Монгол Улс гамшгаас хамгаалах бүх нийтийн бэлэн байдлын зэрэгт хоёрдугаар сарын 11-ний өдрөөс эхлэн 12 хоногийн хугацаанд шилжин ажиллаж буй. Энэ хугацаанд зорчигчдын хөдөлгөөнийг 90 хүртэл хувь хязгаарлаж, цар тахлын тархалтын голомтыг хумих, халдвар тээгчийн ойрын болон дам хавьтлыг олж тусгаарлан эмчлэх зорилгоор “Нэг хаалга-Нэг шинжилгээ” нэгдсэн арга хэмжээ зохион байгуулж байна. Тэгвэл хөл хорионы үед цагдаагийн байгууллагад бүртгэгдсэн зөрчил хэргийн тоо буурахгүй байгаа юм. Тодруулбал, өчигдөр /2021.02.17/ цагдаагийн байгууллагад зөрчлийн 1097, гэмт хэргийн шинжтэй 33, хулгайлах 7, гэр бүлийн хүчирхийллийн 163 дуудлага бүртгэгджээ. Үүнээс согтуугаар автомашин жолоодсон 60, эрүүлжүүлсэн 207, олон нийтийн газар танхайрсан 81 хэрэг бүртгэгджээ.

Э.БУРАМ