Эцэг эхээ эрсдэлээс хамгаалж, гэр гэртээ шинэлцгээе! | News.MN

Эцэг эхээ эрсдэлээс хамгаалж, гэр гэртээ шинэлцгээе!

Эцэг эхээ эрсдэлээс хамгаалж, гэр гэртээ шинэлцгээе!

Эцэг эхээ эрсдэлээс хамгаалж, гэр гэртээ шинэлцгээе!

Маргааш өвлийн адаг сарын битүүн. Баасан гаригт  монголчуудын үндэсний баяр наадам Цагаан сарын баярын шинийн нэгэн тохионо. Хэдийгээр УОК-оос сар шинийг өргөн дэлгэр тэмдэглэх, айл хэсэхийг хориглосон ч иргэд гэр, гэртээ цагаан сараа тэмдэглэхээр идээ, будаагаа базаах болсон.

Гэвч, сүүлийн өдрүүдэд нийслэлд  эх үүсвэр нь тодорхойгүй халдварын голомтууд  дэгдсэн нь баярын өдрүүдэд иргэдийг дахин хөл хорионд ороход хүргэв. Тодруулбал, хоёрдугаар сарын  11 буюу Цагаан сарын битүүний өдрөөс  эхлэн 23-ны 06:00 цаг хүртэл нийслэлийг Гамшгаас хамгаалах бүх нийтийн бэлэн байдлын зэргийн тавдугаар түвшинд шилжүүлэх шийдвэрийг гаргасан. Ингэснээр бүх нийтийн бэлэн байдлын зэрэгт шилжсэн 12 хоногт иргэдийн хөдөлгөөнийг 90 хувь хязгаарлах юм.  Холбогдох албаныхан “Сар шинийн баярын өдрүүдэд буюу хоёрдугаар сарын 6-21-ний өдрүүдэд 16 хоногийн хязгаарлалтын дэглэм хэрэгжүүлвэл иргэдийн дунд халдвар тархах эрсдэл 90 гаруй хувиар буурна” гэсэн судалгаагаа танилцуулсан. 

Хэрэв эдгээр өдрүүдэд хөл хорионы дэглэмийг сулруулбал гуравдугаар сард цар тахлын халдвар нийтийн дунд тархаж эмнэлэгт хэвтэн эмчлүүлэгсдийн тоо багадаа 3000 болж, ачааллаа дийлэхгүйд хүрэх аж. Тэгвэл нийт өвчлөгчдийн хоёр хувь нь амиа алдах гэнэ.

Ийнхүү хоёр жил дараалан монголчууд сар шинийг гэр, гэртээ тэмдэглэхээр болж байна.  Энэ нь нэг талаас эрүүл мэндээ эрсдэлээс хамгаалсан, нөгөө талаас эдийн засгийн хэмнэлт дагуулж байна. Үүнээс өмнө сар шинийн баяр нүсэр том болж байна гэх шүүмжлэлийг иргэдийн зүгээс гаргадаг байсан билээ.

 Үндэсний статистикийн 2018 оны судалгаанд дурдсанаар  “Цагаан сарын баярыг 572.5 мянган өрх өргөн дэлгэр тэмдэглэж, нэг өрхөөс  дор хаяж 1.5 сая төгрөгийн зарцуулдаг гэвэл идээ болон бэлэгт зориулж нийтдээ 845.1 тэрбум төгрөгийн зардал гаргадаг. Харин бэлгийн 80 орчим хувийг импортийн бүтээгдэхүүн сонгодог нь Монгол Улс цагаан сарын баярт зориулж дунджаар 357.3 тэрбум төгрөг гадагш гаргаж байна” гэжээ.

ЭМЯ сар шинийг гэр гэртээ тэмдэглэхийг уриалахдаа “Олуулаа цуглах, золгох, үнсэх, мөнгө, хадаг барих, “хөөрөг дамжуулах”, бууз, салат нэг тавагнаас авах, мах хишиг тараах, бэлэг өгөх нь  хүүхэд хөгшдөд маш их эрсдэлтэй. Тиймээс  сар шинээр айл битгий хэс, хамгийн хайртай хүмүүс  дээрээ тэр тусмаа битгий оч. Учир нь архаг хууч өвчтэй ахмад настнуудад Covid-19 халдвар бусад өвчлөлтэй нь  хавсарч, амь насыг нь авах хүртэл аюултай” болохыг анхааруулсаар байгаа. Хэрэв  иргэд золгохоор гэрээсээ гарсан тохиолдолд хуулийн хариуцлага хүлээх юм.

АЙЛ ХЭССЭН ИРГЭНИЙГ 500 МЯНГАН ТӨГРӨГӨӨР ТОРГОНО

Нийслэлийн Онцгой комиссын Шуурхай штабын удирдлагын багийн гишүүн, дэд хурандаа Э.Эрдэнэбаатар "Иргэд гэрээсээ огт гарахгүй. Нийслэлийг тэр чигт нь цагдаагийн байгууллага хяналтдаа авч, хязгаарлалт тогтооно. Хэрэв иргэд аав, ээж, ах, дүү, хамаатан садныдаа очиж золговол Зөрчлийн тухай хуулийн дагуу арга хэмжээ авна. Иргэнийг 500.000, аж ахуйн нэгж, байгууллагыг таван сая хүртэлх төгрөгөөр торгоно. Хөл хорио тогтоосон үед иргэд аливаад ухамсартай хандах хэрэгтэй. Нийт хүн амын хэмжээнд шинжилгээ авах гэж байна, айл хэсэж, золгоно гэсэн асуудал байхгүй. Үүнийг таслан зогсооно" хэмээн мэдэгдсэн удаатай. Өөрөөр хэлбэл, бүх нийтийн бэлэн байдлын зэрэгт шилжсэн 12 хоногт иргэдийн хөдөлгөөнийг 90 хувь хязгаарлан  “Нэг хаалга, нэг хүн” арга хэмжээний хүрээнд нийслэлийн  420.000 хүнээс Covid-19 халдвар илрүүлэх  шинжилгээ  авах юм. 

