ААН-үүд үүдээ нээхээр бэлэн байдлаа хангаж байна | News.MN

ААН-үүд үүдээ нээхээр бэлэн байдлаа хангаж байна

ААН-үүд үүдээ нээхээр бэлэн байдлаа хангаж байна

ААН-үүд үүдээ нээхээр бэлэн байдлаа хангаж байна

Засгийн газраас өнөөдөр /2021.02.23/-өөс 100 гаруй мянган аж ахуйн нэгжийн 95 хувийн үйл ажиллагааг эхлүүлэх шийдвэр гаргасан.  Үүний дагуу хүн олноор үйлчлүүлэх кино театр, караоке, амралт газар болон жуулчны баазууд үйл ажиллагаа эхлүүлнэ.

Кино театруудын хувьд  цахимаар тасалбар авах, үзэгч хооронд нэг сандал алгасаж суулгах, үзвэрийн танхимд ус ундаанаас бусад хүнсний бүтээгдэхүүн оруулахыг хориглож буй. Харин амралтын газар, жуулчны баазууд урьдчилан захиалга авч, орны тооноос илүү хүн хүлээн авахгүй байх, аль болох өрөөнд нь хооллох шаардлагатай. Эдгээр үйлчилгээний газрууд үйлчлүүлэгчдээ хүлээн авахад бэлэн эсэхийг тодрууллаа. 


"КАРАОКЕД МИКРОФОНЫ НЭГ УДААГИЙН БҮРХЭВЧ УУТЫГ ТОГТМОЛ ХЭРЭГЛЭДЭГ"

Зайсанд үйл ажиллагаа явуулдаг “Wooden” караокены үйлчилгээ хариуцсан ажилтан Б.ГАНБАЯР:

-Өнөөдрөөс аж ахуй нэгжүүд үйл ажиллагаагаа эхэлж байгаа учраас оройхон ажиллахаар цэвэрлэгээгээ хийж, мэргэжлийн байгууллагаар ариутгал халдваргүйжүүлэлт хийлгэнэ. Манай караоке нийт 10 өрөөтэй. Үйлчлүүлэгчдэдээ амны хаалт зүүх, биеийн халууныг нь хэмжиж, гараа халдваргүйжүүлэх шаардлагыг тавина. Ажилчдын хувьд ариутгал халдваргүйжүүлэлтийг сайтар сахиж ажиллана.  Мэргэжлийн байгууллагуудаас заавар зөвлөмж ирүүлээгүй. Бид хэвлэл мэдээллийн сайт, олон нийтийн сүлжээгээр мэдээллээ авсан. Мөн микрофоны нэг удаагийн бүрхэвч уутыг тогтмол хэрэглэдэг. Манай караоке таван жил үйл ажиллагаа явуулж байгаа. Бидний хувьд нэг жил орчим ажилгүй бүрэн зогссон. Санхүүгийн хувьд эрсдэлтэй нөхцөлд байна. Одоо халдвар хамгааллын дэглэмээ баримтлаад ажиллах бүрэн боломжтой гэж бодож байна.

"ЗӨВХӨН БАГА НАСНЫ ХҮҮХЭДТЭЙ ГЭР БҮЛ БОЛОН ЦӨӨН ТООНЫ ҮЙЛЧЛҮҮЛЭГЧ ХҮЛЭЭН АВНА"

“Уу булан” жуулчны баазын захирал Б.ХАЛИУН:

-Холбогдох байгууллагуудаас заавар зөвлөмж өгсөн зүйл байхгүй. Засгийн газраас өгсөн мэдээллийн дагуу амралтын газар, жуулчны бааз, зочид буудлын үйл ажиллагаанд тавигдах тусгай нөхцөл шаардлагыг дагаж мөрдөнө. Бид өнгөрөгч арваннэгдүгээр сараас хойш огт ажиллаагүй учраас өөрсдөө халдвар хамгааллын дэглэмээ сахиж, их цэвэрлэгээ, ариутгалыг хийнэ гэсэн бодолтой байна. Амралтын газрын фэйж хуудас, реклам сурталчилгаан дээрээ “Зөвхөн бага насны хүүхэдтэй гэр бүл болон цөөн тооны үйлчлүүлэгч хүлээн авна. Байгууллага хамт олны захиалга авахгүй” гэдгээ байршуулсан. Үйлчлүүлэгчдийн хоолыг захиалгаар өрөөнд нь оруулж өгнө. Манай амралтын газар нэг том байшинд олон өрөө биш. Гадаа тус тусдаа хаус учраас амрагчид хоорондоо уулзах ямар ч боломж байхгүй. Амрагчид явсны дараа цонх хаалгаа онгойлгож, агаар сэлгэн, ариутгал цэвэрлэгээг тогтмол хийнэ. Үйлчлүүлэгчдээ хүлээн авахдаа биеийн халууныг хэмжиж, бүртгэл хийнэ. Хөл хориотой холбоотойгоор бүтэн жил орлогогүй болж, ажилчдын тоо буурсан. Өнгөрсөн хавар халдвар хамгааллын дэглэмээ баримталж ажиллахад орлого 30-50 хувь буурсан байсан. Хүмүүсийн орлого багассан учраас амралтын газрын үнээ тодорхой хэмжээгээр бууруулсан. Жишээлбэл, нэг хаус хоногийн 400 мянган төгрөг байдаг бол 200 мянган төгрөг болж хямдарсан” гэв.

