"Таньдаг хүмүүстээ хоногийн хоолны мах зээлээр өгч байна" | News.MN

"Таньдаг хүмүүстээ хоногийн хоолны мах зээлээр өгч байна"

"Таньдаг хүмүүстээ хоногийн хоолны мах зээлээр өгч байна"

"Таньдаг хүмүүстээ хоногийн хоолны мах зээлээр өгч байна"

Түм түжигнэж, бум бужигнадаг "Хүчит шонхор" захад махны нийлүүлэлт хэр байгаа, үнэ тогтвортой эсэхийг сурвалжлахаар өчигдөр /2021.02.24/ үдийн 15.00 цагийн үед очвол үйлчлүүлэгчид цөөтэй, лангууны дэргэдүүр өнгөрөх бүрт “Мах дуусах гэж байгаа учраас хямдруулаад өгнө шүү” хэмээн уриалгахан дуудах худалдагчид олон таарлаа.

Бог, бод малын мах зардаг заал руу ортол ихэнх лангуу хоосон харагдав. Учир нь уржигдраас эхлэн хөл хорио суларснаар хоол үйлдвэрлэлийн чиглэлээр үйл ажиллагаа эрхэлдэг иргэн, аж ахуй нэгж мах их хэмжээгээр авах болсонтой холбоотой аж. 

Энд хонины цул мах нэг килограмм /кг/ нь 9500-10000 төгрөгөөр, хонины ястай мах 9000 төгрөгөөр зарагдаж байв. Худалдагчид өглөөдөө өндөр үнээр махаа зардаг бол үдээс хойшдоо хямдруулдаг байна.

Өглөө 10500 төгрөгөөр зарагдаж байсан хонины цул мах үдээс хойшдоо 10000 төгрөг болж буурах жишээтэй. Махны үнэ тарган, туранхайгаасаа  шалтгаалж үнэ нь өөр, өөр аж.   

Гэхдээ тухайн өдрийн өглөө махны нийлүүлэлт хэр байсан, ченжүүд ханшийг хэдээр тогтоосноос шалтгаалж үнэд өөрчлөлт ордог гэдгийг худалдагч нар учирлаж байлаа. Мөн "Баянзүрх”, “Бөмбөгөр”, “Меркури”, “Далай ээж” зэрэг томоохон худалдааны төвтэй харьцуулахад кг тутамдаа 1000 төгрөгөөр хямдаар худалдаалагддаг байна. 

Бог малын мах зардаг заал

ХОНОГИЙН  ХООЛНЫ МАХГҮЙ БАЙНА, ЗЭЭЛЭЭР ӨГЧ БОЛОХ УУ”

Хонины махны худалдагчийн хэлснээр “Хонины цул мах нэг кг нь 9500, ястай мах нь 9000 төгрөгөөр худалдаалагдаж байна. Өнөөдөр 300 кг мах борлуулах гээд үзээд л сууна. Одоогийн байдлаар 10 кг мах л зарлаа. Иргэд хөл хорионы улмаас олон сар гэртээ суусан, цааш нь хийж хадгалсан хэдэн төгрөгөө Цагаан сард хэрэглэсэн учраас худалдан авалт муу байх шиг байна. Хүмүүс хамгийн багадаа 1 кг ба түүнээс дээш 5 кг мах авч байна. Харин байнгын хамтран ажилладаг хоолны газрын хүмүүс өчигдөр ирж мах авсан. Ерөнхийдөө 15-аас дээш кг мах авдаг. Хэрэв ашиг харж зарвал нэг кг махыг 9800-10000 төгрөгөөр зарахаар байгаа юм. Гэвч худалдан авагчаа алдахгүйн тулд ченж нараас авсан үнээр нь шахуу зарж байна. Хүмүүсийн худалдан авах чадвар жилээс, жилд муудаж байна. Би 20 жилийн өмнө 1 кг мах 1800 төгрөгөөр зардаг байлаа. Тэр үед иргэд махыг их хэмжээгээр авдаг, шуудайд хийгээд үүрээд явдаг байсан. Одоо бол 1 кг махаа жижиг торонд хийгээд л явж байна. Хөл хорионы үед байнгын худалдан авагчдаас маань “Хоногийн хоолны махгүй байна, зээлээр өгч болох уу” гээд ирж байсан удаатай. Би зээлээр өгч л байсан. Түүнээс таньж мэдэхгүй хүнд өгөхгүй шүү дээ” гэлээ.

Бод малын мах зардаг зааланд ихэнх лангуу нь хоосорч, худалдагчид лангуугаа цэвэрлэж байхтай таарлаа. Цөөн хэдэн махтай үлдсэн худалдагчид “Үхрийн нуруу 10000 төгрөгт аваарай.  Мах дуусах гэж байгаа учраас хямдруулж байгаа шүү. Өглөө 11500-12000 төгрөгөөр зарж байсан” хэмээн хүмүүсийг ятгах аж.

