Esportsgen сайтаас өнөөдөр (2021.02.04) цахим спортын PUBG Mobile төрлийн дэлхийн чансааг шинэчлэн гаргалаа. Энэхүү чансааг саяхан зохион байгуулагдсан PUBG Mobile ДАШТ-ий аваргаар тодорсон Хятадын Nova Esports баг 906 оноотойгоор тэргүүлсэн бол ДАШТ-ийн гуравдугаар байранд шалгарсан Монголын Zeus Esports баг 601 оноотойгоор дөрөвдүгээр байранд удаалжээ.

Дэлхийн чансааны хоёрдугаар байранд ДАШТ-д аман хүзүүдсэн Хятадын 4AM баг, гуравдугаар байранд Индонезийн Bigetron RA баг шалгарсан байна. Монголын Zeus Esports багийн араас Navi, Team Secret зэрэг дэлхийн томоохон цахим спортын байгууллагуудын PUBG Mobile төрлийн багууд бичигдсэн байна.

ZEUS Esports багийн үндсэн бүрэлдэхүүнд О.Бат-Оргил, С.Ундрах, Б.Золбоот, Н.Дулаанжаргал, Б.Тэнгис, Б.Билгүүн нар багтдаг.