Гэмт хэргээс урьдчилан сэргийлэх ажлыг зохицуулах зөвлөлийн ажлын алба “20К клуб” ТББ хамтран Гэр бүлийн хүчирхийлэлтэй тэмцэх тухай хууль, Жендерийн эрх тэгш байдлыг хангах тухай хуулийг сурталчлах, жендерт суурилсан хүчирхийллийн хор уршгийн талаар иргэд олон нийтийн мэдлэг ойлголтыг дээшлүүлэх зорилгоор Эр хүн “БИ ГЭРТЭЭ” аяныг санаачлан хэрэгжүүлж байна.

Эрүүл мэндийн байгууллагаас коронавируст халдвар цар тахлаас урьдчилан сэргийлж иргэн бүр гэртээ байхыг зөвлөж байгаа. Хөл хорионы эдгээр өдрүүдэд иргэдийн цахим хэрэглээ нэмэгдэж нийгмийн сүлжээнд бусдыг гутаан доромжлох, олон нийтийн санаа бодлыг үймүүлж, төөрөгдүүлэх, хүчирхийллийн хэлбэрийг агуулсан утга бүхий мэдээ мэдээллийг ихээр нийтлэх болжээ. Тиймээс Эр хүн “БИ ГЭРТЭЭ” нөлөөллийн аяны хүрээнд нийгмийн сүлжээнд эерэг хандлага, зөв мэдээлэл түгээж олон нийтийг соён гэгээрүүлэх үйлсэд нэгдэхийг уриалж байна. Өнгөрсөн хугацаанд Эр хүн “БИ ГЭРТЭЭ” нөлөөллийн аяныг дэмжиж, олон залуус захидал илгээжээ. Эдгээр захидлаас түүвэрлэж уншигч танд хүргэж байна. Та бүхэн хүлээн авч сонсоно уу.

С.ЖАРГАЛ