Эмч нарын илүү цагийн мөнгийг нэхлээ | News.MN - Мэдээллийн эх сурвалж

Эмч нарын илүү цагийн мөнгийг нэхлээ

Хуучирсан мэдээ: 2016.04.01-нд нийтлэгдсэн

Эмч нарын илүү цагийн мөнгийг нэхлээ

Нийгмийн бодлого боловсрол шинжлэх ухааны байнгын хорооны дарга Д.Батцогт эрүүл мэндийн салбарынхантай уулзлаа. Уулзалтын үеэр улаанбурхан өвчний тархалт болоод элэгний С вирусыг эмчлэгч Харвони эмийн талаар мэдээлэл сонссон юм.

Улаанбурхнаар өвчлөгсдийн гурван хувь нь энджээ

Эрүүл мэндийн бодлогын хэрэгжилтийг зохицуулах газрын дарга С.Энхболд улаанбурхан өвчний талаар мэдээлэл өглөө. Тэрээр:

-Улаанбурхан өвчин дэлхийн 110 гаруй улсад тархаад байна. БНХАУ-д 1366, ОХУ-д 100 орчим тохиолдол бүртгэгдсэн. Өнгөрсөн оны зургаадугаар сараас нярай хүүхдүүдийг нэмэлт дархлаажуулалтад хамруулж дэгдэлтийг бууруулсан. Харин 2016 оны хоёрдугаар сараас энэ өвчний дэгдэлт нэмэгдээд байна. Одоогийн байдлаар нийт тохиолдлын 3 хувь нь эндсэн. Эндэгдлийн 81 хувь нь вакцин хийлгэх нас болоогүй 0-8 сартай хүүхэд, 63 хувь архаг цус багадалттай, архиттай, тураалтай, цусны хорт хавдартай гэх мэт суурь өвчтэй хүүхдүүд байсан.   

Өвчлөлийн насны бүтцийг авч үзэхэд 50 гаруй хувийг 15-29 насны хүн эзэлсэн. Найм хүртэлх сартай хүүхдүүд 15 хувийг эзэлсэн. Иймд Засгийн газар тогтоол гаргаж 370 мянган хүүхдийг улаанбурхан өвчний эсрэг вакцинаар дархлаажуулсан. Мөн хоёрдугаар шатны нэмэлт дархлаажуулалтанд шаардлагатай мөнгийг ч шийдэж өгсөн. Үүнд бид 627 мянган хүн тун вакциныг дагалдах хэрэгслийн хамт авахаар НҮБ-ын Хүүхдийн санд захиалга өгөөд байна. Түүнчлэн ХӨСҮТ-ийн сэхээн амьдруулах тасагт нэн шаардлагатай байгаа 350 сая төгрөгийн тоног төхөөрөмжийг шууд худалдан авах гэрээ хийгээд эхэлсэн. Үүнээс гадна хүн амын аль бүлэгт дархлал сул байгаа тухай судалгаа хийгээд явж байна. Хөдөө орон нутгийн хувьд Увс, Сэлэнгэ, Ховд, Өмнөговь, Дорнод, Дархан-Уул аймгуудад өвчлөл өндөр бүртгэгдсэн. Сангийн яамтай хамтарч эмч нарын илүү цагийн мөнгийг шийдэх шаардлагатай. Үүнд нийтдээ 115 сая төгрөгийг дөрөвдүгээр сард багтаан олгох шаардлагатай гэсэн юм. 

ХӨСҮТ-өөс гадна нэлээд олон эмнэлэг илүү цагийн мөнгөний асуудалтай байгаа аж. Нийт эмнэлгүүдэд 400 гаруй сая төгрөгийн илүү цагтай холбоотой зардал шийдвэрлэх шаардлагатай байгаа юм байна. Тиймээс вакцин авах хөрөнгийг Засгийн газрын нөөц сангаас санхүүжүүлсэн. Харин үйл ажиллагааны зардлыг ЭМСЯ-наас Эрүүл мэндийн сайдын багцын хүрээнд зохицуулалт хийж санжүүлжилт олгоно гэж Засгийн газрын хуралдааны үеэр тохирсон. Үүний дагуу ЭМСЯ-аас ирүүлсэн саналын хүрээнд эхний ээлжинд ХӨСҮТ-д шаардлагатай зардлыг дөрөвдүгээр сард багтаан олгохоор ажиллаж байна гэж Сангийн яамны Зарлагын хэлтсийн дарга М.Хуягцогт хариуллаа.