Монголчууд Цагаан сарын баяраа ураг садантайгаа учран золгож тэмдэглэдэг уламжлалтай ч энэ удаад хайртай бүхнээ хамгаалахын тулд гэр, гэртээ тэмдэглэцгээе. 

Э.БУРАМ

Энэ мэдээнд өгөх таны сэтгэгдэл?
11
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-02-10 202.9.46.225

Агаар салхинд гарахаа харин ч нэг цагдуулахгуй юм бхаа. . Цэргийн
ргэли хийсэн улс орон биш энд тэндгуй цагдаа холхиод суртэй ш дээ. Бага солиорцгоо.

Avatar

Зочин 2021-02-10 192.82.71.152

хэ хэ ямарч уялдаа байхгүй зөвшөөрөлтэй хүмүүс чинь өөрсдөө эрсдэл үүсгэнэ ш дээ угаасаа одооны нөхцөл байдал зөвшөөрөлтэй хүмүүсээс үүдэж гарсан биз дээ гэртэй байсан гараагүй гэр бүлийнх нь хүмүүс нь давхар хохироод эхэлсэн

Avatar

BOLD 2021-02-10 192.82.71.170

MUNGUGUI ULSIIG 500000 TORGON GEJ TOGLOJ BNA UU. SHOGLOJ BNA UU?//

Avatar

ждүчид ч хууль үйлчлэхгүй 2021-02-10 66.181.191.146

ӨӨРСДӨӨ ААВ ЭЭЖДЭЭ ЗОЛГООД ГАЙХУУЛЦГАХ БИЗ, ХООЛНЫ Ч МӨНГӨ АЛГА НОВШНУУДАА

Avatar

Зочин 2021-02-10 103.80.210.183

датагаа үнэгшүй болго л доо. асар ихээр шулж байгаа шүү дээ.

Avatar

Зочин 2021-02-10 103.212.118.217

nastai hund ochij zolgood ovchin avaachij ogoood setgeliin tam bolvooo tamineeee

Avatar

Иргэн Хүрлээгийн Батсайхан Б Г Д 14 хорооны иргэн 2021-02-10 202.131.244.210

Дэмжиж байна. гэрээсээ гарахгүй айл хэсэхгүй

Avatar

Иргэн 2021-02-10 122.201.22.112

Админ үг үсэг утга санааг байнга гуйвуулах юм даа бөөн алдаатай болгох юм. Гайтай ч байсан гэж бичээд байхад шүү…

Avatar

Эрдэнээ 2021-02-10 122.201.22.112

За яахав уг нь зөвөө.Гэхдээ 500000 төг торгосон гэвэл өгөх мөнгө нь иргэн бүрт байгаа юмуу 50 төгрөгүй хүн замаас аваад байна үүнийг яаж зохицуулсан бэ.сар шинээр гайтай байсан монгол хүн бэлэг дэмбэрэлгүй үг хэлэх цээртэй байдаг.Хэрэв хэлсэн тохиолдолд тэр иргэн тэр айл өрх тэр улс гүрэн шууд уруудаж мөхөхийн цондон болдогийг одоогийн тархины хомсдолтой залуус анхаараарай даа.сар шинэдээ сайхан болгоорой зөвхөн гэртээ бид баян байна шүү өвчингүй бол баян…

Avatar

Зочин 2021-02-10 139.5.216.231

Yag ail hesej zolgoy gej bodoj bsiin Newsiin setgvvlchid bayarlalaaaa. Iim goy stresss tailsan medee ihiig oruulj bgarai.

Avatar

Зочин 2021-02-10 139.5.216.231

Tiim vvv medeegvishteee bayarlalaaa !!!!

Avatar

Нээрээ юү 2021-02-10 202.126.89.227

Сэтгүүлч нарын боловсролын асуудал яригддаг байсан бол одоо сэтгэц нь эрүүл эсэх тухай асуудал ярих цаг иржээ

Avatar

Зочин 2021-02-10 139.5.216.177

За тэр сэгүүлчийн боловсрол ч яамай.Халдвар дэгдэж,улс орныг сүйрэлд хүргэх гээд байна.Энэ амралтын хугацаанд бага ч гэсэн халдварын тархалтыг сааруулъя.Үүнийг иргэн бүр дэмжиж. тогтоосон журмыг хатуу мөрдөх хэрэгтэй байна, Зөрчил гаргагчдад, халдвар тархаахыг хүсэгчдэд,танхайрч дураар авирлагсдад төр төмөр нүүр гарга. Хууль журмын дагуу чанд хандах нь зөв.

Avatar

Зочин 2021-02-10 202.131.227.114

Юу бичсэнээ энэ Бурам гэдэг хүн өөрөө ойлгож байгаа болов уу.

Avatar

Уншигч 2021-02-10 59.153.115.29

Ямар сонин юм бичдэг юм. Хөл хорио тогтооно, гадуур хэсвэл торгоно, албан ёсоор тэмдэглэхгүй гээд байхад хэн хавтгайруулах гээд бгаа юм. Яаж хавтгайруулах юм. Утгагүй логикгүй юм бичих юм.

NewsMN Гар утасны хувилбар Татах
NEWS.mn

Мэдээллийн эх сурвалж