Засгийн газар Даваа гаригт ээлжит бусаар хуралдана. Тус хуралдаанаар Улсын онцгой комиссоос гаргасан зарим шийдвэр болон Ерөнхий сайдын чиглэлээр байгуулагдсан ажлын хэсэг цар тахлыг даван туулах эрүүл мэнд, эдийн засгийн цогц төлөвлөгөөг танилцуулж, батлахаар төлөвлөжээ.

Улсын онцгой комиссоос энэ сарын 11-ээс эхлэн 12 хоногийн хугацаанд хөл хол хорио тогтоох санал гаргасан бөгөөд цар тахалтай тэмцэх, стратеги, төлөвлөгөөг гаргаж, Засгийн газрын хуралдаанаар батлуулахаар ажлын хэсэг ажиллаж байгааг танилцуулсан юм. Ингэхдээ цаашид бүх салбарын ажил, амьдралаа хэвийн үргэлжлүүлэх стратеги, төлөвлөгөөг боловсруулж байгаа гэдгийг Шадар сайд онцолж байсан юм.