Өмнөд Солонгост хамгийн том салхин цахилгаан станцыг барина | News.MN

Өмнөд Солонгост хамгийн том салхин цахилгаан станцыг барина

Өмнөд Солонгост хамгийн том салхин цахилгаан станцыг барина

Өмнөд Солонгост хамгийн том салхин цахилгаан станцыг барина
FILE PHOTO: General view of the Walney Extension offshore wind farm operated by Orsted off the coast of Blackpool, Britain September 5, 2018. REUTERS/Phil Noble/File Photo

Өмнөд Солонгосын Засгийн газар 2030 он гэхэд дэлхийн хамгийн том салхин цахилгаан станцтай болохын тулд 48.5 их наяд вон буюу 43.2 тэрбум ам.доллартай тэнцэхүйц мөнгө төлөвлөснөө зарлажээ. Энэ нь цар тахлын дараах хямралаас байгальд ээлтэй аргаар гарах төлөвлөгөөний нэг хэсэг гэнэ.

Хамгийн том салхин цахилгаан станц барих уг төсөл нь Ерөнхийлөгч Мүн Жэ Иний улсаа байгальд ээлтэй, “ногоон” болгох төлөвлөгөөний нэг хэсэг юм. Төлөвлөгөө ном ёсоороо хэрэгживэл Өмнөд Солонгос улс 2050 он гэхэд хүлэмжийн хийгүй орон болох аж.

Мүн Жэ Ин сүүлд баруун өмнөд эргийн Синан тосгонд очиж, нийт 8.2 гв дээд хүчин чадалтай цахилгаан станцын шав тавих ёслолд оролцжээ.

Тэрбээр ёслол дээр “Бид энэ төслийн ачаар байгальд ээлтэй аргаар эрчим хүчээ хангаж, цаашид хүлэмжийн хий ялгаруулалгүйгээр хөгжиж боломжтой болно” хэмээн хэлсэн байна. Ёслолд түүнээс гадна "Korea Electric Power Corp", "SK E&S", "Hanwha Engineering & Construction Corp", "Doosan Heavy Industries & Construction Co." "CS Wind Corp" болон "Samkang M&T Co. Mtjuoomta" зэрэг компаниудын төлөөллүүд оролцжээ.

Төслийн гол санхүү буюу 47.6 их наяд воныг тус компаниуд гаргах бол Засгийн газраас 0.9 их наяд воноор дэмжинэ хэмээн Хөх ордон мэдэгджээ.

Албан ёсны мэдэгдэлд дурьдсанаар цахилгаан станц нийт 5600 ажлын байр бий болгож, 2030 он гэхэд улсын нийт салхинаас гарган авдаг эрчим хүчийг 1.67 гв байснаас 16.5 гв болгох зорилгыг биелүүлэх юм.

8.2 гв хүчин чадалтай шинэ цахилгаан станц  нь цөмийн зургаан реактортой тэнцэх бөгөөд байгальд 71 сая нарс мод тарьсантай ижил сайн нөлөөтэй хэмээн мэргэжилтнүүд мэдээлж байгаа юм.

Харьцуулж үзвэл одоо үйл ажиллагаа явуулж буй хамгийн том салхин цахилгаан станц Их Британид байрладаг бөгөөд 1.12 гв хүчин чадалтай аж.

Эх сурвалж: REUTERS

Энэ мэдээнд өгөх таны сэтгэгдэл?
9
ЗөвЗөв
4
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-02-06 192.82.78.216

Монголд хамгийн элбэг юм салхи л байна, тийиээс улсынхаа бух хэрэгцээг хангах станц барих хэрэгтэй юм даа, даанч харамсалтай…

Avatar

Зочин 2021-02-06 66.181.185.87

ер нь монголд атомынх биш нар салхи усан цахилгаан станц барих асар их нөөц бий

Avatar

агуу сэтгэж байна 2021-02-06 66.181.185.87

үнэнгээсээ атаархлаа

Avatar

Зочин 2021-02-06 202.126.88.161

ЯААНАА ЦАХИЛГААН СТАНЦТАЙ БОЛОХЫМСААН

Avatar

Зочин 2021-02-06 64.119.21.98

ГВт гэж бич л дээ. гВ гэдэг чинь сонин байна

Avatar

зочин 2021-02-06 202.21.100.210

Дарга нар мөнгө унагах аргаа олохгүй байна шүү дээ . Та нар хүлээж байлдаа

Avatar

/*-*/ 2021-02-06 49.0.142.40

Тэгэхэд манайх 5-р цахилгаан станц гэсэн юм яриад 20 жил хэвтээд л байдаг хэвтээд л байдаг

Avatar

Зочтн 2021-02-06 64.119.21.98

5-р станцбольсон шүү дээ. Шаардсан цавчаагий нь өгөх компани олдохгүй болоод одоо больсон.

NewsMN Гар утасны хувилбар Татах
NEWS.mn

Мэдээллийн эх сурвалж