Б.Лхагвасүрэн: Ипотекийн зээлийг 700 тэрбум төгрөгт хүргэнэ | News.MN

Б.Лхагвасүрэн: Ипотекийн зээлийг 700 тэрбум төгрөгт хүргэнэ

Б.Лхагвасүрэн: Ипотекийн зээлийг 700 тэрбум төгрөгт хүргэнэ

Б.Лхагвасүрэн: Ипотекийн зээлийг 700 тэрбум төгрөгт хүргэнэ

Засгийн газраас эдийн засгийг сэргээх зорилгоор 10 их наяд төгрөгийн дүнтэй хөтөлбөр хэрэгжүүлэхээ зарласан.

Уг хөтөлбөрт тусгасан 8 их наяд орчим төгрөгийг Монголбанк гаргах юм. Энэ асуудалтай холбогдуулж, төв банкны удирдлагууд өнөөдөр /2021.02.25/ сэтгүүлчдэд мэдээлэл хийлээ.

10 их наяд төгрөгийн хөтөлбөрийн хүрээнд:      

  • Жижиг, дунд үйлдвэрлэл, үйлчилгээ эрхлэгчдэд жилийн гурван хувийн хүүтэй, гурван жилийн хугацаатай хоёр их наяд төгрөгийн зээл
  • Залуучуудыг ажил, мэргэжилд бэлтгэх, эрүүл чийрэг, идэвхтэй амьдралын хэв маягт хөтлөх хоёр сарын хугацаатай, сарын 500 мянган төгрөгийн тэтгэлэгт сургалтад хамруулахад 500 тэрбум төгрөг
  • Эхний ээлжинд Улаанбаатар хотод барих "Залуус I, II, III" хорооллын  дэд бүтэц, газар олгох, орон сууцыг нэг маягийн зургаар барих, ипотекийн хөнгөлөлттэй зээл олгох зэрэгт гурван их наяд төгрөг
  • Стратегийн ач холбогдол бүхий томоохон төсөл, хөтөлбөрүүдийг хэрэгжүүлэхэд хоёр их наяд төгрөг
  • Хөдөө аж ахуйн үйлдвэрлэл, малчдын орлого, амьжиргааг дэмжих зорилгоор 500 тэрбум төгрөг
  • Монголбанкны жилд нэг их наяд төгрөг байгаа репо санхүүжилтийг хоёр их наяд төгрөг болгож нэмэх /ингэхдээ жижиг, дунд үйлдвэрлэл эрхлэгчдэд олгох 300 сая төгрөгийг  500 сая, уул уурхайн бус экспортын үйлдвэрлэл эрхлэгчдэд олгох нэг тэрбум хүртэл төгрөгийг гурван тэрбум хүртэл болгох/-ээр тусгасан юм.

Төв банк энэхүү хөтөлбөрийг боловсруулахад хамтран ажилласан болохыг тус банкны ерөнхийлөгч онцлов.

Мөн репо санхүүжилт өнгөрсөн оны сүүлийн улиралд эхэлж, одоогоор 230 тэрбум төгрөгийн санхүүжилт олгоод байгаа. Өмнө нь өндөр хүүтэй зээл авсан аж ахуй нэгжүүдэд энэ зээл ихээхэн үр дүнтэй хэрэгжиж байна. Зээлийн дундаж хүү 14.5 хувь байгааг буурууллаа. Энэ онд 2 их наяд төгрөгийг зарцуулна.

Ипотекийн зээл хэвийн үргэлжилж байна. Өмнө нь жил бүр 300-400 тэрбум төгрөгийг ипотекийн зээлийн хөтөлбөрийг хэрэгжүүлэхэд зарцуулдаг байсан. Энэ нь өмнөх зээлдэгч нарын эргүүлэн төлсөн зээлийн нийт эргэн төлөлт юм.

Ипотекийн зээлийн санхүүжилтийг 2021 онд 700 тэрбум төгрөг болж, өсч байна.

