Эрүүгийн хуулийг дагаж мөрдөх журмын тухай хэлэлцэж байна | News.MN - Мэдээллийн эх сурвалж

Эрүүгийн хуулийг дагаж мөрдөх журмын тухай хэлэлцэж байна

Хуучирсан мэдээ: 2016.04.07-нд нийтлэгдсэн

Эрүүгийн хуулийг дагаж мөрдөх журмын тухай хэлэлцэж байна

УИХ-ын чуулганы үдээс хойшхи хуралдаан үргэлжилж байна. Тус хуралдаанаар Эрүүгийн хуулийг дагаж мөрдөх журмын тухай хуулийн төслийн анхны хэлэлцүүлгийг хийж буй юм.

Хэлэлцүүлгийн шатанд УИХ-ын гишүүн Б.Бат-Эрдэнэ “Уг хууль батлагдсанаар их сайхан л болчих юм ярьж байна. Ингэж чадах уу. Авлига хээл хахуул сэтгэл эмзэглүүлэх болсон. хар тамхитай холбоотой асуудал маш хүндэрлээ. БНСУ-д ажиллах үед монгол эмэгтэй ирж уулзлаа, 60 гаруй настай. Зээ нь хар тамхины хэрэгт холбогдчихсон. Тэр хүүхдэд ямар ч ойлголт байдаггүй” гэв.

Үүнд Хууль зүйн байнгын хорооны дарга Д.Ганбат “Ялтай байдал гэдэг нь үргэлжлээд явахаар хүндрэлтэй. Ажилд орох, гадаадад аялахад хүндрэлтэй. Тийм учраас хөнгөлөх ёстой гэж үзсэн. Өршөөлийн хуульд 3000 орчим иргэн хамрагдсан. Дөрвөн жилд нэг удаа гаргаад байсан юм билээ. 2002 онд батлагдсан Эрүүгийн хууль маань ялыг ялгаатай авч үзэх гэдэг утгаараа болохгүй байгаа. тийм учраас Эрүүгийн шинэчилсэн хуулийг батлах шаардлагатай байсан. Процессын хуулийг сайн батлаад өгчихвөл цэгцрээд ирнэ” гэлээ.

Хэлэлцүүлэг үргэлжилж байна.

Г.ДАРЬ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Saagii HRU 2016-04-07 103.11.192.34

Асуудал хуулиндаа биш юм шүү дээ. Хуулийг хэрэглэж байгаа субъектэд их учир байна. Гэхдээ нэг үеээ бодход хууль хэрэглэгч субъектын чадвар, мэргэжлийн хандлага арай ч дээрдээд байгаа нь үнэн. Улс төрчид хуулинд л буруу байгаа юм шиг зүйл яриад байна аа. Яг үнэндээ нийгэм эдийн засгийн тогтолцоог халж, өөрчилж амьдрах аж төрөх бодитой тухтай боложм нөхцлийг бүрдээлхгүй л юм бол хууль гэдэг хар дээр цагаанаар бичигдсэн цаас төдийхөнөөрөө л үлдэнэ. Ард түмэн нь орлогоор хом тэр дундаа хууль хэрэглэгс субъектууд нь ч орлого, ашигийн эх үүсвэр нь муу томоохон төсөл, үйл ажиллагаа буюу эдийн засгийн гол гол сеторууд нь Төр гэсэн хаягтай Ард түмний гэсэн тунхаглалын уриатай "эзэнгүй айл"-ын мэдэлд байхаар эрх чөлөөт, ардчилсан нийгэм буй болу чаддаггүй гэдгийг бид нэгэн зууны 4-ний нэг хугацаанд жил харж ойлголоо шүү дээ. Үүнээс зугтах хэрэггүй юмаа. Эрүүгийн хууль ч мөн адил байгаа байхгүй юу. Дэлхийн нийтлэг жишигээр хаанаас ч байдаг юм энд тэндхийн хуулийг орчуулан хуулбарлаад тавчихаар л гэмт хэргийн гаралт нь буурдаг юм бишээ. Бүдүүлэг жишээн дээр авч үзвэл гэртээ идэх хоолгүй, гараад хийх ажилгүй, ажиллаа ч тэрнийх нь хөлс нь хаанаа ч хүрэхгүй байгаа хүн хүсэвч эс хүсэвч хулгай хийж л таарна. Дээрээс нь бүхий л эрх мэдлийг гартаа атгасан хирнээ ямар ч хяналтгүй төр гэдэг "айлд" Бурхан очиж суугаад ч Буг лугаа адил л авирлана. Иймээс нийгмийн үзэл баримтлал, чиг хандлагын суурь бүтцэд маш том хувьсгал хийж зөв зүйтэй буюу Төр гэдэг айл зөвхөн Хариуцлагатай зохицуулагчийн үүрэг гүйцэтгэх буюу баялаг бүтээгч бизнес эрхэлэгчидтэйгээ "үзэлцээд" байдаггүй тийм л тогтолцоо буй болж чадсан цагт бид хөгжиж чадна.