Төр иргэдээ вакцинжуулахад бэлэн үү? | News.MN

Төр иргэдээ вакцинжуулахад бэлэн үү?

Төр иргэдээ вакцинжуулахад бэлэн үү?

Төр иргэдээ вакцинжуулахад бэлэн үү?

Иргэдээ даруй Covid-19-ийн эсрэг вакцинд хамруулж, халдварын тархалтыг зогсоож, нийгэм, эдийн засгаа хэвийн горимд шилжүүлэх нь шинэ Засгийн газрын зорилт. Ерөнхий сайд Л.Оюун-Эрдэнэ бүх нийтийн өндөржүүлсэн бэлэн байдал энэ сарын 23-нд дуусахад бүх салбарын бизнесийн байгууллагын үйл ажиллагааг нээж, вакцинжуулалт эхэлнэ гэдгийг мэдэгдсэн.

Түүний хэлснээр бол хэдхэн хоногийн дараа Covid-19-ийн эсрэг вакциныг хийгээд эхлэх нь. Гэвч вакцин чухам хэзээ орж ирэх нь, нарийн арчилгаа шаардах вакциныг тээвэрлэх дэд бүтэц хангагдсан эсэх, нэгэнт оруулаад ирсэн вакциныг хадгалах байр нь хангалттай байгаа эсэх нь ч өнөөдөр тодорхойгүй байна. Ерөнхийдөө яаралтай вакцинжуулж эхэлнэ гэж байгаа ч ямар нэг төлөвлөгөөгүй, энэ талаар иргэддээ өгөх тодорхой мэдээлэлгүй байгаа юм.

Уг нь Covid-19 халдварт цар тахлын эсрэг вакцин импортлох ажлыг зохион байгуулах үүрэгтэй ажлын хэсгийн бүрэлдэхүүн шинэчлэгдэж, Монгол Улсын Шадар сайд С.Амарсайхан ажлын хэсгийг ахлан ажиллаж байгаа.  Гэвч үндсэн ажлынхаа талаарх мэдээлэл нь хаалттай байгаад иргэд ч шүүмлжлэлтэй хандаж байгаа юм.

Хамгийн сүүлд гэхэд өчигдөр Засгийн газар хуралдаж,  эхний ээлжийн вакциныг хадгалах, тээвэрлэх зориулалтын тоног төхөөрөмж бэлэн болоод байна. Эрсдэлтэй нөхцөлд ажиллаж байгаа эрүүл мэндийн болон төрийн тусгай алба хаагчид, архаг суурь өвчтэй, өндөр настнуудыг эхэлж вакцинд хамруулахаа мэдэгджээ. Гэхдээ цаашид хэрхэх, ямар хэмжээгээр вакцин авах, иргэд сайн дураараа вакцинд хамрагдах уу эсвэл бүх нийтээр нь вакцинжуулах уу гээд олон асуултууд хариултгүй үлдэж байна. Засгийн газар энэ талаар тодорхой шийдлүүдийг ч судалж байгаа гэдгээс өөр тайлбар өгсөнгүй.

ДЭЛХИЙН БАНК ВАКЦИНД ЗОРИУЛАН 50.7 САЯ ДОЛЛАРЫН САНХҮҮЖИЛТИЙГ БАТЛАВ

Вакциныг тээвэрлэж авчрахад тусгай нөхцөл шаардана. Ингэхдээ хүйтэн хэлхээний горимын дагуу -70 градуст тээвэрлэх стандарттай. Гэтэл манайд одоогоор тийм тоног төхөөрөмж байхгүй тул бүхнийг эхнээс нь бэлдэх шаардлага тулгарч байгаа юм. Үүнд чамгүй хөрөнгө шаардах аж.

Тухайлбал, Монгол Улс Covid-19-ийн эсрэг вакциныг харьцангуй хямд үнээр авч, иргэддээ хүртээмжтэй нийлүүлэх зорилтыг дэмжин, Дэлхийн банк 50.7 сая ам.долларын санхүүжилтийг энэ сарын 12-нд баталсан.

