Шинжилгээний хариуг гар утсандаа хадгалж, гэр бүл болохоо батална | News.MN

Шинжилгээний хариуг гар утсандаа хадгалж, гэр бүл болохоо батална

COVID-19

Шинжилгээний хариуг гар утсандаа хадгалж, гэр бүл болохоо батална

Шинжилгээний хариуг гар утсандаа хадгалж, гэр бүл болохоо батална

Нийслэлд хатуу хөл хорио тогтоож, өрх бүрээс шинжилгээ авч эхлээд тав хонож байна. PCR шинжилгээний хариу 72 цаг хүчинтэй эсэх,  “Нэг хаалга-Нэг шинжилгээ”-ний хариуг гэр бүлийн бусад гишүүд ашиглаж, хөдөлгөөнд оролцож болох үгүйг албаны хүмүүсээс тодрууллаа.


ТАВАН ДҮҮРГИЙН ШИНЖИЛГЭЭНИЙ БАГ НЭГДЭН ТУХАЙН ДҮҮРЭГТ АЖИЛЛАНА

Нийслэлийн Эрүүл мэндийн газрын орлогч дарга Л.Зэндмаа мэдээлэл өгөхдөө “Хэрвээ танай гэр бүлийн нэг гишүүн хоёрдугаар сарын 11-нээс хойш “Нэг хаалга-Нэг шинжилгээ” өгсөн бол тухайн хүний шинжилгээний хариуны зургийг гар утсаараа авна.

Мөн  зайлшгүй ажиллах шаардлагатай 14 байгууллагад тухайн гэр бүлийн гишүүдээс ажилладаг бол иргэний үнэмлэхээ үзүүлж, нэг хаяг буюу нэг өрхийн хүмүүс гэдгээ нотлоход болно. Дээр нь 14 салбарын зайлшгүй ажиллах ёстой,  байгууллагынхаа 15 хувийн квотдоо орсон тодорхойлолтой давхар үзүүлнэ.  Зөвхөн ажилдаа ирж, очих зорилгоор явна. Өөр сул хөдөлгөөн  хийх буюу хаа хамаагүй явахгүй.

Нийслэлийн Эрүүл мэндийн газраас үүрэг чиглэл өгч, “Нэг хаалга-Нэг шинжилгээ”-ний үйл ажиллагааг дүүргийн Онцгой комисс, Эрүүл мэндийн төвтэй хамтран зохион байгуулж байна. Улсын нэгдүгээр төв эмнэлэг, Улсын хоёрдугаар төв эмнэлэг, ХӨСҮТ, ЗӨСҮТ, НЭМҮТ, нийслэлийн таван дүүргийн нэгдсэн эмнэлэгт байрлах лаборатори ажиллаж байна. Төрийн албан хаагчдыг хоёрдугаар сарын 8-наас 10-ны өдрүүдэд шинжилгээнд хамруулсан бол хоёрдугаар сарын 11-нээс 13-нд бүх дүүрэг зэрэг эхлэж, 100 мянган иргэнээс шинжилгээ авлаа. Сонгинохайрхан дүүрэг дээр энэ сарын 14, 15, 16-нд шинжилгээ авч байгаа бол хоёрдугаар сарын 17-нд Баянгол дүүргийн иргэдийг шинжилгээнд хамруулна. Энэ үед бусад таван дүүргийн шинжилгээний баг нэгдэн тухайн дүүрэгт ажиллана” гэсэн юм.

"PCR ШИНЖИЛГЭЭ ӨГСӨН ХҮМҮҮС ХӨЛ ХОРИО ДУУСТАЛ ДАХИН ШИНЖИЛГЭЭ ӨГӨХГҮЙ"

Засгийн газрын Хэвлэл мэдээлэл, Олон нийттэй харилцах албаны дарга Ц.Ганзориг "Ойлголтын зөрүү гаргасанд уучлал хүсье. ХӨСҮТ өмнө нь вирусийн нууц үеийн хугацааг тооцоолоод, PCR шинжилгээг 72 цаг хүчинтэй гэж тооцож байсан тухайгаа А.Амбасэлмаа доктор ярьсан. Үүнийг хөл хорионы үед хэрэгжүүлэх Улсын Онцгой комиссын шийдвэр мэт  ойлголтын зөрүү үүссэн.

