ЗГ: Хөл хорионы үеэр иргэдийн хөдөлгөөнийг 90 хувь бууруулна | News.MN

ЗГ: Хөл хорионы үеэр иргэдийн хөдөлгөөнийг 90 хувь бууруулна

ЗГ: Хөл хорионы үеэр иргэдийн хөдөлгөөнийг 90 хувь бууруулна

ЗГ: Хөл хорионы үеэр иргэдийн хөдөлгөөнийг 90 хувь бууруулна
Засгийн газрын ээлжит хуралдаан өнөөдөр /2021.02.10/ боллоо. Хуралдаанаар бүх нийтийн бэлэн байдлын зэрэгт шилжүүлэхээр эцэслэн шийдвэрлэв.
2021 оны хоёрдугаар сарын 11-ний өдрийн 06:00 цагаас хоёрдугаар сарын 23-ны өдрийн 06:00 цаг хүртэл нийслэлд Гамшгаас хамгаалах бүх нийтийн бэлэн байдлын зэрэгт хэсэгчлэн шилжүүлэх Улсын онцгой комиссын шийдвэрийг дэмжив. Энэ хугацаанд нийслэлээс гарах, орох зорчигч тээврийн хөдөлгөөнийг хязгаарлаж, иргэдийн хөдөлгөөнийг 90 хүртэл хувь бууруулна. Мөн “Нэг хаалга-нэг шинжилгээ”-ний хүрээнд хоногт 35-40 мянган хүнийг шинжилгээнд хамруулах юм. Өмнө нь хязгаарлалт тогтоох үед гарч байсан алдаа дутагдлаа давтахгүй, иргэдийг чирэгдүүлж, бухимдуулахгүй байхыг Ерөнхий сайд Л.Оюун-Эрдэнэ холбогдох албан тушаалтнуудад онцгойлон анхаарууллаа.
Дээрх хугацаанд үйл ажиллагааг нь хязгаарлахгүй байгууллагууд:
1. Эрчим хүч, дулаан, усан хангамж, ариутгал, хог хаягдал, нийтийн аж ахуй, инженерийн хангамж
2. Эрүүл мэндийн байгууллага, эм, эмнэлгийн хэрэгсэл, ханган нийлүүлэх
3. Улсын онц чухал болон стратегийн ач холбогдол бүхий объект, байгууллага /“УБТЗ” ХНН, “Чингис хаан”, ИНЕГ, түүний харьяа алба салбар, “Буянт-Ухаа” олон улсын нисэх буудал, “МИАТ” ТӨХК, ”Биокомбинат” ТӨҮГ, уул уурхайн салбарын хангалт, Үндэсний дата төвийн нөөц төв, Дипломат төлөөлөгчийн газар, НҮБ-ын суурин төлөөлөгчийн газар, түүний ажилтан, албан хаагчдын 10 хүртэлх хувь ажиллах, цагийн хязгаартай/
4. Тусгайлсан чиг үүрэг бүхий байгууллага
5. УИХ, төрийн захиргаа, төрийн болон нутгийн өөрөө удирдах байгууллага, гааль, шүүх, прокурор, өмгөөлөл, нотариат, Сонгуулийн Ерөнхий хороо /ажилтан, албан хаагчдын 10 хүртэлх хувь ажиллах, цагийн хязгаартай/
6. Хүүхэд хамгааллын үйлчилгээ, асрамж халамжийн төрөлжсөн байгууллага, МУЗН
7. Хүнсний үйлдвэрлэл, тээвэрлэлт, түгээлт, худалдаа
8. Мал, амьтны өвс, тэжээлийн тээвэрлэлт, түгээлт
9. Газрын тосны бүтээгдэхүүн, түлшний хангамж, түгээлт, тээвэрлэлт
10. Сайжруулсан түлшний үйлдвэрлэл, нийлүүлэлт, тээвэрлэлт, түгээлт
11. Банкны цахим болон автомат тооцооны машин
12. Хэвлэл мэдээлэл, харилцаа холбоо, шуудан, илгээмж
13. Зөвшөөрөлтэй харуул хамгаалалтын байгууллага
14. Оршуулга
2021 оны хоёрдугаар сарын 01-ний өдрөөс хойш найм хоногийн хугацаанд батлагдсан тохиолдол олноор нэмэгдсэн нь халдвар тархах эрсдэл маш өндөр гэсэн үг юм. Байдал энэ хэвээр үргэлжилбэл ирэх сард эмнэлэгт хэвтэх хүний тоо 3,000 хүрч эмнэлгийн ачаалал хэтрэх, халдвар авсан иргэдийн хоёр хувь нь амь насаа алдах, гэрээр эмчлэх хэмжээнд хүрэх эрсдэлтэй гэж Улсын онцгой комиссын дэргэдэх Эрдэмтдийн зөвлөл дүгнэжээ.
“ТАВАНТОЛГОЙ ТҮЛШ” КОМПАНИЙН БАРУУН БҮСИЙН ҮЙЛДВЭРИЙГ НҮҮЛГЭНЭ
СХД-ийн 20 дугаар хорооны нутаг дэвсгэрт байрлах сайжруулсан шахмал түлшний баруун бүсийн үйлдвэрийг Төв аймгийн Сэргэлэн сумын нутагт байрлах зүүн бүсийн үйлдвэр лүү шилжүүлнэ. Долдугаар сарын 10-ны дотор шилжүүлж, барилгыг нь аравдугаар сарын 01-ний дотор угсарч дуусгахыг холбогдох албан тушаалтнуудад даалгалаа. Баруун бүсийн үйлдвэр нь аж ахуйн нэгж, байгууллага, айл өрхийн дунд байрладаг. Түлшний үндсэн түүхий эд /мидлинг/ болох нүүрсний ил овоолго, нунтаг нүүрсний тоосжилтоос болж орчны болон хөрсний бохирдол үүссэн байна. Бохирдолтой бүсэд 639 айл өрх, 27 аж ахуйн нэгж, байгууллага байгаа гэсэн судалгаа гарчээ. Үйлдвэрийг нүүлгэн шилжүүлсний дараа нөхөн сэргээлт хийж бохирдлыг арилган барилга, байгууламжийг нь түлшний нөөцийн агуулах хэлбэрээр ашиглах юм.
Товч мэдээ
– Монгол Улсын Ерөнхий сайд Л.Оюун-Эрдэнэ 2021 оны хоёрдугаар сарын 05-ны өдөр харилцаа холбоо, мэдээллийн технологийн салбарынхантай уулзсан. Энэ дагуу аж ахуйн нэгжүүдийг олон улсын зах зээлд гарахыг нь дэмжих, ялангуяа гарааны бизнес эрхлэхэд нь татварын хөнгөлөлт үзүүлэх боломжийг судлах, гадаадын хөрөнгө оруулалт татах, Дундын хөрөнгө оруулалтын сан бий болгох чиглэлээр хувийн хэвшилтэй хамтарсан Ажлын хэсэг байгуулна.
– Улсын хэмжээнд 28 тусгаарлах байранд 1,583 хүн байгаа бөгөөд 19 зочид буудалд 1,147 ортой 820 өрөө нөөцөд байна. Тусгаарлах байруудад онцгой, цагдаа, эрүүл мэндийн 278 алба хаагч, ажилтан үүрэг гүйцэтгэж байна.
– Ноён уулын дархан цаазат газарт хууль бусаар ашигт малтмал олборлохоос урьдчилан сэргийлэх, нөхөн сэргээх, хамгаалах зэрэгт зориулж Хан Хэнтийн улсын тусгай хамгаалалттай газрын хамгаалалтын захиргаанд улсын нөөцөөс хоёр автомашин олгоно. 2020 оны тавдугаар сард Сэлэнгэ аймгийн Мандал сумын нутагт орших Ноён уул орчмын байгалийн нөөц газар болон Төв аймгийн Борнуур, Батсүмбэр сумын нутаг дахь Ноён уул орчмын дурсгалт газрыг өргөтгөн 22,320 га талбайг дархан цаазат газар болгож улсын тусгай хамгаалалтад авсан юм.
Энэ мэдээнд өгөх таны сэтгэгдэл?
9
ЗөвЗөв
3
БурууБуруу
1
ГайхмаарГайхмаар
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-02-10 185.220.100.241