ӨМНӨ НЬ 10 КГ МАХ АВДАГ БАЙСАН АЙЛ ОДОО 5 КГ МАХ АВЧ БАЙНА

Харин үхрийн махны худалдагч “Үхрийн мах гадаа бөөний үнээр 8500-10000 төгрөг. Дотор орж ирэхээр тарган, туранхайгаасаа хамаараад үхрийн цул мах 11000-12000, ястай мах 11000, нурууны цул мах 12000, жижиг үхрийн ястай мах 11500 төгрөгөөр худалдаалж байна. Энэ жил хөл хориотой байсан ч махны нийлүүлэлт  харьцангуй сайн байна. Өнгөрсөн удаа тогтоосон 12 хоногийн хатуу хөл хорионы улмаас манай зах хүнгүй эзгүйрсэн. Харин хөл хорио суларсны дараа цайны газар, ресторан ажиллуулдаг хүмүүс мах ирж авлаа. Өглөө хоёр бүтэн үхэр зарахаар оруулж ирсэн. Нэг үхэр 200 кг,  нийлээд 400 кг. Одоогийн байдлаар бараг зараад дуусах гэж байна. Урд нь цаг сайхан байхад 10 кг мах авдаг байсан айл одоо 5 кг мах авах жишээний. 10 кг махыг 10-15  өдөр хэрэглэдэг байсан бол 5 кг махаар 10-15 хонох гэж тэсч байна. Хэрэглээгээ танаснаас харахад хүмүүсийн худалдан авах чадвар муудсан гэдэг нь харагдаж байгаа юм” гэв.

2021 онд нийслэлчүүдийн хэрэглэх 20 мянган тонн нөөцийн махыг бэлтгэсэн хэмээн ХХААЯ мэдээлсэн.

Хэдийгээр сайн, муу хэл ам дагуулдаг ч нөөцийн махны худалдаа иргэдийн нуруун дээрх ачааг бага ч болов нимгэлдэг. Харин энэ жил нөөцийн мах хэзээ худалдаанд гарч иргэдийн гарт хүрэх нь одоогоор тодорхойгүй байна.

Нийслэлийн статистикийн газрын хоёрдугаар сарын 19-ны өдрийн судалгаанд дурдсанаар:

Э.БУРАМ

Энэ мэдээнд өгөх таны сэтгэгдэл?
8
ТэнэглэлТэнэглэл
2
ХөөрхөнХөөрхөн
2
БурууБуруу
0
ЗөвЗөв
0
ХахаХаха
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

худалдаачин 2021-02-25 64.119.21.233

Худалдагч нар бүү худалл хэлээч 6500-8000 0 хооронд өглөө бөөндөж авчихаад юу гэж худлаа хуцаж байна вэ.!Өглөө би цайны газартаа мах аваад явсан шүү.Хаана ч танил хүн бол өдөр бүр биш гэсэн 20 жилд ганц байж магадгүй. Ард түмэн чамайс лангууны үлдэгдэл гуйгаад байдаг юу л бол.Миний монгол нэрэлхүү баян ард түмэн улаан мах та нараас гуйхгүй шүү.Гуйх зээлдээд авах гэдэг өдөр шөнө шиг ялгаа бий.

Avatar

Хаха 2021-02-25 202.21.109.120

ЯАХАВ ИРЭЭДҮЙД ХУДУУД ЧИНЬ ЯВЖ БАЙНАА ГЭСЭН ҮГ

Avatar

Зочин 2021-02-25 64.119.17.17

Сонгуулийн өмнөхөн Амаржаргал Ерөнхий сайл болж жүжиглэхдээ махны үнэ хорин мянга даваад явчихлхх… гэж ярьсан. Тэр өдөр нь манайх захаас 9000 төгрөгөөр мах авсан юм чинь. Амаржаргал уг нь Ерөнхий сайд болж туг сүлдтэй тусгай зассан өхөөнд заларч жүжиглээгүй бол гараад ирэх байсан даа.

Avatar

ardсайхан 2021-02-25 202.126.89.178

сайхан хуцах юмаа 7 мянгаар авчаад 9 мянгаар жижиглээдл зардагшдээ мэдэхгүй гэж боддог юм байхдааа махны шуналуууд авсан үнээрэээ өгдөгч гэх шиг л******д

Avatar

Зочин 2021-02-25 66.181.161.45

Mahnii unee buulgaachee pizduu ymaa

Avatar

Зочин 2021-02-25 202.9.47.3

Hi ard coin gej bhar manaihaan ooroo bitcoin olborol iishee orood hend ch yamarch mongo ogohgvi ooroo app aa tataal mongo ol https://www.hashbulls.cloud/ref?id=26805

Avatar

/*-*/ 2021-02-25 49.0.142.40

Худлаа, наад мэдээ чинь ченж шуу юмнуудын явуургагүй суртал ухуулга тархи угаалга

NewsMN Гар утасны хувилбар Татах
NEWS.mn

Мэдээллийн эх сурвалж