Хүн амынхаа 60-аас доошгүй хувийг вакцинд хамруулах Монгол Улсын Засгийн газрын бодлого төлөвлөгөөг дэмжин, covid-19-ийн эсрэг вакциныг худалдан авах, иргэдийг хамруулах үйл ажиллагааг дэмжих зорилгоор дээрх санхүүжилтийг олгож буй юм. Дэлхийн банкны мэдэгдэлд тусгаснаар Монгол Улсад дархлаажуулалт хийх үндэсний нөөц, чадавхыг нэн яаралтай өргөжүүлэх шаардлага үүсч байгаа тул хүйтэн хэлхээ, вакцины тээвэрлэлт, логистикийн шийдлийг сайжруулах, үндэсний болон орон нутгийн түвшинд дархлаажуулалтын төлөвлөгөөг оновчтой боловсруулах, олон нийтийн мэдээллийн кампанит ажлыг зохион байгуулах, ажилтнуудыг сургах зэрэг вакциныг хүргэх ажлыг үр дүнтэй зохион байгуулахад цогц дэмжлэг үзүүлнэ гэж дурджээ.

"Монгол Улсад Covid-19-өөс урьдчилан сэргийлэх, хариу арга хэмжээ авах, бэлэн байдлыг хангах төсөл"-ийн нэмэлт санхүүжилтэд дурдсанаар вакцин худалдан авахад 19 сая, хүйтэн хэлхээний тоног төхөөрөмжийн шинэчлэлтэд 13 сая, эмч, эмнэлгийн мэргэжилтнүүдийг бэлтгэх, нэгдсэн сургалт, мэдээлэл олгох үйл ажиллагаанд долоон сая, вакцин хадгалах хөргүүр, нэгдсэн төвийн өргөтгөл, дэд бүтцийг өргөжүүлэх, бэхжүүлэх арга хэмжээнд 1.5 сая ам.доллар зарцуулахаар төлөвлөжээ.

Энэтхэг улс дотооддоо үйлдвэрлэсэн Covid-19-ийн эсрэг вакцинаас эхний ээлжид 150 мянган тунг Монгол Улсад нийлүүлэх боломжтой гэдгээ мэдэгдсэн. Гэхдээ “Covaxin” вакцины судалгаа клиник туршилтын гуравдугаар үе шатад үргэлжилж байгаа бөгөөд ирэх гуравдугаар сард судалгааны завсрын үр дүнгээ танилцуулах хүлээлттэй байгаа юм.

Мөн дээрх төлөвлөгөөнөөс харахад эхний ээлжид -70 градуст хадгалах “Pfizer” вакциныг нийлүүлбэл Монгол Улс 1,8 сая /нэг сая 847 мянган/ тун, -20 градуст хадгалах “Moderna” вакцин нийлүүлэхэд 2,3 сая /хоёр сая 358 мянган / тун, “AstraZeneca” вакцин нийлүүлэхэд 2,5 сая /хоёр сая 516 мянган/ тунг хүлээн авах боломжтой гэж үзэж байгаа аж.

Мөн вакцины дэд бүтцийн үнэлгээгээр Монгол Улсад байдаг вакцин хадгалах хөргөгчнүүдийн хэд нь ажилладаг, хэдийг нь шинэчлэх шаардлагатай, ХӨСҮТ болон Био-комбинатын вакцины том агуулахуудад хэдэн тун вакцин хадгалах боломжтой зэрэг бүх тооцоог судалгааг ажлын хэсэг гаргаад, дүгнэлт хийж байгаа аж.

АХМАД НАСТАНД ВАКЦИН ХИЙЖ БОЛОХГҮЙ

ДЭМБ нь яаралтайгаар ашиглах зөвшөөрөл олгосон “Pfizer” хэмээх Covid-19-ийн эсрэг вакциныг хүнд хэлбэрийн харшилтай хүн, жирэмсэн эмэгтэй, 16-аас доош насны хүүхдүүдийг тариулахгүй байхыг зөвлөсөн. Харин хөхүүл эмэгтэй вакцинд хамрагдаж болох ч дараа нь хүүхдээ хөхөөрөө хооллож болохгүй юм. “Moderna”  вакциныг архаг, хууч өвчин нь хүндэрсэн ахмад настан болон  18-аас доош насны хүүхдэд тарьж болохгүй гэж зөвлөжээ. Мөн “AstraZeneca” вакцинд 65-аас дээш наснынхныг хамруулахыг хориглоод байна.

Монгол Улс Дархлаажуулалтын хуульдаа ДЭМБ-д бүртгэгдсэн болон хатуу эмийн зохицуулалттай улсуудад бүртгэгдсэн эм, вакциныг худалдан авч, хүн амаа дархлаажуулахаар заасан байдаг.

