УОК: 14 байгууллагын ажилчид хувийнхаа автомашинаар зорчино | News.MN

УОК: 14 байгууллагын ажилчид хувийнхаа автомашинаар зорчино

УОК: 14 байгууллагын ажилчид хувийнхаа автомашинаар зорчино

УОК: 14 байгууллагын ажилчид хувийнхаа автомашинаар зорчино

Гамшгаас хамгаалах бүх нийтийн бэлэн байдлын зэрэгт өчигдөр (2021.02.11) 06.00 цагаас эхлэн 12 хоногийн хугацаанд шилжин ажиллаж буй. Энэ хугацаанд иргэд зорчигчдын хөдөлгөөнийг 90 хүртэл хувь хязгаарлаж, цар тахлын тархалтын голомтыг хумих, халдвар тээгчийн ойрын болон дам хавьтлыг олж тусгаарлан эмчлэх зорилгоор “Нэг хаалга-Нэг шинжилгээ” нэгдсэн арга хэмжээ зохион байгуулж, эхний ээлжинд голомтот бүсийн өрх бүрээс нэг хүнийг шинжилгээнд хамруулж байгаа билээ. Өчигдрийн 15.00 цагийн байдлаар 40 мянган иргэн шинжилгээнд хамрагджээ.

БИЧИГ БАРИМТ БҮРДҮҮЛЭЛТ ДУТУУ, ЭМНЭЛЭГТ ҮЗҮҮЛЭХ НЭРИЙДЛЭЭР ХУДАЛ ЯРИХ ТОХИОЛДОЛ ГАРЧ БАЙНА

Бүх нийтийн бэлэн байдлын эхний өдөр Шадар сайд, УОК-ын дарга С.Амарсайхан хөл хорионы хязгаарлалтад авч хэрэгжүүлж буй зарим арга хэмжээг газар дээр нь шалгаж, Сүхбаатар дүүргийн 14 дүгээр хороо, Чингэлтэй дүүргийн 9, 10 дугаар хороодод ажиллав. Энэ үеэр хэв журам сахиулахаар ажиллаж буй төрийн албан хаагчид, түлш борлуулагч, иргэдийн төлөөлөлтэй уулзаж, хөл хориотой холбоотой тулгарч буй асуудлуудыг тодруулсан юм.

Тус дүүргүүдэд ажиллаж буй албан хаагчид, зөвшөөрөгдсөн 14 байгууллагын ажилтан, албан хаагчид болон эмнэлгийн яаралтай тусламж үйлчилгээ яаралтай авах гэж буй хүмүүсийн бичиг баримтыг үндэслэн хувийн автомашинтайгаар зорчуулж байна. Гэвч зарим иргэд тавьсан шаардлага биелүүлэхгүй, тухайн ажилладаг байгууллагынхаа тодорхойлолтгүй, бичиг баримт бүрдүүлэлт дутуу, эмнэлэгт үзүүлэх нэрийдлээр худал ярих тохиолдол гарч байгаа учраас зайлшгүй бичиг баримтыг нь шалгаж байгаа талаар хэллээ.

Шадар сайд эмнэлгийн яаралтай тусламж үйлчилгээг авах шаардлагатай болон ажлын үнэмлэх, албан байгууллагын тодорхойлолттой, зөвшөөрсөн 14 байгууллагын албан хаагчид, ажилчдыг хувийн машинаар зорчиход саад учруулахгүй байхад анхаарч ажиллахыг үүрэг гүйцэтгэж буй албан хаагчдад сануулсан юм.

АЛБАН ХААГЧДАД ҮЙЛЧИЛЖ БУЙ НИЙТИЙН ТЭЭВРИЙН ХҮРТЭЭМЖИЙГ НЭМЭГДҮҮЛЭХ ЧИГЛЭЛ ӨГӨВ

Бэлэн байдлын зэрэгт шилжсэн үеийн нөхцөл байдлыг шалгаж дуусаад тэрбээр албан өрөөндөө УОК-ын Шуурхай штабын ажлын хэсгийг хуралдуулав. Иргэдээс гаргасан гомдол, санал дайчилгаанд хамрагдан ажиллаж буй төрийн албан хаагчдад тулгарсан асуудлыг шийдвэрлэх үүргийг холбогдох албаныханд өглөө. Мөн байгууллага хоорондын ажлын уялдааг сайжруулж, УОК-оос гаргасан бодлого шийдвэрийг шат шатны байгууллагууд шуурхай хэрэгжүүлж ажиллахыг онцлоод дараах үүргийг өглөө. Үүнд:

