Албан тушаалтнуудын хөрөнгө орлого  энэ оны хоёрдугаар улирлаас олон нийтэд ил тод болно гэдгийг Авлигатай тэмцэх газраас мэдээлэв. Албан тушаалтнууд хөрөнгө орлогоо мэдүүлж дууссан тул мэдүүлгийг http://xacxom.iaac.mn/ цахим хуудсанд байршуулах юм.

Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд зааснаар нийтийн албан тушаалтнууд Хувийн ашиг сонирхлын болон хөрөнгө, орлогын мэдүүлгээ жил бүрийн хоёрдугаар сарын 15-ны дотор мэдүүлэх үүрэгтэй. Иймд энэ онд мэдүүлгээ шинэчлэн гаргах 43.6 мянган албан тушаалтан бүгд хөрөнгө орлогоо мэдүүлсэн байна.

Б.ЦЭЦЭГ