Сонгинохайрхан дүүргийн нутаг дэвсгэрт 94000 өрхийг хамруулах “Нэг хаалга-Нэг шинжилгээ” арга хэмжээ өнөөдөр дуусч байна. Нэгдсэн арга хэмжээний хүрээнд өчигдрийн байдлаар 70000 иргэн шинжилгээнд хамрагдлаа. Өнөөдөр Covid-19-ийн илрүүлэг шинжилгээний байнгын 18, явуулын 50 цэг Баянхошуу бүсийн 16 хорооны 24000 өрхийг шинжилгээнд хамруулахаар ажиллаж буй юм.

Шинжилгээний сорьцыг 09.00-13.00, 14.00-17.00 цагийн хооронд цуглуулна. Сонгинохайрхан дүүргийн 54000 өрхөөс 2021 оны хоёрдугаар сарын 14-нөөс 16-ны хооронд “Нэг хаалга-Нэг шинжилгээ” авахад төвийн таван дүүрэг болох Баянзүрх, Хан-Уул, Сүхбаатар, Баянгол, Чингэлтэй дүүргийн Эрүүл мэндийн төвийн эмч, сувилагч нар болон Автобус баазын 50 явуулын баг ирж, бидэнд туслалцаа үзүүлж байгаад гүнээ талархал илэрхийлье.