-Бүх нийтийн бэлэн байдал, хөл хорионы үед үйл ажиллагааг нь зөвшөөрсөн байгууллагаас тогтоосон квотын хүрээнд автомашинаар зорчих шаардлагатай ажилтан, албан хаагчдын бичиг баримтыг үндэслэн саадгүй зорчуулах,

-Яаралтай эмнэлгийн тусламж үйлчилгээг түргэн шуурхай хүргэх,

-Дайчилгаанд ажиллаж буй төрийн албан хаагчдын ажлын цагийн хуваарьт зохицуулалт хийх,

-Ажил үүргээ гүйцэтгэж буй албан хаагчдад үйлчилж буй нийтийн тээврийн хүртээмжийг нэмэгдүүлэх чиглэл өгөв. Цаашид хариуцсан ажилдаа эзэн байж шуурхай ажиллах, өмнөх алдааг давтахгүй байхыг анхаарууллаа.

Эх сурвалж: ШАДАР САЙДЫН АЖЛЫН АЛБА 
Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-02-12 150.129.140.5

Үр дүнтэй, аюулгүй гэдэг нь батлагдсан Оросын " спутник V " вакциныг бүртгэхгүй байгаа явдал нь барууны орнуудын зүгээс ОХУ – ын эсрэг явуулж байгаа геополитикийн дайнд Монгол улс нэгдэн орж байна гэж ойлгогдож байна. Энэ бол хятад вируснээс аюултай үр дагавартай гэдгийг манай нөхдүүд ойлгохгүй л байх шиг байна даа. Монгол улс оршин тогтнож ирсэн түүхэндээ ганцхан Оросын вакциныг л ашиглаж ирсэн юм ш дээ. Түүнээс болоод муудсан юм байхгүй.

Avatar

иргэн 2021-02-12 202.9.40.157

Энэ 14 байгууллагын ажилчид бүгд машинтай биш шүү дээ. Машингүй улсууд нь тэгээд яах болж байна аа. Луйварчдын бүлэглэлд эзлэгдсэн ү****ц төрийн мулгуу албадтай нь хэрэлдээд, маргалдаад алхаад байх уу. Нийтийн унаана ч явдаг, хувийн машин нь ч явдаг л байх ёстой шүү дээ. Тэд бүгд шалтгаантай болоод л явна шүү дээ. Энэ тэнэг ч юм шиг, өрөөсгөл шийдвэр аштай юм гаргадаг дарга нараа солиоч ээ. Ямар ч зохион байгуулах мэдлэг, ур чадвар алгаа. Ерөнхийдөө манай төрийн шинжлэх ухаанч биш л байдлалдаа.

Avatar

Зочин 2021-02-12 202.9.46.58

шинжилгээг яагаад бүр иргэдээс авахгүй байнаа? манай байр шинжилгээ өгөх байрны жагсаалтад ороогүй байна,

Avatar

Зочин 2021-02-12 202.126.88.183

Шадар сайд нь хүн ойлгохоор бичиж чаддаггүй юм уу эсвэл төрийн албан хаагчид н цагаан дээр хараар бичсэнийг ойлгодоогүй юм уу гудамжинд дэд хурандаадаа би хувийн машинаар битгий яв тэгээгүйш дээ гээд зогсож байх. Үхэр жилийн анхны оэигоо байх даа

Avatar

Зочин 2021-02-12 202.55.188.41

Байгууллага өөрөө тодорхойлох юм уу…өөрөө дэлгүүртэй өөрөө ганцаар ажилладаг хүн өөрөөтөө ямар тодорхойлолт хийх юм бэ

Avatar

мэдээллийн тодорхой байдал маш тааруу, иргэдийг төөрөлдүүлсэн байдалтай 2021-02-12 202.9.46.220

14 байгууллагын ажилтнууд ажлын үнэмлэхээ үзүүлээд л хувийн машинтайгаа зорчиход болмоор юм. Гэтэл бас нэг тодорхойлолт гээд нэг цаас нэмчихэж байгаа юм. гэтэл шаардлага гараад гэнэт дуудахад тэр цаасыг хэрхэх вэ гэдэг нэг асуудал үүсгэчихэж байгаа юм. овоо юм хийх гээд байгаа юм шиг ярина, хэлэх хийх хоёр нь зөрүүтэй. хүнд суртлаасаа огт салахгүй.

Avatar

Зочин 2021-02-12 64.119.21.79

4, 5-д бгаа бгууллагын улс автобусаар л зорчих юм бишүү дээ тэр хуудсан др бгаагаар бол

NewsMN Гар утасны хувилбар Татах
NEWS.mn

Мэдээллийн эх сурвалж