Хог хаягдлыг автомат ачих төхөөрөмжөөр тоноглогдсон машинаар ачиж эхэллээ | News.MN - Мэдээллийн эх сурвалж

Хог хаягдлыг автомат ачих төхөөрөмжөөр тоноглогдсон машинаар ачиж эхэллээ

Хуучирсан мэдээ: 2016.04.07-нд нийтлэгдсэн

Хог хаягдлыг автомат ачих төхөөрөмжөөр тоноглогдсон машинаар ачиж эхэллээ

Улаанбаатар хотын хог хаягдлын менежментийг сайжруулах ажлын хүрээнд нийслэлийн дүүргүүдийн хог хаягдлын үйлчилгээний байгууллагуудын 118 хог тээврийн автомашинд автомат ачих төхөөрөмж суурилуулж эхлээд байна. Уг ачих төхөөрөмжид зориулагдсан 450 литрийн багтаамжтай 1650 ширхэг метал хогийн савыг өдөр тутам хог хаягдал үүсдэг орон сууц, гэр хорооллын дундах гудамж талбайд байршуулахаар төлөвлөжээ. Одоогоор ерөнхий боловсролын 119 сургууль, 176 цэцэрлэг, нийслэл, дүүргийн орон нутгийн өмчит байгууллагуудын гадна талбайд байршуулж эхэлсэн бөгөөд дүүргүүдийн хог хаягдлын үйлчилгээний байгууллагууд хогийн савыг хуваарилж, тараах ажлыг хийж байгаа юм байна.

Улаанбаатар хотын Захирагчийн ажлын алба, дүүргүүдийн ЗДТГ, хог хаягдлын үйлчилгээний байгууллагууд хамтран 4 дүгээр сардаа багтаан энэхүү ажлыг жигдрүүлэхээр ажиллаж байна. Хог хаягдлыг зориулалтын ачих төхөөрөмжөөр ачдаг болсноор ил задгай хог хаягдал багасч, ачилтын хугацааг хэмнэх давуу талтай. Өндөр хөгжилтэй улс орнууд салхиар ил задгай хог хаягдал тарж хийсэхээс хамгаалж богино хугацаанд ачих төхөөрөмжийг сонгодог аж. Цаашид  аж ахуйн нэгж, байгууллагуудыг хогоо хийх зориулалтын хогийн савтай болох шаардлагыг тавина. Ингэснээр байгууллагуудын гадна орчин цэвэр цэмцгэр болж, хог хаягдлаа богино хугацаанд түргэн шуурхай ачуулах боломж бүрдэх юм гэж Улаанбаатар хотын Захирагчийн ажлын албанаас мэдээллээ.

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-04-07 180.235.176.162

Хувийн дэлгүүрүүд гаднаа хогоо овоолоод эсвэл байрны хогийн савны гадаа овоолоод байна. Тэрийг болилах сайн арга байна даа наадах чинь.

Зочин 2016-04-07 180.235.176.162

Хувийн дэлгүүрүүд гаднаа хогоо овоолоод эсвэл байрны хогийн савны гадаа овоолоод байна. Тэрийг болилах сайн арга байна даа наадах чинь.

Зочин 2016-04-07 150.129.141.172

Sain ajil baina. Irged hogoo savand ni hiij gaduur ni hayahgui l baigaasaa.