Хотын дарга аа, дахин төлөвлөлтөө тодорхой болгож зарлая!   | News.MN

Хотын дарга аа, дахин төлөвлөлтөө тодорхой болгож зарлая!  

Хотын дарга аа, дахин төлөвлөлтөө тодорхой болгож зарлая!  

Хотын дарга аа, дахин төлөвлөлтөө тодорхой болгож зарлая!  

Монгол Улс Covid-19 цар тахалтай тэмцсэнээс хойших нэг жил орчмын хугацаанд “амь” чухал гэх стратеги барин ажилласан бол одоо эдийн засгаа хямралаас гаргахад анхаарч, зөвхөн барилгын салбарыг дэмжихэд зориулж хоёроос гурван их наяд төгрөг зарцуулахаа Засгийн газрын тэргүүн мэдэгдээд буй.

Хоёроос гурван их наяд төгрөг нь нийслэлд Залуус I, II, III орон сууцны хорооллыг барих,  гэр хорооллын газрыг дахин төлөвлөлтөд оруулж, дэд бүтэц татах, жилийн зургаан хувийн хүүтэй ипотекийн зээл олгоход зарцуулахаар төлөвлөсөн.

Гэвч нийслэлийн гэр хорооллын дүүргүүдээс аль хороо энэ онд дахин төлөвлөлтөд орох вэ гэдэг мэдээлэл бүрхэг байна.

Хэдэн сарын өмнө Нийслэлийн иргэдийн төлөөлөгчдийн хурал болж, Нийслэлийн газар зохион байгуулалтын албаны 2021 онд хийх ажлын төлөвлөгөөг баталсан ч түүнд нь Улаанбаатар хотын хэмжээнд хэдэн газарт дахин төлөвлөлт үргэлжлэн хийгдэх, хэдэн газарт шинээр дахин төлөвлөлт хийх зэрэг нь тодорхойгүй байгаа юм.

Өөрөөр хэлбэл, аль дүүрэг, хороонд шинээр орон сууц барих юм, аль газар иргэд нь байшингаа барих юм гэдэг мэдээлэл нь гэр хорооллын иргэдэд битгий хэл барилгын компаниудад ч ирээгүй байна.

Гэр хорооллыг барилгажуулна гэдэг бол зөвхөн хөрөнгө шийдсэнээр хэрэгждэг амар ажил биш.

Газрын өмчлөгч болсон эзэд, барилгын компани хоёр харилцан үнээ тохирч, хэн, хэндээ алдагдалгүй гэрээ байгуулж, төлөвлөсөн хугацаанд байр нь ашиглалтад орсноор  шийдэгддэг амаргүй ажил. Үүнд хот зуучийн үүрэг гүйцэтгэж, хэн, хэнийх нь эрх ашгийг хохироохгүй байхад анхаарах ёстой.

Учир нь, барилгын компани нь иргэдтэй тохиролцоод тухайн хороонд орон сууц барих боллоо гэхэд олон талын зөвшөөрөл дээр нь төрийн байгууллагын удирдлагууд гацаа үүсгэдэг. Хуулиараа зөвшөөрөл нь 45 хоногт багтаан гарах ёстой ч, тэрхүү хугацаанд амжиж гарна лөөлөө.

Авлига хээл хахуулгүйгээр ажил бүтээх амаргүй. Эцсийн дүндээ төрийнхөнд атгуулах авлигын мөнгө нь иргэдийн газраараа сольсон байрны үнэд шингэх болж, энэхүү бүтээн байгуулалт унадаг. Нэг бол төрийнхөнд энэхүү бүтээн байгуулалтаас олох ашиг бага тусах тул шинэ газарт орон сууц барих зөвшөөрөл олгох нь илүү унацтай.

Тиймдээ ч өнгөрсөн хугацаанд гэр хорооллыг барилгажуулах ажил урагшлаагүй гэж хэлж болно.

Нүхт, Яармаг руу орон сууцны хороолол хэдэн арваараа сүндэрлэсэн нь мөнгөтэй, эрх мэдэлтэй хүмүүст ашигтай байсан болоод л тэр.

Уг нь хот нийслэлийн есөн дүүргээ байг гэхэд төвийн зургаан дүүрэгтээ анхаарал хандуулж, ажиллаж чадвал Улаанбаатар хотын захирагч асан Э.Бат-Үүлийн эхлүүлсэн Зуун айлыг хэрхэн барилгажуулснаас харж болно.

Хэдэн жилийн өмнө хамаг муу юмны үүр уурхай байсан нийслэлийн Сүхбаатар дүүргийн долдугаар хороо өнөөдөр гэр хорооллыг барилгажуулахын ач холбогдлыг харуулсан хамгийн том орон сууцны хороолол болж, өөрчлөгдөөд буй.