Вакциныг голомтод ажиллаж байгаа албан хаагчдад эхний ээлжинд хийх юм. Дараа нь ахмад настнууд, суурь өвчтэй хүмүүст хийнэ. Эхний ээлжид вакцинжуулах 10 мянган хүнийг нэр, хаягаар нь цаашид вакцинжуулах 300 мянган хүнийг салбар, байршил гээд бүх мэдээллээр нь тодорхой чиглэл гаргахаар ажиллаж байгаа юм.

ВАКЦИНЫГ ҮНДЭСНИЙ БҮРТГЭЛД БҮРТГЭСНИЙ ДАРАА ХУВИЙН ХЭВШЛҮҮД ОРУУЛЖ ИРЖ БОЛНО

Иргэдийг вакцинд хамруулж, халдварын тархалтаас сэргийлэх нь чухал асуудал болоод байгаа энэ үед хувийн хэвшлүүд ч уг ажилд идэхтэй оролцож байгаа. Тухайлбал, Худалдаа хөгжлийн банкны гүйцэтгэх захирал О.Орхон шинэ жилийн мэндчилгээндээ банкныхаа 200 мянган харилцагчийг covi-19-ийн эсрэг Astrazeneca, Спутник вакцинд үнэ төлбөргүй хамруулахаа албан ёсоор зарласан. Энэ мэдээлэл сайхан сонсогдож байгаа ч Монгол Улс вакциныг ямар журмаар, хэрхэн тээвэрлэж ирэх нь одоогоор тодорхойгүй байгаа юм.

Тодруулбал, Монгол Улс нь авилаа шинэ вакциныг бүртгэхдээ түргэвчилсэн түр журмын талаарх хууль баталдаг. Үүний дараа тодорхой стандарт, шаардлагыг хангасан, ДЭМБ болон хатуу зохицуулалттай орнуудад хүлээн зөвшөөрөгдсөн вакциныг үндэсний бүртгэлд бүртгэсний дараа хувийн хэвшлийн компани өөрийн шугамаар вакциныг оруулж ирэх эрх нь нээгдэх юм.

Р.ДУЛАМ

Энэ мэдээнд өгөх таны сэтгэгдэл?
5
ЗөвЗөв
2
ТэнэглэлТэнэглэл
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-02-15 124.44.59.30

Орос, хятадын вакциныг арай оруулж ирж ард иргэдэд тарих юм биш байгаа даа, ээ бурхан минь, яана аа??????

Avatar

Зочин 2021-02-15 103.212.118.166

Вакцины анхны тунг хийлгэсний дараа хоёрдахийг аль тааралдсан вакциныг хийлгэж болох юм уу Вакцинууд өөр өөр найрлагатай , өөр өөр үйлчлэлтэй юм шиг байна Тиймээс вакцины хоёр тунг нэг нэрийн вакцинаар хийлгэвэл хор нөлөөгүй байхгүй болов уу .
Энэ талаар ЭМЯ судалгаа хийж дүгнэлтээ гаргаад олон нийтэд мэдээлэл өгөх хэрэгтэй байна.

Avatar

Зочин 2021-02-15 66.181.161.89

Одоохондоо альч улсад бусдад зарчих илүүдээ гарсан вакцин байхгүй.. Тийм болхоор бурхандаа залбираад л хүлээхээс өөр арга үгүй !

Avatar

Gan 2021-02-15 66.181.186.63

Mongol huniihee bie orgonizim darhlaag sudlaagui angaah uhaan.Mongol hunii oyun uhaan chadvariig medehgui tur, uuriinhuu chadvariig medehgui irgen busdiig dagan yaj suirdegiig bid haruulj baih shi bna Ternees bish enw virusees mongolchuud aigaad baih shaltgaan baihgui . hairan stag hugastaa Tuilshirhaa bolii

Avatar

Зочин 2021-02-15 66.181.161.112

Hatuu zohitsuulalt oron gj yugaa yariad USA bolon nub horig tavisan ulsuudaa heleed bgmu nadah chin zugeer gadnii emiin naimaa bolchloo yamar ch batalgaagui unetei vactsin oruulj ireh ged bgaa malnuudaa orosoos une hymd chanart vactsin burtgeed oruulaach baruunii gar hulnuud uursdiinhuu ezdiin daalgavraar shahaanii vactsinaa oruulj ireh gj bna

Avatar

Зочин 2021-02-15 66.181.161.14

Ихэнх ньхийлгэхгүй бол яах уу..кк

Avatar

Зочин 2021-02-15 139.5.219.116

Вирусны халдвар л авна даа

Avatar

Зочин 2021-02-15 122.201.21.220

MCS ыг АНУ аас Moderna vaccine тодорхой тоогоор оруулж ирж төлбртэй хийгээч гэж гуйж бна анхааралдаа авна уу. Манай ЗГ хамгийн сайн вакциныг оруулж ирэх сонголтыг хийж чадахгүй хугацаа алдах гээд бна.

