Баян-Өлгийд УЦС барих ажил эхэллээ | News.MN - Мэдээллийн эх сурвалж

Баян-Өлгийд УЦС барих ажил эхэллээ

Хуучирсан мэдээ: 2016.04.05-нд нийтлэгдсэн

Баян-Өлгийд УЦС барих ажил эхэллээ

Баруун гурван аймгийг найдвартай эрчим хүчээр хангахад чухал үүрэг гүйцэтгэх Баян-Өлгий аймгийн Ногооннуур сумын нутагт, Ховд голын “Тавалтайн хавцал” хэмээх газарт баригдах Усан цахилгаан станцын барилгын ажил эхэлж 2016 оны дөрөвдүгээр сарын 6-ны өдөр анхны судалгааны өрөмдлөгөө хийхээр боллоо.

Нийтдээ 92.8 МВт-ын хүчин чадалтай энэ УЦС-ыг Бүгд Найрамдах Турк Улсын “ZTM” компанийн 248 сая ам. долларын хөрөнгөөр барьж байгуулах юм. Тус компани нь энэ УЦС-ын ТЭЗҮ-ийг өөрийн хөрөнгөөр боловсруулж, улмаар барьж байгуулах тусгай зөвшөөрлийг 2015 оны гуравдугаар сарын 15-ны өдөр авсан байна. Улмаар Монгол Улсын Засгийн газрын 2016 оны дөрөвдүгээр сарын 6-ны өдрийн шийдвэрээр Концессын тухай хуулийн дагуу “Барих-ашиглах-шилжүүлэх” нөхцөлтэйгээр үйл ажиллагаагаа явуулах юм.

Дашрамд дурдахад “ZTM” компани нь Монгол Улсын эрчим хүчний мастер төлөвлөгөө боловсруулах ажлыг өөрийн хөрөнгө оруулалтаар хийж гүйцэтгэсэн юм.

Л.ХАЛИУ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-04-05 202.179.31.16

amjilt

Зочин 2016-04-05 202.72.245.122

Манай нутагт юм байна. Тийшээ монголчуудыг явуулж суурьшуулах хэрэгтэй. Хуучин нутгийн иргэдийг.