)))))))))) Шилдэг эротик клубт тавтай морилно уу — https://tinyurl.com/y9mh59ld

Avatar

Зочин 2021-02-10 66.181.182.21

Ajil zohion baiguulj suraagyi nohdyyd ym baina, ene darga narni. Naad ajillah baiguullaguud zohitsuulah ochnoon ajiltai shd. Iim oroi shiidver garahaar uygaa hiij amjih ym be

Avatar

Зочин 2021-02-10 192.82.67.168

pakistanii uuuland boslogo hiij abildsan mongol daichin tsus hols haatgui baihad bid tuba kirgiz ebelere bolohgui ee.

Avatar

Зочин 2021-02-10 192.82.67.168

pakistani ulaand baildsaan ah nariin min tsus ahaatagui baiahd india nepal burma eblerne gedeg baihgui demii zuilee. ogt zobshooroorhgui.

Avatar

Зайсан суугч 2021-02-10 202.21.107.126

1 ойлголтой байх хэрэгтэй бна УОК нок 2

Avatar

Зочин 2021-02-10 139.5.219.240

ТТ-н цахилгаан станц чинь байдаггүй бас л нэг хоосон яриа болох тал руугаа боллоо

Avatar

1 2021-02-10 66.181.190.232

Яаж 90 хувь бууруулах юм бэ? Хүнсний үйлдвэрлэл түгээлтэнд оролцож байгаа машинууд л гэхэд 30 орчим хувь нь ш дээ… Тэд яаж замын хөдөлгөөнд оролцох вэ? Хувийн эсвэл нийтийн? Бид ажлаа яаж төлөвлөх вэ? Өчигдөр орой хотын удирдлагууд ямарч зохион байгуулалтгүй, удирдамж байхгүй байгаа бүгд харлаа… ЗГ, УОК бас адилхан уу? ИНГЭХЭЭР ЧИНЬ ЗАМ ДЭЭР БАЙГАА ЦАГДАА НАР ШИЙДЭХ ҮҮ?

Avatar

Зочин 2021-02-10 103.57.94.215

Zugeer l gertee l baildaa.12 honog eh orondoo nemer bolod.5 tsaas gej bhar eh ornoo ehleed neg bodood uzeech.odoo humij avchuul daraani ajil amidral hevin boluul bolno shuu de.

Avatar

Зочин 2021-02-10 202.126.88.195

Bas l todorhoigui heveer bn. Ajillah humuusee zovhon niitiin teever gej huazgaarlah u, huviin unaagaar hodolgoond oroltsuulah u?
Toriin alban haagch chin niitiin teevreer yvaad covid tusahgui batalgaa ni haana bn. Hunii hamgiin naad zahiin erh bishu. Geh meteer todorhoigui huleelt uusgesen asuult olon bn.

Avatar

undsen chiglel alga 2021-02-10 122.201.23.28

Yamar ch chiglel ugsungui shde Naad ajillah salbaruud chin ar taldaa zohion baiguulaltaa hiij gej heden udur huleelee shde

NewsMN Гар утасны хувилбар Татах
NEWS.mn

Мэдээллийн эх сурвалж