Франц улсын эрүүл мэндийн байгууллага өмнө нь Сovid-19-ийн халдвар авч байсан хүмүүст нэг тун вакцин хийх хангалттай гэсэн зөвлөмж гаргасан байна. Энгийн хүнд хоёр тун вакцин хийж байж Сovid-19-ийн эсрэг дархлаа бүрэн тогтоно гэж үзэж байгаа ба халдвар авсан хүмүүст тодорхой хэмжээний дархлаа үүсч байгаа учир нэг тун вакцин хангалттай гэж тус улсын мэргэжилтнүүд үзжээ.

Ингэхдээ халдвар аваад эдгэрснээс хойш 3-6 сарын дараа вакцин хийх нь тохиромжтой гэж үзсэн аж.

Франц улс нь халдвар аваад эдгэрсэн хүмүүст вакциныг хэрхэн хийх талаар зөвлөмж гаргасан анхны улс болж байгаа бөгөөд дээрх зөвлөмжийг дөрвөн өөр төрлийн судалгаанд үндэслэн гаргажээ.

Тус улс нь Сovid-19-ийн халдвар авсан хүмүүсийн тоогоор дэлхийд долдугаарт бичигдэж байгаа ч вакцинжуулалтын үзүүлэлтээр ижил түвшиний улсуудаас хол хоцроод байна. Өнгөрсөн оны арванхоёрдугаар сард хүн амаа вакцинжуулж эхэлсэн Франц улс өдгөө 2,8 сая хүнээ вакцинжуулжээ.

Эх сурвалж: FRANCE24