Төр нь ашиг харахгүйгээр ажлыг эхлүүлж чадвал иргэн бүр дэмжиж, гэр хороолол хотжиж болохын бодит жишээ энэ.

Хавар ч боллоо, бүтээн байгуулалтын ажил эхлэх цаг айсуй. Одооноос л хот шуурхай хөдөлж, нийслэлийн гэр хорооллын аль хэсгийг дахин төлөвлөлтөд оруулав, аль хэсэг нь Залуус хорооллоо барих юм гэдэг мэдээллээ ил тод болгоод, иргэдтэйгээ, компанитайгаа хамтраад ажиллах цаг ирлээ.

Монголд бүтээн байгуулалтын ажлыг эрт эхлүүлэхгүй бол урин дулаан цаг нь бага. Өнөөдөр хаврын сар эхэлсэн ч удахгүй зуны сар эхэлж, усан бороо нь цутгахад ажил уясаар намрын сартай золгож, нэг л мэдэхэд өвөл залган, барилгын ажил хийхэд амаргүй болдог.

Тиймээс цар тахалтай зэрэгцүүлэн, ач холбогдол өгөх ажил бол гэр хорооллын барилгажуулалт юм. Нийслэл эл ажлыг үр дүнд хүргэж байж, Улаанбаатар хот агаар, хөрсний бохирдлоо шийдэж чадна.

Хэр богино хугацаанд үр дүнд хүрнэ, тэр хэмжээгээр эрүүл мэндээ ч хамгаалж, эдийн засгийн алдагдлаас ч сэргийлж чадна. Учир нь өнгөрсөн арав гаруй жилийн хугацаанд нийслэлийн агаарын бохирдлыг бууруулах зорилгоор хэчнээн их наяд төгрөгийн хөрөнгө урсав. Үр дүн нь өнөөдөр ямар байна вэ. Хүхэр нь үнэртсэн, өмхий хот хэвээрээ л байна.

Харин энэ бүхнийг өөрчлөн, иргэдээ агаар, хөрсний бохирдолгүй хотод амьдрах орчныг бүрдүүлэх реформыг хийж чадах том эрх мэдэл, хүч зөвхөн өнөөгийн нийслэлийн удирдлагад л байна.

Г.ХОРОЛ

 

Энэ мэдээнд өгөх таны сэтгэгдэл?
11
ЗөвЗөв
2
ТэнэглэлТэнэглэл
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

22 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-02-22 202.126.90.109

БЗД-ийн 22-р хорооны 1-20 хүртэлх гудамжны айл ѳрхүүд бүх бичиг баримтаа бүрдүүлж дахин тѳлѳвлѳлтѳнд орох хүсэлтээ нийслэлийн гэр хорооллын дахин тѳлѳвлѳлтийн газарт ѳгсѳн одоо болтол хариу алга б.на.

Avatar

мөнхөө 2021-02-22 103.9.90.130

зөв сэдэв хөнджээ.Дахин төлөвлөлтийг хотын төвд бгаа гэр хороололдоо хийвэл илүү үр дүнтэй бна.БЗД ийн Чулуун-Овооноос Төмөр замын төв засварын газар хүртэл гэр хороолол маш тохиромжтой сайхан газар бна.Дулааны станцтай цөөхөн айлтай газар тэгш зэрэг олон давуу тал бна.

Avatar

Зочин 2021-02-22 193.176.211.100

Hotiin hoish 32-n toirgoos 7 buudal hurtel ger horoolloo barilgajuulj oron suutsand oruulsan ni utaagui bolon orchin uyiin hot bolohod heregtei shuu.

Avatar

zochin 2021-02-22 120.17.147.167

grashaa dooshn sain bariarai ail bolgon grashtai baih ystoi shoo

Avatar

Зочин 2021-02-22 66.181.161.84

Yaarmag uuruu surguuli office bhgui heseg bolhoor tend hen ch ochij amidrahgui harin 100 ailaas hoishoo duuren ger horoolliig hothon bolgovol deer yum shig!?? Getel Orkuud ni hashaagaa hed dahin iluu uneleed hereldeed suuchihna, teriig huuli gargaad zohitsuulah heregtei zah zeeliin unees iluu unelsen tohioldold bur albadan nuulgeed unegui gazriig ni avah huuli batalj baij oron suutsjuulna shuu.

Avatar

Зочин 2021-02-22 66.181.176.55

100 айлын барилгын захыг нүүлгээч.

Avatar

Зочин 2021-02-22 202.126.94.99

Тэрэлж руу явах зам орчинг цэгцлэмээр бнаа. Налайхын оршуулгын газрыг нуулгээчээ, зам руу орж ирлээ. УОК дарга аа?!!

