ШӨХТГ-аас өчигдөр /2021.02.16/  дүүргүүдийн хүнсний дэлгүүрүүд хяналт шалгалт хийхэд, шалгалтад хамрагдсан хүнсний дэлгүүрүүдэд өндөг дууссан байсан талаар бид мэдээлсэн. Тэгвэл өнөөдөр уг асуудлаар ШӨХТГ-ын дарга Б.Бат-Эрдэнэ өндөг нийлүүлэгч Түмэн шувуут, НБЦ компанийн удирдлагуудтай уулзалт хийжээ.

• Шинжилгээний бичиг гэсэн асуудлаас болж, өндөг нийлүүлэлт хийдэг компаниуд хөдөлгөөнд бүрэн оролцож чадаагүй гэсэн тайлбарыг өгчээ. Бүх шинжилгээг эцэслэсэн учраас өнөөдрөөс өндөг нийлүүлэлт хэвийн үргэлжлэх боломжтой болсон.
• Төлөвлөгөөт сүрэг сэлбэлт хийгдэж чадаагүй байгаа.
• Импортыг чадлаараа хийж байгаа боловч хилийн хязгаарлалт нөлөөлсөн хэвээр байна.
• Дэлхий даяар тээвэрлэлтийн үнэ өсч байгаа нь хүнсний бүтээгдэхүүний үнэд нөлөөлж байна.
• ОХУ-д өндөгний үнэ нэмэгдсэнтэй холбогдуулан импортын өндөгний үнэ өссөн.
• ОХУ-аас автомашинаар тээвэрлэгдэж орж ирэх хязгаарлалттай холбоотойгоор галт тэргээр тээвэрлэж байгаа бөгөөд тээвэрлэлтийн үнэ 4 дахин өндөр байна гэсэн шалтгаануудыг өндөг нийлүүлэгчид хэлжээ.

Өнөөдөр худалдаанд 1.300.000 ширхэг өндөг нийлүүлэгдэж байна. Монголчууд жилдээ 300.000.000-350.000.000 ширхэг өндөг иддэг.  Үүнээс дотооддоо 40-45 хувийг нь  хангадаг аж.