Ажлын байрыг хадгалахад зориулж, жилийн 3 хувийн хүүтэй зээл олгоно. Төв банкны бодлогын хүү одоо 6 хувь байна. Үүнээс ч бага хүүтэй зээл олгоно. Төв банкинд банкуудын хадгалуулж байгаа 8 их наяд төгрөгөөс энэ санхүүжилтийг олгоно. Хүүний зөрүүг улсын төсвөөс гаргана” гэсэн юм.

Монголбанк өнгөрсөн оны дөрөвдүгээр сараас эхлэн Covid-19 цар тахлаас улбаатай эдийн засгийг сөрөг нөлөөллийг бууруулах зорилгоор урт хугацаат репо санхүүжилтийн хэрэгслийг ашиглан Жижиг, дунд үйлдвэрлэл эрхлэгчид,  уул уурхайн бус экспортлогчдод 10.5 хувийн хүүтэй, хоёр жилийн хугацаатай зээл олгож эхэлжээ.

Дээрх арга хэмжээний хүрээнд 2020 оны арванхоёрдугаар сард олгосон 230 тэрбум төгрөгийн репо санхүүжилтийн эх үүсвэрийг банкууд нийт 20 мянга орчим ажилтантай 1536 аж ахуйн нэгжид шинээр зээл олгох болон зээлийг дахин санхүүжүүлэх хэлбэрээр ашиглажээ. Тиймээс энэ онд санхүүжилтийг нь нэмэгдүүлж, , хоёр их наяд төгрөг хүртэл репо санхүүлжилт олгох боломжтой гэж үзжээ. Учир нь, репо санхүүжилтийн хүү 10.5 хувь байгаа нь зээлийн дундаж хүүнээс 4-5 нэгж хувиар бага байгаа аж.

Жижиг, дунд үйлдвэрлэлийг хөгжүүлэхэд зориулж, 2 их наяд төгрөгийн санхүүжилт гаргахаар тус хөтөлбөрт тусгасан.

Уг зээлийг Хүн амын орлогын албан татвар, Нийгмийн даатгалын шимтгэл тогтмол төлж буй аж ахуй нэгжид олгоно. Нэг аж ахуй нэгжид 500 хүртэл сая төгрөгийн зээл олгох боломжтой. Үүнээс бага дүнтэй зээл ч авч болно.  Зээлийг банкаар дамжуулан олгоно. Зээлийн хугацаа 3 жил байх учраас үйлдвэрлэл эрхлэгчдэд зээлийн дарамт учруулах эрсдэл бага байна.

Гэхдээ улсын төсвөөс нийт 120 тэрбум төгрөгийн хүүгийн татаас гаргана. Жилд 40 тэрбум төгрөгийг хүүгийн татааст зарцуулна гэж тооцоолжээ.

Банкууд жилийн 9 хувийн хүүтэй хадгаламж татаад 3 хувийн хүүтэй зээл олгохоор 6 хувийн зөрүү үүсч байгаа юм. Энэ зөрүүг улсын төсвөөс татаасаар нөхнө.

Г.ХОРОЛ

 

Энэ мэдээнд өгөх таны сэтгэгдэл?
1
ЗөвЗөв
1
ХөөрхөнХөөрхөн
1
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-02-25 122.201.22.81

jinhan namdul jihan namdul

Avatar

999 2021-02-25 66.181.161.3

маш буруу. тэгж байхын нэг я гэсэн гудамжийг төвийн сүлжээнд холбооч. орц нэртэй ганц хаалгатай, 00 болон гал тогоондоо цонх саваргүй, гишгэх газар амьсгалах агааргүй, нар үзэхгүй чиигээр дүүрэн бөөнөөр хорих лагерийн байр хэнд хэрэгтэй гэж. өвчний үүрийг л нэмнэ. ашиглалтанд орлоо ч гэр хорооллын иргэд авах боломжгүй учраас гэр хороолол улам тэлдэг. хотод нэг ч байр нэмж барих хэрэггүй. ногоон байгууламжаа л нэм.