Хоёрдугаар сарын 8-наас 10-нд төрийн 808 байгууллагын 62646 хүнээс PCR шинжилгээ авсан. Хоёрдугаар сарын 11-нээс хойш PCR шинжилгээ өгсөн хүмүүс хөл хорио дуустал дахин шинжилгээ өгөх шаардлагагүй" гэв.

"ГЭР БҮЛИЙН НЭГ ГИШҮҮН ШИНЖИЛГЭЭНД ХАМРАГДСАН БОЛ ЗАМЫН ХӨДӨЛГӨӨНД ОРОЛЦОНО"

Нийслэлийн онцгой комиссоос өчигдөр Тээврийн цагдаагийн албанд чиглэл хүргүүлсэн. Тодруулбал, зөвшөөрөгдсөн 14 салбарын ажилтан, албан хаагчид тогтоосон цагийн хуваарийн дагуу ажилдаа зорчихдоо иргэний болон ажлын үнэмлэх, Covid-19 илрүүлэх шинжилгээний хариуг биедээ заавал авч явах, шинжилгээнд хамрагдаагүй албан хаагчийг ажилдаа явахыг хориглоно гэж заасан байсан.

Тус комиссоос 2021 оны хоёрдугаар сарын 8-ны өдрөөс хойш шинжилгээ өгсөн, аль эсвэл "Нэг хаалга-Нэг шинжилгээ"-ний хүрээнд гэр бүлийн нэг гишүүн шинжилгээнд хамрагдсан бол тухайн шинжилгээний хариу, иргэний үнэмлэхийг үндэслэн замын хөдөлгөөнд оролцуулах чиглэл өгсөн байна.

Энэ мэдээнд өгөх таны сэтгэгдэл?
6
ТэнэглэлТэнэглэл
2
БурууБуруу
1
ХахаХаха
1
ХөөрхөнХөөрхөн
0
ЗөвЗөв
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-02-16 202.21.108.52

Одоо эрүүл хүмүүс ХӨСҮТ эд баригдаж "эмчлүүлэх" айдастай болж эхэллээ. Ковид мөнгө угаах хэрэгсэл болсон байна. Цоо эрүүл хүмүүсд өвчний халдвартай гэж хуурамч онош тавьж эмнэлэгт хэвтүүлж мөнгө хийдэг хар бизнес явагдаж байгаа нь илт болж эхэллээ. Эрүүл иргэдийг халдвартай хүнтэй хамт хэвтүүлж халдвараа зориуд халдварлуулдаг ч байж болзошгүй онц ноцтой үйлдлүүд илрээд байгааг ЭЦГ, ТЕГ аас тусгай баг гаргаж ард иргэдэд тайлангаа тавих ёстой.

Avatar

Зочин 2021-02-16 66.181.161.29

Заваан автобусанд заваарсныгаа эрүүл ахуй халдваргүй нөхцөлд шинжилгээ авсан гэж хуцаад байх юмаа

Avatar

Зочин 2021-02-16 192.82.68.150

Шинжилгээний хариу 24-72 цагт гарна гэнээ

Avatar

Зочин 2021-02-16 122.201.24.144

За сүүлдээ бүр өөр ажиллагаа явагдаад эхэллээ QR хувийн мэдээлэл гээд баахан нугалаа хийж байгаа өвчин халдварын эсрэг хийж байгаа ажил биш болоод явлаа гэж

Avatar

Зочин 2021-02-16 124.158.85.115

гадуур хөл хөдөлгөөн эрс нэмэгдээд байна ийм хатуу хорио гэж байдаг юм уу?

