Иран солонгос далайчдыг өршөөж, гацсан мөнгөө нэхэв | News.MN

Иран солонгос далайчдыг өршөөж, гацсан мөнгөө нэхэв

Иран солонгос далайчдыг өршөөж, гацсан мөнгөө нэхэв

Иран солонгос далайчдыг өршөөж, гацсан мөнгөө нэхэв
FILE PHOTO: A South Korean-flagged tanker that was seized by Iran is seen in the Gulf off the Iranian coast, January 4, 2021. IRGC / WANA (West Asia News Agency) via REUTERS/File Photo

Ираны гадаад хэргийн яамны хэвлэлийн төлөөлөгч Саед Хатибзадех өчигдөр/2021.02.02/ байгаль бохирдуулсан хэргээр саатуулсан Солонгосын хөлөг онгоцны багийнханд нутаг буцахыг зөвшөөрснөө зарлажээ. Тэрбээр “БНСУ-ын засгийн газрын хүсэлтээр Ираны эрх баригчид хүнлэг шийдвэр гаргаж Персийн буланд байгаль бохирдуулснаасаа болж саатуулагдсан Солонгосын хөлөг онгоцны багийнханд нутаг буцах зөвшөөрөл өглөө” хэмээн мэдээлжээ. Гэвч хөлөг онгоц болон хөлгийн ахмадад хуулийн хариуцлага хүлээлгэх хэвээрээ гэнэ. Мөн гадаад хэргийн орлогч сайд Аббас Аракчи БНСУ-ын гадаад хэргийн яамны Чой Жун Күнтэй утсаар холбогдож саатуулагдсан 19 далайчинг өршөөх тухай болон АНУ-ын хориг арга хэмжээнээс болж Сөүлд гацсан Ираны 7 тэрбум ам.долларын асуудлаар ярилцжээ.

Утсаар ярьсны дараа БНСУ-ын гадаад хэргийн яам “Хоёр тал хамгийн эхний ээлжинд тулгамдаад буй чухал асуудал буюу саатуулагдсан далайчдыг суллах асуудал дээр байр сууриа солилцсон. Харин түүний дараа АНУ-ын хориг арга хэмжээнээс болж Сөүлийн банкуудад гацсан ираны мөнгийг гаргаж авахын тулд хэрхэн хамтран ажиллах боломжтой талаар санал солилцлоо” хэмээн мэдэгджээ. Харин Ираны тал “Чой бидэнд аль болох яаралтай Ираны гацсан мөнгийг гарган авах талаар АНУ-тай ярилцахаа амласан” хэмээн хэлжээ.

Өмнө нь Иран хөлөг онгоц болон хөлгийн 20 гишүүнтэй багийг суллахаас татгалзан “барьцаалж” байгаагаа мэдэгдээд, Сөүлийг Ираны мөнгийг “барьцаалсан” хэмээн шүүмжилж байсан билээ.

Дональд Трамп Ираны 2015 онд байгуулсан цөмийн гэрээнээс АНУ-ыг гаргасныхаа дараа 2018 онд Тегеранд хориг арга хэмжээ авснаас болоод Ираны 7 тэрбум ам.доллар Өмнөд Солонгост гацсан билээ.

Эх сурвалж: REUTERS

Энэ мэдээнд өгөх таны сэтгэгдэл?
2
ХарамсалтайХарамсалтай
1
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2021-02-03 46.224.12.154

Iran humuus hunleg

Avatar

Zochin 2021-02-03 46.224.12.154

Solongos iranii Ene ih mungiig ugchuusee Amerikiin horig bhgui bol uneheer bayan oron

Avatar

Зочин 2021-02-03 146.115.161.230

Manai humuunleg baruuniihnii hulgai hiideg ba's neg arga

NewsMN Гар утасны хувилбар Татах
NEWS.mn

Мэдээллийн эх сурвалж