Avatar

Зочин 2021-02-25 202.21.98.238

УЛСЫН МӨНГӨӨР ӨӨРТӨӨ ХЭДЭН ЗУУН САЯАР ФИТНЕСИЙН ТОНОГ ТӨХӨӨРӨМЖҮҮД АВЧ БАЙГАА ХУЛГАЙЧ ӨӨР БУСАД ТАНСАГЛАЛ БАЙГАА НЬ ОЙЛГОМЖТОЙ… ОФФИСИЙН ЧИНЬ ЦОНХООР АМЬДРАЛ ХЭР ХАРАГДАЖ БАЙНА ААЛЗАА???

Avatar

Zochin 2021-02-25 46.224.12.227

Naad zeel chin engiin humuust olddoggui l yumdaa zaawal tanil tal yostoi zeel huutsulduh bol hetsuu

Avatar

Зочин 2021-02-25 202.9.40.165

Пиздакууд үхмэл хөрөнгө болсон байрууддаа хөрөнгө оруулж иргэдийг мөлжиж эхэллээ

Avatar

Зочин 2021-02-25 202.9.47.27

зээлийн хүүгээ бууруулж иргэдэд дэмжлэг болох тухай бодохгүй байна. тэгсэн хирнээ баян банкуудад хадгаламжийн хүүг тэглэхийг зөвшөөрөөд байдаг нь сонин байна. төрийн байгууллаг ард, иргэдээ бодож, тэдний талд шийдвэр гаргаж байх ёстой.

Avatar

Зочин 2021-02-25 192.82.69.188

bid tan luu buleg kopmani mongold 1 terbum horongi hisen heden darga gariin useg dutaad aa.1 ideed demii dee 1 a hiij bosgoj cahdahgui s shdee. ehleed bi mongol hun hen negen jungaan bishee 2 hen yu helsen bid martagui ee.harnaa ter odor bolnoo. here medel dee nilzaarai.

Avatar

Зочин 2021-02-25 192.82.69.188

end bol bas mafia erh ashig amsh chuhal tom mongo hiisen mafia dureme zohiono shuu.tuunig gomdooson hun oodlohgui s hdee.tan luu buleg tenegrin ezen s higen minga tumen jilee enh orshigee

Avatar

зочин 2021-02-25 103.9.90.100

банкны захирлууд чинь ипотект урдуур оруулж өгнө гээд мөнгө нэхээд байна гэнэ яах уу? АТГ-д хандах уу?

Avatar

Зочин 2021-02-25 64.119.20.1

ЛХАГВАА ЧИ ЭДИЙН ЗАСАГТ МӨНГӨНИЙ НИЙЛҮҮЛЭЛТ ӨНДӨР БАЙГАА ҮЕД МӨНГӨ НИЙЛҮҮЛЭХ ГЭЭД БАЙНА ШҮҮ. САЯХАН ЧИ ТӨВ БАНК МӨНГӨ НИЙЛҮҮЛЭХ НЬ БУРУУ ГЭЭД Л АРДЫН НАМЫН УТСАН ХҮҮХЭЛДЭЙ БОЛЧИХСОН, ӨӨРИЙН ДАРГА ЗОЛЖАРГАЛЫГ МУУЛААД ТУУЖ ЯВААГҮЙ БИЛҮҮ? ЗОЛЖАРГАЛЫН ЧАМААС ЯЛГААТАЙ НЬ ЭДИЙН ЗАСАГТ МӨНГӨ ДУТАГДАЖ БАЙСАН ҮЕД НИЙЛҮҮЛСЭН ЮМ. ХАРИН ЧИ ЭДИЙН ЗАСАГТ МӨНГӨНИЙ НИЙЛҮҮЛЭЛТ ИХЭДСЭН, МОНГОЛ БАНКИНД 8 ИХ НАЯД ТӨГРӨГ ЦУГЛАРЧИХСАН, ГАДААД ЗАХ НЭН ТААТАЙ БАЙГАА ҮЕД МӨНГӨ ХЭВЛЭХ ГЭЭД БАЙНА. ХАНШ ИНФЛЯЦИ СҮЙД БОЛНО

NewsMN Гар утасны хувилбар Татах
NEWS.mn

Мэдээллийн эх сурвалж