Хүний эрхийн үндэсний комисс Гэр бүл, хүүхэд залуучуудын газар (ГБХЗГ), Халдварт өвчин судлалын үндэсний төвтэй хамтран тусгаарлалтад буй хүмүүст сэтгэл зүйн зөвлөгөө өгөх 24 цагийн үйлчилгээг эхлүүллээ.

Covid-19 цар тахлаас урьдчилан сэргийлэх, тэмцэх ажиллагааны хүрээнд тусгаарлалтад буй иргэдэд сэтгэл зүйн дэмжлэг, туслалцаа үзүүлэх, мөн эцэг, эх, асран хамгаалагч нь тусгаарлалтад орсны улмаас харж хандах хүнгүй, хамгаалалтаас гадуур үлдсэн хүүхдүүдийг ГБХЗГ-ын харъяа түр хамгаалах байруудад байрлуулах ажлыг шуурхай зохион байгуулан ажиллаж буй юм байна.

Мөн Covid-19 авсан хүмүүсийг ялгаварлан гадуурхахгүй байх, нэр төр, сэтгэл санаа, амьдралд нь хохирол учруулахаас урьдчилан сэргийлэх үүднээс олон нийтэд мэдлэг, ойлголт түгээх зорилгоор ажиллаж байгаа аж.

Б.ЖАРГАЛ