"ҮЗЭГЧДИЙГ ХОЁР СУУДЛЫН ЗАЙТАЙ СУУЛГАНА"

“Prime Cineplex” кино театрын захирал П.ГЯЛБАА:

-Өчигдөр үдээс хойш үйл ажиллагаагаа нээх аж ахуй нэгжүүдэд зориулсан журамтай танилцлаа. Эхний ээлжинд бэлтгэл ажлаа хангаж, их цэвэрлэгээ, ариутгал халдваргүйжүүлэлтээ хийнэ. Ирэх Баасан гаригаас үйл ажиллагаагаа нээх төлөвлөгөөтэй байна. Өмнө  нь кино театруудад онлайн тасалбар захиалгын үйлчилгээ байсан учраас асуудалгүй. Мөн бэлэн мөнгөнөөс татгалзаж, аль болох картаар төлбөрөө төлнө. Өмнө нь Эрүүл мэндийн яам, мэргэжлийн хяналтын газраас гаргасан заавар зөвлөмжүүд бий. Тэрийг даган мөрдөж, суудлын хязгаарлалтаа хийж байна. Хоёроос дээш 4-5 хүн явж байгаа бол хоёр хоёроор нь суулгана. Ингэснээр нийт суудлын 50 хувийн дүүргэлттэй байх юм. Үзэгчийн танхимд нэг суудал алгасалгүй хоёр суудал алгасаж суулгахаар төлөвлөж байгаа. Ажилчдынхаа халдвар хамгааллын дэглэмийг мөрдөж, хариуцлагатай ажиллана. Үзвэрийн танхимд ус, ундаагаар оруулж, гадна хэсэгт хүнсний бүтээгдэхүүн худалдан борлуулах төлөвлөгөөтэй байна. Нарийн мэдээллийг холбогдох байгууллагуудаас дахин тодруулна.

 

Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Dr. Adity 2021-02-23 129.205.113.218

Та бөөрийг худалдахыг хүсч байна уу?
Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу?
Дараа нь бидэнтэй холбоо бариад хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж,
имэйл: DR.PRADHAN.UROLOGIST.LT.COL@GMAIL.COM
whatsapp: 15733337443
Үнэ: $780,000 USD
Та бөөрийг худалдахыг хүсч байна уу?
Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу

Avatar

хммм 2021-02-23 64.119.20.196

Караоке, баар, ресторан, кафед архи дарс ууж согтсон хүмүүс амны хаалт хэрэглэлээ юу. Эхлээд орохдоо ч зүүх л байх л даа… Согтсоны дараа бол корона цаашаа шүү дээ. Аяга тавгаа холиод л эхэлнэ. Монголчуудыг архинд дурласан жолоогүй шунал л мөхөөнө.

Avatar

Зочин 2021-02-23 202.126.89.112

УЛААНБААТАР ХОТ ЦААШДАА ШӨНИЙН ЦАГААР БУЮУ ОРОЙ 22 ЦАГААСС ӨГЛӨӨ 5 ЦАГ ХҮРТЭЛ ХАТУУ ХӨЛ ХОРИО ТОГТООХ ХЭРЭГТЭЙ.

Avatar

Олп 2021-02-23 202.126.90.156

Мэргэжилийн хяналтын цөөвөр чононууд дарга нэртэй сагсуу дээрэнгүй авгай эд нараас болгоомжлоорй мөнгө хийх гээд чичрээд дайрна шүү нэхвэл чих ав өөр юм байхгүй гэж хэлээрэй аж ахуйн нэгжүүдээ

Avatar

bat 2021-02-23 185.220.100.240

bolohgui zuil ugui shuu dee

NewsMN Гар утасны хувилбар Татах
NEWS.mn

Мэдээллийн эх сурвалж