Улаанбаатар хотод тогтоогоод буй бүх нийтийн бэлэн байдал энэ сарын 23-нд дуусч, Covid-19-ийн вакцинжуулалтын ажлыг эхлүүлэхээр болсон. Вакциныг энэ долоо хоногийн сүүлээр татаж авна гэж Улсын онцгой комиссын хэвлэлийн төлөөлөгч Ц.Ганзориг мэдэгдлээ.

"Ковакс" хөтөлбөрийн хүрээнд авах вакциныг ойрын хугацаанд оруулж ирэхээр ажиллаж буй бөгөөд хуваарь гармагц нийтэд зарлах юм байна.

Тэрбээр "Вакцин тээвэрлэх, хадгалах тоног төхөөрөмжийн бэлтгэлийг 100 хувь хангасан" гэж мэдэгдлээ. Дөрвөн төрлийн вакцин оруулж ирэхээр төлөвлөж, 150 орчим эмчид иргэдийг вакцинжуулах сургалт явуулжээ.

Р.ДУЛАМ