Малын эмэнд ч хяналт хэрэгтэй гэв | News.MN - Мэдээллийн эх сурвалж

Малын эмэнд ч хяналт хэрэгтэй гэв

Хуучирсан мэдээ: 2016.04.06-нд нийтлэгдсэн

Малын эмэнд ч хяналт хэрэгтэй гэв

Таван хошуу малд эмийг хяналтгүй хэрэглэснээр ямар сөрөг үр дагавар гарах вэ гэдэгт хариулт болохуйц нэгэн сургалт өнөөдөр /2016.04.06/ МХЕГ-т болжээ. Тус газрын Хүнс, хөдөө аж ахуйн хяналтын газраас зохион байгуулсан уг сургалтаар “Малын эмийн зохистой хэрэглээ”сэдвээр НМХГ-ын мал эмнэлгийн хяналтын улсын /ахлах/ байцаагчид номын дуу сонссон байна.

Малын эмийг хяналтгүй хэрэглэснээс үүдэн эмийн идэвхт үйлчлэлт бодис, түүний метаболитууд биеэс бүрэн гадагшлаагүй байхад хүнсний хэрэгцээнд нийлүүлбэл, хүний эрүүл мэндэд сөрөг нөлөө үзүүлж болзошгүй байдгийг онцлов. Тиймээс мал, амьтны биед үлдсэн эмийн үлдэгдэл нь хүнсний бүтээгдэхүүнээр дамжин хүний эрүүл мэндэд хохирол учруулах эрсдэлээс урьдчилан сэргийлэх, эмийг зохистой хэрэглэхэд сургалтын агуулга чиглэжээ. Малын эмийн зохистой хэрэглээ, эмийн үлдэгдэл болон шинжилгээний арга зүйн талаар ХААИС-ийн багш, энэ салбарын бусад байгууллагуудын эрдэмтэн, докторууд мэдлэгээсээ хуваалцаж, сургалтад оролцогчидтой санал бодлоо солилцон цаашид авах арга хэмжээний талаар санал боловсруулна гэж МХЕГ-ын Гадаад харилцаа, олон нийттэй харилцах хэлтсээс мэдээллээ.

А.АЯЛГУУ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-04-06 103.57.93.48

ЗӨВ ШҮҮ

Зочин 2016-04-06 103.9.89.210

ТА ХЭН НЭГНИЙ ТӨЛӨӨ БИШ ӨӨРИЙНХӨӨ ТӨЛӨӨ ЗААВАЛ ГУТЛЫН ЖАГСААЛД ОРОЛЦООРОЙ ТАНЫГ ӨМНӨӨС ТАНЫ ГУТАЛ ҮЗЭЛ БОДЛЫГ ИЛЭРХИЙЛНЭ

Зочин 2016-04-06 103.9.89.210

ТА ХЭН НЭГНИЙ ТӨЛӨӨ БИШ ӨӨРИЙНХӨӨ ТӨЛӨӨ ЗААВАЛ ГУТЛЫН ЖАГСААЛД ОРОЛЦООРОЙ ТАНЫГ ӨМНӨӨС ТАНЫ ГУТАЛ ҮЗЭЛ БОДЛЫГ ИЛЭРХИЙЛНЭ

Зочин 2016-04-06 202.21.106.153

малын эмийг иргэд өргөнөөр хэрэглэсэн факт хуучраагүй л байна шүү