Avatar

Зочин 2021-02-16 139.5.216.101

Нэг гэр бүл гэдгээ яаж нотлох уу??? Гэрлэлтийн гэрчилгээ машиндаа авч явах уу? Хамтран амьдарч байгаа бол зургийн цомог утас дээрх зураг, чат-аа шалгуулах уу кккк хөгжилтэй юм бэ

Avatar

Зочин 2021-02-16 66.181.178.27

Малнуудаа та нар ямар ч зохион байгуулалтгүй яаж ажил хийнэ.

Avatar

Зочин 2021-02-16 202.126.89.221

Гэр бүлийн гишүүн гэдгээ яаж нотлох вэ? Цусны бүлэг энэ тэрийг шинжлүүлж авч явах уу? Баахан цаас үйлдвэрлэх хэрэгтэй юм бна даа!!

Avatar

Зочин 2021-02-16 202.126.89.221

Зургийн алвбомоо машиндаа авч явбал нотолгоо болох уу? ккк Мөн ч ойлгомжгүй шийдвэрүүд минут минутаар гарах юмаа!!!

Avatar

Зочин 2021-02-16 202.21.109.76

ямар олон толгой вэ

Avatar

Иргэн 2021-02-16 49.0.142.239

Нэг гэр бүл хамт амьдардаг гэдгээ нотлоно гэхээр эхнэр нөхөр хүүхдийнхээ иргэний үнэмлэх, төрсний гэрчилгээ, гэрлэлтийн гэрчилгээ, болохгүй бол ипотекийн зээлийн гэрээгээ барьж явах нь гэж ойлгогдохоор байна даа.

Avatar

Зочин 2021-02-16 66.181.185.43

Нэгдсэн нэг шийдвэрээ зөвлөлдөж, үндэслэлтэй, зөв гаргачихаад нийтээр мөрдүүлэхэд яагаад болдоггүй юм бэ?! Төр, түмний ажлыг яаж ингэж хийдэг байна аа. Нэг тушаал, шийдвэр, албан бичиг нийтэд танилцуулахад утгын, ядахдаа үг, үсгийн алдаагүй байна гэж үгүй. Мэдээж, энэ бүх л бичиг баримт архивлагдана. Дараа үеийн хүмүүс үзнэ. Яана даа. Юу ч гэхэв дээ. Яалтай ч билээ дээ…

Avatar

dgm 2021-02-16 192.82.64.147

хөл хорионы дундуур дахиж өөчрилдөг тэнэг вэ, энэ цагдаа а**а даа, их хааны нэртэй их мулгуу хүн юм

Avatar

Сок 2021-02-16 202.126.90.137

Тайван байгаарай

Avatar

1 2021-02-16 124.158.119.35

Малнууд

Avatar

асуулт 2021-02-16 202.21.109.86

Манай гэр бүлийн гишүүн шинжилгээнд хамрагдсан бол би хариуг нь утсан дээрээ хадгалаад машинаа унаад явж болно гэсэн үг үү? Ёстой ямар ч ойлгомжгүй, олон салаа утгатай, бие биенээ үгүйсгэсэн шийдвэр гаргах юм аа, яана даа үхэр монголчууд…

Avatar

Шийдвэрүүд нь хоорондоо огт нийцэхгүйё юм 2021-02-16 202.9.47.113

Үүгээр бол 02 сарын 15-ны Чингис даргын өгсөн чиглэлээр бол дээр дурдсан 14 салбарын албан хаагчид зорчихдоо ажлын үнэмлэх, иргэний үнэмлэх, шинжилгээний хариутай бол асуудалгүй замын хөдөлгөөнд оролцож болн гэжээ. Гэтэл энэ Даргаасаа илүү эрх мэдэлтэй Эрүүл мэднийн газрын орлгоч дарга гэсэн байхаа Зэндмаа нь энд хэлснээр бол эдгээр дээр нэмээд хүмүүсээс ажлын газрын тодорхойлолт гэнэ үү нэг цаас нэхэх юм байна. Энэ ер нь ямар ч замбараа зохион байгуулалт алга. Дан ттөрөгдөөл.

NewsMN Гар утасны хувилбар Татах
NEWS.mn

Мэдээллийн эх сурвалж