Онцгой байдлын ерөнхий газарт өнгөрсөн хоног (2021.02.23)-т бүртгэгдсэн мэдээллийг тоймлон хүргэе.

• Өмнөговь аймгийн Номгон сумын Богт багийн Хөх толгой гэдэг газарт өчигдөр өглөө 07.47 цагийн үед 4.4 магнитудын хүчтэй газар хөдөлжээ. Газар хөдлөлтийн улмаас ямар нэг хохирол учраагүй, иргэдэд чичирхийлэл сулхан мэдрэгдсэн. Эхний хөдлөлтийн дараахан мөн аймгийн Номгон сумын Дэрсэнэ-Ус багийн Улаан бут гэдэг газарт 09.41 цагт 4.1 магнитудын хүчтэй газар хөдөлсөн байна. Аймгийн ЗДТГ-аас мэдээлснээр, газар хөдлөлтийн улмаас ямар нэгэн хохирол учраагүй ажээ.
• Говь-Алтай аймгийн Шарга суманд зам тээврийн ослоор хоёр хүн амиа алдсан байна. Ховд аймгийн Жаргалант сумаас Улаанбаатар хотын чиглэлд иргэн Б-гийн жолоодож явсан “Кроун” загварын суудлын автомашинтай мөргөлдсөн ноцтой осол гарчээ. Ослын улмаас Жаргалант сумын харьяат, 56 настай эмэгтэй О, 26 настай эрэгтэй Б нар автомашины төмөр хийцэд хавчуулагдаж, амиа алдсан байсныг Онцгой байдлын алба хаагчид гаргаж, цагдаагийн байгууллагад шилжүүлэн өгчээ.

Б.ЦЭЦЭГ