"Нэг хаалга, нэг шинжилгээ"-ний хүрээнд Covid-19 халдварын нийт 78 тохиолдол бүртгэгдэж, зарим хороонд шинээр халдвар илэрч байна. Тухайлбал, өчигдөр /2021.2.20/ хийсэн шинжилгээгээр Баянгол дүүргийн 22, 23 дугаар хороо, Сүхбаатар дүүргийн гуравдугаар хороо, Хан-Уул дүүргийн дөрөв, 19 дүгээр хороо, Чингэлтэй дүүргийн мөн 19 дугаар хороо зэрэг дөрвөн дүүргийн зургаан хороонд  шинээр Covid-19-ийн халдвар бүртгэгджээ. Ингэснээр одоогоор дараах хороодод халдвар бүртгэгдээд байна.

• Баянгол дүүргийн 3, 5, 9, 12, 22, 23, 25
• Баянзүрх дүүргийн 26
• Сүхбаатар дүүргийн 3, 18
• Сонгинохайрхан дүүргийн 6, 7, 18, 26, 31, 39
• Хан-Уул дүүргийн 2, 4, 9 ,19, 21
• Чингэлтэй дүүргийн 2, 6, 12, 19 дүгээр хороонд халдвар бүртгэгдээд байна.

Р.ДУЛАМ