Харвонийн үр дүн удахгүй гарна

Харвони эмийн эмчилгээний үр дүнгийн талаар ЭМСЯ-ын Стратегийн бодлого төлөвлөлтийн газрын дарга Р.Оюунханд мэдээлэл хийлээ. Тэрээр “ЭМСЯ-д зайлшгүй шаардлагатай эмийн долоо дахь жагсаалтад Харвони эмийг бүртгэсэн. Харвони эмээр эмчилгээ хийж эхлээд эхний үр дүн гарлаа. ХӨСҮТ-өөс дөрөвдүгээр сарын 15 гэхэд Харвони эмээр эмчилгээ хийлгэсэн бүх хүмүүсийн эмчилгээний үр дүнгийн талаарх мэдээллийг нэгтгэж ирүүлнэ. Зарим хүн элэгний хатуурлын хэмжээнээс шалтгаан зургаан сарын турш уух шаардлагатай байна” гэсэн юм.

Харвони эмийг “Омбол” эм ханган нийлүүлэх байгууллага оруулж ирж байгаа юм байна. Эхний ээлжийн эм ханган нийлүүлэлтээр 1600 ширхэг эм нийлүүлж, 1510 хүн эмчилгээнд хамрагджээ. Хоёрдугаар ээлжийн эм ханган нийлүүлэлтэд хамрагдах хүсэлтэй эмчлүүлэгчдийн тоог гаргах, вирусыг тоолох ажлыг ХӨСҮТ-ийн эмч мэргэжилтнүүд хийж байгаа аж.

Ийнхүү холбогдох албаныхан мэдээлэл хийсний дараа Нийгмийн бодлого боловсрол шинжлэх ухааны байнгын хорооны дарга Д.Батцогт эмч мэргэжилтнүүдийн илүү цагийн цалин тэтгэмжийн асуудлыг шийдэж, Харвони эмийн эмчилгээний үр дүнгийн мэдээг яаралтай гаргаж ирүүлэх үүрэг даалгавар өглөө. 

Т.ДАВААНЯМ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Хулан 2016-04-01 178.89.47.64

Эмч нарын хариуцлагатай Нь тооцон Цалинг нэмэгдуулж больно. Гол учир Нь уунд оршино . Шаардаад байгаан цаана утга учир оршино Цалинг ондор байвал хариуцлага ондор байнаа

Ц. Энхбаяр 2016-04-01 112.72.12.14

Олон улсын эмч нарын баяраар алсын яаралтай дуудлагаар Мөнгөн морьт сумын малчны гэрт мэс засал хийж эхийн алтан амь аварсан Багануур дүүргийн төрөх мэс заслын хагалгааны багынхан болон түргэний жолооч нартаа чин сэтгэлийн баяр хүргье. Буянтай сайн үйлсийн үр тань түм бум болон үржиж та бүхнийг ивээх болтугай. Эмч нар маань ингэж л ажиллаж байна. Оны эхнээс л томуугийн дэгдэлт, одоо улаан бурханы дэгэдлтийн үед нойр хоолоо хасан бүгдээрээ зүтгэж байна дүүргийн эмч нар тэр халамж мөнгөнөөс хоцроод байгаа шүү

Зочин 2016-04-01 150.129.141.13

Хөсүтийн илүү цмг йн мөнгийг ихэнхийг нямхүү захирал хүний нөөц гэх мэт авчдаг юм аа илүү цагаар ажилсан эмч сувилмгчдад дөнгөж амсуулаад өнгөрсөн шүү

Зочин 2016-04-01 202.179.25.174

Өрхийн эмнэлгүүдийн эмч нарын илүү цагийн мөнгийг хамгийн түрүүнд өгмөөр байна. Учир нь тэргүүн фронтод, эхний хамгийн хүнд хэсэг нь байдгийг хүмүүс мэдэх хэрэгтэй.

Зочин 2016-04-01 59.153.112.93

ЗӨВ ШҮҮ

Зочин 2016-04-01 202.9.40.110

Харвони эмийн 2 р ээлжийн эмэнд яаралтай хамрагдмаар байна. Хэзээнээс олгогдохын болоо эмч нараас асуухаар олигтой мэдээлэл алгаа

Зочин 2016-04-01 202.179.4.46

Батцогт хариуцалгатай үнэхээр мундаг шүү