Avatar

МАН онцлого 2021-02-22 202.21.108.46

МАН ын 30 жилийн хийгээгүй ажлыг БАТҮҮЛ 4 хөн жилд хийчэхсэн шүү. Тэр л их сонин юм болсон. МАН д боловсон хүчин, менежер үнэхээр дутагдалтай байдаг, баруунд сурсан нь ч ялгаагүй. Хүмүүсийн өгөгдөл нь тийм байдгын болуу гэж гайхмаар. МАН ууд юм л бол хорино, торгоно, хаана, болохгүй, судалж байна гдг ч нэг хийхээрээ ажлын зардлынх нь тал нь авлигал луйвартаа хувиарладаг. Баахан хэрэггүй албан тушаалтан үйлдвэрлэдэг. Намаараа түрий барьж бөөрөлхөж дээрэлхэхдээ гаргуун, Орк талдаа.

Avatar

Зочин 2021-02-22 202.55.191.130

Hotoos hol bari gevel barih amitan oldohgui hotdoo barii geheer gazar oldohgui, bugd ashigaa l harna. Yu yamar yum barigdah ni gol bish

Avatar

Zochin 2021-02-22 216.170.122.122

Odoo bgaa bairnii unee buulgahad anhaarah heregtei mk 1.5 say bhad l bolno yun 3say we 1sayiin tsaling yaj tsohizuulj bairtai boloh we ehner huuhdee orhiod nuguu solongosiig zorih uu

Avatar

Зочин 2021-02-22 202.21.113.238

Юу гэж дээ. Өөрөө хийхээ л бодийшд

Avatar

Зочин 2021-02-22 192.82.69.184

Хотын дарга аа, Баянзүрх дүүргийн удирдлагууд чинь бзнес хийе гэсэн бүхнийг хааж боож, хавчиж байна. Хахууль, авилгал авах гээд байгаа юм уу. Энэ хүмүүсийн ажлаа хийж байгаа байдалтай нь ирж танилцаачээ…

Avatar

Монгол Улсын иргэн 2021-02-22 211.36.159.217

Бат-Үүл ч хотын захирагчийн ажлыг сайн хийсээн. Харин үхрийн сүүлэн дээр хутга гэгчээр сүүлдээ л жаахан завхарчихсан блхс. Гэр хорооллыг дахин төлөвлөх ажлыг уг нь зөв л эхлүүлсэн л дээ

Avatar

Зочин 2021-02-22 103.10.23.171

Хотын дарга юун барилгажилт вэ ковидтой зууралдаад ядарч бгаа схд т нэгч гэсэн юм хийгээсээ хүлээж бгаа шүү

Avatar

Иргэн 2021-02-22 64.119.24.191

Аэро, Будда, эмээлт, Налайх дүүрэгт барих хэрэгтэй

Avatar

Ман 2021-02-22 64.119.24.191

Хотод барихгүй, Төв аймагт, Налайх дүүрэгт барина.

Avatar

Иргэн 2021-02-22 59.153.113.76

УБ орчин ажлын байртай, хүмүүс цалин орлоготой байх, сургууль, цэцэрлэгтэй, цэвэр агаартай дагуул жижиг хотууд байгуулах л хамгийн бодтиой гарц байх. Энэ заваарсан, түгжирсэн, бохир, за тэгээд айхтар хадварт өвчин тахал гарвал бүгдээрээ тусах магдлалтай УБ-ыг задлах нь хэрэгтэй.

Avatar

ЗОЧИН 2021-02-22 202.126.89.104

ХОТЫН ДАРГА ГЭЖ ХҮН БАЙНА УУ ? ҮГҮЙ ЮУ ? ЭЗЭНГҮЙ ХОТ БОЛГОХ НЬ ДЭЭ ! ХУСЧИХ ЮМ ХАРАГДАХГҮЙ БОЛХООР ХАЯЧИХ ВУУ !!!

Avatar

мргэн 2021-02-22 124.158.67.107

ногоон байгууламжаа л сайн бариарай монголд үлгэр жишээ ногоон байгууламжтай сургууль болон цэцэрлэгтэй байх ёстой

Avatar

Зочин 2021-02-22 64.119.26.102

Бөөн мөнгө бодсон барилгын салбарыг төрөөс дэмжих хэрэггүй.

Avatar

Зочин 2021-02-22 139.5.217.185

setgyylcn G.HOROL zyv cn bicnij cnadahgyi mal boljee. zailaacn

Avatar

ИХ БӨӨ 2021-02-22 103.43.76.162

ЗАЛУУС ХОРООЛЫГ МОРИНГИЙН ДАВАА НИСЭХД БАИНА ГЭСЭН БАТ-ҮҮЛИЙН АМГАЛАНД ТАРЬСАН ХАШААНЫ ХЭРҮҮЛ 10ЭИЛ ШҮҮХДЭЭД ДУУУСДАГГҮЙ ШИГ БОЛОХООС АЙСАНБОЛГО

NewsMN Гар утасны хувилбар Татах
NEWS.mn

Мэдээллийн эх сурвалж