Avatar

зочин 2021-02-15 202.179.24.204

Оросын вакцин таарах юм байнаа

Avatar

Зочин 2021-02-15 122.201.31.171

ОДОО ХУВИЙН ХЭВШИЛ ОРУУЛЖ ИРНЭ ГЭЭД ӨӨРСДИЙН КОМПАНИАР ДАМЖУУЛЖ ИДЭХ ГЭЖ БАЙНА. УЛСЫН ЭМ ЭМИЙН ХЭРЭГСЭЛ ХУДАЛДАН АВАЛТЫН АЛБА ЯАРАЛТАЙ БАЙГУУЛААД ХАТУУ ХЯНАЛТ ДООР ХУДАЛДАН АВАХ ХЭРЭГТЭЙ.

Avatar

Зочин 2021-02-15 64.119.17.21

Спутник V вакцин л хамгийн найдвартай нь. Бас ахмад настнуудад тарьж болно. Тэгээд ч бараг vнэгvй.

Avatar

Зочин 2021-02-15 202.126.94.99

Спутник 5 шуу. Найдвартай тэгээд ч хямд! Монголчууд оросын вакцинаар евчнеес салж ирсэн.

Avatar

иргэн 2021-02-15 202.179.26.190

манай Улс төрчидөд Итгэхэд маш хэцүү
Төсөвлөсөн мөнгөнөөс нь цавчаа хийж хамгийн хямд чанарын шаардлага хангахгүй Вөкцин оруулж ирж Иргэдийнхээ Амь насанд Аюул учруулах юм хийчихээд тас нуугаад байж мэдэх л Нөхдүүд

Avatar

Зочин 2021-02-15 202.55.188.97

Harin tiim uchraas manai ger bul vaccine hiilgehgui, hojmiin ur dagavar ni mash ih ersdeltei shuu

Avatar

Саран 2021-02-15 103.212.119.112

МОНГОЛ ХҮНИЙ БИЕД АСТРА ЗЕНЕКА, СПУТНИК гэх 2 төрлийн ВАКЦИН ТААРНА ГЭЖ СУДЛААЧИД ҮЗЭЖ БАЙГАА, ТЭДГЭЭРИЙГ Л ОРУУЛЖ ИРЭЭЧЭЭ, ЭНЭТХЭГИЙН ВАКЦИН НЬ АСТРА ЗЕНЕКАГИЙНХ ШҮҮ ДЭЭ, ТЭНД ҮЙЛДВЭРЛЭХ ЭРХ АВСАН, ЭНЭТХЭГ БАС ОРОСЫН ВАКЦИНЫГ ҮЙЛДВЭРЛЭЭД ЭХЭЛСЭН, ӨМНӨД СОЛОНГОСТ БАС ОРОСЫН ВАКЦИНЫГ ҮЙЛДВЭРЛЭЖ БАЙНА.

Avatar

zochin 2021-02-15 202.126.89.119

65-s deesh nasni ahmaduudad vaczin hiihgui.
65-s deesh nasni ahmaduudad vaczin hiine
OILGOHGUI NEE

Avatar

sdf 2021-02-15 202.21.108.175

zarim n taarna zarim n taarahgui gj baina oilgood yadaad bx yum alga

Avatar

Зочин 2021-02-15 202.21.108.22

Хүчтэй ААН үүд өөрсдийн ажилтан, харилцагчдад ХХБ шиг Спутник вакциныг оруулж ирэн хийлгэхгүй бол эрх баригч МАН иргэдэд болсон болоогүй, асуудал араасаа дагуулсаар байгаа вакцинууд хийх шинжтэй боллоо. Томоохон ААН үүд үнэт баялга боловсон хүчингээ өөрсдөө л хамгаалахгүй бол гадны барьцаанд орсон ЗГ иргэдийг хайрлахгүй нь тодорхой болов.

NewsMN Гар утасны хувилбар Татах
NEWS.mn

Мэдээллийн эх сурвалж