Интернетийн үнэ буураагүйг анхааруулав | News.MN - Мэдээллийн эх сурвалж

Интернетийн үнэ буураагүйг анхааруулав

Хуучирсан мэдээ: 2016.04.02-нд нийтлэгдсэн

Интернетийн үнэ буураагүйг анхааруулав

Засгийн газрын харьяа 11-11 төвд өчигдөр иргэдээс 50 гаруй санал хүсэлт иржээ. Түүнд орон нутгаас хандсан санал хүсэлт голлож байна. Тухайлбал, №1604014935 дугаараар хандсан зочин “Сэлэнгэ аймгийн Алтанбулаг сумын интернетийн үнэ буураагүй, хурд нэмэгдээгүй байна. Энэ ямар учиртай юм бэ” гэдгийг лавласан бол №1604015967 дугаартай зочин “Төв аймгийн Жаргалант сум руу том оврын автобус явж байгаа. Нэг хүнээс 4000 төгрөг авдаг. Гэтэл ачаа болгоноос 4000 төгрөг авч байна” гэж гомдол мэдүүлжээ.

Энэ оны нэгдүгээр сарын 1-нээс эхлэн хэрэгжиж байгаа НӨАТ-ын хуулийг орон нутагт худалдаа эрхлэгчид гууль болгож буйг ч мэдүүлжээ. №1604013676  дугаартай зочин “Сэлэнгэ аймгийн Цагааннуур сумын дэлгүүрүүд НӨАТ-ын баримтаа олгохгүй байна. Зарим дэлгүүрүүд нь өгч байснаа сүүлдээ өгөхгүй боллоо” гэжээ.

Мөн №1604011429 Ховд аймгийн Чандмань сумаас холбогдож байна. Манай суманд бинзиний үнэ буурахгүй байна. Шийдэж өгнө үү.

№1604012477 Шарын голын тулга сувиллын цалин буухгүй байна. Санхүүжилт нь орж ирсэн хэрнээ Сангийн яамнаас эрхийг хаасан гэх юм. Байгууллагуудынхаа өрийг дарж чадахгүй, эм тариагаа авч чадахгүй, зээлээ төлж чадахгүйд хүрээд байна. Яаралтай энэ асуудлыг шийдэж өгнө үү.

№1603318896 Сонсголын аппарат худалдаж авсан мөнгөө авахаар харьяа Өмнөговь аймгийн Халамжийн хэлтэст нэхэмжлэл гаргасан боловч хүлээж авахгүй гэлээ. Учир нь 2016 онд гарсан шинэ журмын дагуу тендер зарлаад зөвхөн тухайн тендерт ялсан компаниас худалдан авсан аппаратны зардлыг нөхөн олгоно гэлээ. Энэ ямар учиртай вэ, тайлбарла.

№1603314564 Мобикомд уламжлах нь: Нэг өдөр 3G асаалттай байсан гэж 370.000 төгрөгийн төлбөр, Мөн багцын суурь хураамжны төлбөр 50.000 төгрөг бодно гэж байна. Энэ ямар учиртай юм бэ гэх гомдлыг тавьж, холбогдох газрууд руу хаяглагджээ.

Г.ХОРОЛ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-04-02 202.131.252.209

ЕС Сайханаа 4 сарын 1 инээдэмийн өдөр, 5 сарын 1 Майн баярын ,6 сарын 1 эх хүүхдийн баярын өдөр, нетийн үнэ буурч хурд нэмсэн гэж хулхидаад за даа 7 сарын 1 нд зайгаа тавиад замдаа гарах юм байна даа.

bold 2016-04-02 103.23.51.1

Засгийн газар худалч бас хулгайч

Зочин 2016-04-02 202.179.31.95

Интернэтийн үнэ буураагүй ээ. Сайханбилэг 4 сарын нэгнийг угтаж хуурсан юм хүмүүсээ

Зочин 2016-04-02 202.21.110.186

Интернэтийн үнэ буураагүй ээ. Мобинетийн шилэн кабельд холбогдсон газар буухгүй юм уу