"Өрхөөс илэрсэн 37 тохиолдлын 18 нь ойрын хавьтал байсан" | News.MN

"Өрхөөс илэрсэн 37 тохиолдлын 18 нь ойрын хавьтал байсан"

COVID-19

"Өрхөөс илэрсэн 37 тохиолдлын 18 нь ойрын хавьтал байсан"

"Өрхөөс илэрсэн 37 тохиолдлын 18 нь ойрын хавьтал байсан"

Covid-19-ийн халдварын тархалт өдөр бүр нэмэгдсээр улсын хэмжээнд батлагдсан тохиолдол 2493-т хүрээд байгаа юм. Өчигдөр /2021.2.18/ гэхэд 40217 хүнд шинжилгээ хийснээс 49-д нь Covid-19 илэрсэн. Үүний 10 нь “Нэг хаалга, нэг шинжилгээ”-нээс илэрсэн билээ. Ингэснээр тус өргөтгөсөн шинжилгээний хүрээнд нийт 37 хүнээс Covid-19-ийн халдвар илрээд байгаа юм. Өөрөөр хэлбэл, батлагдсан тохиолдлуудын голомтоос бус масс дундаас илэрсэн гэсэн үг юм.

Эдгээр тохиолдлын халдварын эх үүсвэрийг тодорхойлсон эсэх, мөн хэчнээн хүнийг тусгаарлаад байгаа талаар ХӨСҮТ-ийн Тандалт судалгааны албаны дарга А.Амбасэлмаагаас тодруулахад дараах мэдээллийг өглөө.

Тэрбээр "Аливаа халдварын голомт, эх үүсвэр нь тандалт судалгааны ажлын үр дүнд тодорхой болдог. Нийт  батлагдсан тохиолдлын ойрын хавьтал 635 хүн байгаа бол 1410 хүнийг хоёр дахь хавьтагчаар бүртгээд байгаа. Халдварын батлагдсан тохиолдлуудыг тусгаарлаж, ариутгал, халдваргүйтгэл хийн, хавьтал болсон хүмүүсээс шинжилгээ авч, тусгаарласан. Ойрын хавьтлыг ажиглан тусгаарлах байранд долоо хоног тусгаарлана. Тусгаарлагдаж байгаа долоо хоногийн хугацаанд хоёр удаа шинжилгээ авч, гэрт нь үргэлжлүүлэн долоо хоног буюу нийтдээ халдварын нууц үеийн хугацаа болох 14 хоног тусгаарлана.

“Нэг хаалга нэг шинжилгээ”-ний хүрээнд 19 хүнээс халдвар илэрч, халдварын хавьтлуудыг тодорхойлж, шинжилгээ хийх явцад нэмж 18 хүнээс халдвар илэрсэн. Иргэд хаагуур явж, хэнтэй уулзсанаа хэлэхгүй нууцалснаас халдварын голомтыг тодорхойлоход төвөг учирч байна” гэлээ.

ЗУРГААН ДҮҮРГИЙН 15 ХОРООНООС COVID-19-ИЙН ХАЛДВАР ИЛЭРЛЭЭ

Одоогийн байдлаар "Нэг хаалга, нэг шинжилгээ"-гээр зургаан дүүргийн 15 хорооны иргэдээс Covid-19-ийн халдвар илрээд байна. Өчигдрийн хувьд Сонгинохайрхан дүүргийн 6, 18, 31 дүгээр хорооноос түлхүү илэрчээ.

  • Баянгол дүүргийн 3, 12, 25 дугаар хороо
  • Баянзүрх дүүргийн 26 дугаар хороо
  • Сүхбаатар дүүргийн 18 дугаар хороо
  • Сонгинохайрхан дүүргийн 7, 39, 6, 18, 31 дүгээр хороо,
  • Хан-Уул дүүргийн 2, 4-р хороо,
  • Чингэлтэй дүүргийн 2, 6, 12-р хороонд тус тус халдвар бүртгэгдээд байна.

Р.ДУЛАМ

Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2021-02-19 192.82.75.161

Монголчуудаас холуур өнгөрөх болно

Avatar

ХУУЛЬЧ 2021-02-19 192.82.64.190

МОНГОЛЧУУД ""КОВИТООС "" БОЛЖ ӨНӨӨГИЙН НИЙГЭМД ҮҮССЭН ТОМ ШАЛГУУРЫГ ЭВ НЭГДЭЛ ДАВАН ТУУЛЖ НИЙГЭМД БИЙ БОЛСОН ҮНЭН ХУДЛЫН ХӨӨСРӨЛӨӨС САЛЖ БАЙГАА НЬ ЯАМАЙ ДАА ,,,,,ХАРИН ӨШ ХОНЗОН БАС БУС БАЙДЛААР ЭСРЭГ ТАЛЫН УЛС ТӨРИЙН ЗҮТГЭЛТНЭЭ ШОРОНДОДОГ ЭЛБЭГДОРЖЫН САНААЧИЛСЭН ТЭР ТОМ ХӨӨСРӨЛ ХЭДИЙН ДУУСАХ ЮМ БОЛДОО ,,,,,,

Avatar

Termergen 2021-02-19 202.21.108.58

Монголын түүхэнд мууг сурталчилж үнэн болгох санаа, бодлого олон байсан. Гэвч энэ Ковид шиг маш сайн зохион байгуулалттай, яавал илүү муу байлгах уу гэсэн үйлдэл ховор байхаа. 40000 хүнээс 11 гэдэг чинь, за уучларай юу ч үгүй гэсэн үг, харин 40000 хүнээс элэний вирус 500, Сурье 300, БЗХӨ бол 2000 гэх мэт явж өнгө. Олон хүний амьдралыг муудуулж байгаа энэ хэсэг нөхдүүд нэгэн өдөр өрсдөө муугаа үзнэ

Avatar

Зочин 2021-02-19 66.181.182.61

Хавьталаа нуусан тохиолдол баригдсан бол нэрийг нь зарлаж өгөөч. Санаа муутай улсыг хянаж байх тогтолцоо чухал шүү.

Avatar

Зочин 2021-02-19 66.181.161.16

Бүх өрхөө шинжилсэн одоо ингээд ковид гайгүй болох байх

Avatar

ган 2021-02-19 192.82.73.107

19 шинэ голомт үүссэн

Avatar

Jdj 2021-02-19 98.204.176.20

14 honog nuuts ue bna gejuu? Ugui bhaa

Avatar

Irgen 2021-02-19 122.201.21.186

Zasgin gazraa heregjuulj bui zuv zuil shuu. AR tumen uhamsartai idevtei oroltsooroi. Manaih shig unegui test hiigeed humuus ee anhaatj bgaa uls ih hovor shuu.

NewsMN Гар утасны хувилбар Татах
NEWS.mn

Мэдээллийн эх сурвалж