УИХ-ын гишүүн Л.Гүндалайг Эрүүл мэндийн сайдаар ажиллаж байхдаа албан тушаалаа урвуулан ашиглаж эд хөрөнгө завшсан гэх хэрэгт холбогдуулан АТГ-аас эрүүгийн хэрэг үүсгэн шалгаж байсан билээ. Тус хэргийг Улсын Ерөнхий Прокурорын газар энэ оны гуравдугаар сард 4/5, 2/14 тоот тогтоолоор түтгэлзүүлсэн байдаг. Гэтэл зургаадугаар сарын 16-ны өдөр Улсын ерөнхий прокуророос Л.Гүндалайд холбогдох хэргийг сэргээн шалгаж өршөөлийн хуульд хамруул гэсэн үүргийг АТГ-рт өгч хэргийг сэргээн шалгаж эхэлсэн байдаг. Тухайн үед Л.Гүндалай “ Гэм буруугийн эсрэг маргахгүй өршөөлийн хуульд хамруулж өгнө үү” гэсэн хүсэлтийг УЕПГ-рт тавьж байсан юм. Эх сурвалжийн мэдээллээр уг хэргийг саяхан дахин түтгэлзүүлсэн бололтой. Түүнд эрүүгийн хуулийн 150.3, 263.2 дэх хэсэгт зааснаар хэрэг үүсгэн мөрдөн байцаах ажиллагаа явуулж байжээ.
Н.Түвшин