дэлхийд байхгүй постмодерн дүр эсгэсэн хуурамч ардчилсан ***** социализмын үед байсан цэцэрлэгжүүлэх компанийг хувьчлал нэрээр устгаж бүх мэргэжилтнийг нь хөөж явуулсан үйлдлээ одоо таг мартаа биз дээ. Монголчууд чаддаг юмаа чаддаггүй болсон нь дүр эсгэсэн хуурамч ардчилсан гамингуудын хийсэн хорлон сүйтгэх ажлын үр дүн.

Avatar

2016-04-11 202.9.41.15

хахаха

Avatar

зочин 2016-04-11 103.229.123.11

монголчуудын соёл, ухамсар ийм харанхуй бүдүүлэг байхад юу ч хийгээд хэрэггүй дээ, үхэр мал шигээ байдаг хүмүүс хол байна даа.

NewsMN Гар утасны хувилбар Татах
NEWS.mn

Мэдээллийн эх сурвалж