Ерөө, Хүдэр сумдыг авто замаар холбоно | News.MN

Ерөө, Хүдэр сумдыг авто замаар холбоно

Хуучирсан мэдээ: 2016.04.03-нд нийтлэгдсэн

Ерөө, Хүдэр сумдыг авто замаар холбоно

-Дулаанхаан тосгоны дөрвөн замын уулзвараас Ерөө, Хүдэр сумдыг холбосон хатуу хучилттай автозамын ажил концессын гэрээгээр хэрэгжиж байна-

УИХ-ын гишүүн, Аж үйлдвэрийн сайд Д.Эрдэнэбат Сэлэнгэ аймагт ажиллаж байна. Тэрбээр өчигдөр тус аймагт үйл ажиллагаагаа явуулж буй Жижиг, дунд үйлдвэрлэл /ЖДҮ/эрхлэгчдийн үйл ажиллагаатай танилцаж, аж үйлдвэрийн бодлого болон ЖДҮ үйлдвэрийг дэмжих сангийн зээл, Сум хөгжүүлэх сангийн зээлийн журмын өөрчлөлтүүдийн талаар үйлдвэр эрхлэгчдэд танилцуулж, санал бодлоо хуваалцлаа.

Мөн “Дарханы төмөрлөгийн үйлдвэр” ХК, “Пик девелопмент” ХХК, “Кью Эс Си” ХХК-иуд хамтран хэрэгжүүлж буй автозамын төслийн  ажлын явцтай танилцсан юм.

Сэлэнгэ аймгийн Шаамар сумын Дулаанхаан тосгоны дөрвөн замын уулзвараас Ерөө, Хүдэр сумыг холбосон 104.5 км авто замыг ирэх арваннэгдүгээр сард ашиглалтад оруулахаар төлөвлөжээ. Авто замын ажил концессын гэрээгээр хэрэгжиж буй “Уул уурхай металлургийн цогцолбор” байгуулах төслийн хүрээнд хийгдэж байгаагаараа онцлог. Одоогоор авто зам барих ажлыг эхлүүлж, замын далан барих ажлуудыг хийж, гүйцэтгэжээ. Дараа нь улсын төсвийн хөрөнгө оруулалтаар тус суманд баригдаж буй гүүрийн ажилтай танилцлаа. Гүүрийн ажлыг “Ган гүүр” компани гүйцэтгэж байгаа бөгөөд ирэх есдүгээр сард ашиглалтад оруулахаар ажиллаж байгаа аж. Нийт дөрвөн  тэрбум төгрөгийн өртгөөр баригдаж буй тус гүүрийн ажлыг хэвийн үргэлжлүүлэхэд үлдэгдэл санхүүжилтийг шийдэх шаардлагатай юм байна.

Монголчууд савх үйлдвэрлэж, Япон руу экспортолж байна

Ерөө  сумын нутагт үйл ажиллагаа эрхэлж буй вакум цонх, хаалганы “Ерөө вакум” үйлдвэрийн үйл ажиллагаатай Аж үйлдвэрийн сайд танилцав. 2001 онд  Жижиг, дунд үйлдвэрийг хөгжүүлэх сангаас долоон сая төгрөгийн зээл авсан тус үйлдвэр орон нутгийн хэрэгцээг бүрэн хангаад зогсохгүй Хүдэр зэрэг зэргэлдээх сумдын захиалгыг хийж, гүйцэтгэдэг байна. Улирлаас хамаарч захиалга харилцан адилгүй байдаг ч өдөрт дунджаар 10-20 цонхны захиалга тогтмол ирдэг гэв. Ерөө сумынхны хувьд орон нутгийн үйлдвэрлэлээ дэмжиж тус үйлдвэрээр  вакум цонх, хаалгаа хийлгэдэг байна. 

Дархан, Улаанбаатар зэрэг төв суурин газраас вакум цонх, хаалга худалдаж авахаар тээвэрлэлтийн зардал өндөр тусдаг төдийгүй эвдрэл, гэмтэл учирсан тохиолдолд хол явах шаардлага тулгардаг байна. Тус компани үйлдвэрлэлээ нэмэгдүүлэхээр өргөтгөл барьж байгаа бөгөөд удахгүй ашиглалтад оруулна гэв. Энэ үеэр Аж үйлдвэрийн сайд Сум хөгжүүлэх сангийн зээлийн журамд өөрчлөлт оруулсныг дуулгаад үйлдвэрлэгч банктай харилцаж цаашид асуудлаа шийдвэрлэх шударга зохицуулалт хийснийг хэллээ.

Дараагийн танилцсан үйлдвэр Ерөө сумын Бугант тосгон, Хүдэр суманд орших “Савхны үйлдвэр”-үүд байлаа. Ерөө сумын Бугант тосгонд орших савхны үйлдвэр орон нутгийнхныгаа тогтмол ажлын байраар хангаж, жилд 400 сая ширхэг савх үйлдвэрлэдэг байна. Бүтээгдэхүүнээ 100 хувь экспортод гаргадаг, цаашид технологио шинэчилж, сайжруулах зайлшгүй шаардлага тулгараад байна гэлээ.  Харин Хүдэр суман дахь “Тарс”  савхны үйлдвэрийнхэн орон нутагтаа  80 гаруй иргэнийг тогтмол ажлын байраар хангадаг бөгөөд бүтээгдэхүүнээ мөн л  экспортод гаргадаг. Газар тариалан болон гурилын үйлдвэрийн үйл ажиллагаа эрхэлдэг “Хаан шоргоолж” үйлдвэрийнхэн өнгөрсөн онд Жижиг дунд үйлдвэрийг хөгжүүлэх сангаас 600  сая төгрөгний зээл авсан. Одоогоор бүтээн байгуулалтынхаа ажлын 50 хувийг хийсэн байна. Цаашид үйлдвэрлэлийн процесс руу бүрэн шилжих бэлтгэл ажлаа хангаж байгаа гэдгээ салбарын сайддаа хэллээ.

Г.ХОРОЛ

 

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2016-04-03 202.70.42.26

авто замгүй бсан юмшиг гарчиг тавихиймаа

Avatar

зочин 2016-04-03 46.188.121.20

холбогдоогүй аймгуудаа холбооч…

Avatar

Зочин 2016-04-03 202.126.89.199

хайран хус мод халаг халаг

Avatar

Зам дагаж хөгжил биш, хулгай 2016-04-03 202.21.106.149

Монголоос бусад улсад бол зам дагаж хөгжил өрнөдөг байх. Харин Монголд зам дагаж хулгай шуурхайлдаг аа. Одоо Хүдэрийн жаахан ойг дуусгахад амар боллоо доо.

Avatar

uher 2016-04-03 103.229.122.53

iim baga modtoi baij japanuudiin savhiig hiih gej modoo hyargaj baidag, mon ch teneg humuus yum daa, uher ner n goyodson undesten shuu

Avatar

Зочин 2016-04-03 103.26.193.228

Хүдрийн зүүн хөвч талхлагдах вий дээ, мөн ч баян сайхан нутаг юмсан

Avatar

Зочин 2016-04-03 49.0.162.13

aida odoo huder ch yuchgui bolno do

Avatar

erdenebulgan 2016-04-03 202.179.31.16

bugant tosgonig ni yah gej bn hu bas alt modig ni avaad duussan bolhoor hereggui bolson uu

NewsMN Гар утасны хувилбар Татах
NEWS.mn

Мэдээллийн эх сурвалж