Өсвөр насныхны шүтээн болоод буй Канадын
залуу од Justin Bieber-ын бага
насны дурсамж болон амжилтын гарааны тухай “First Step 2 Forever: My Story”
нэртэй ном гарахаар болжээ. Уг номыг HarperCollins компани эрхлэн гаргаж байгаа
ба энэхүү номонд олон сонирхолтой түүхүүд болон өмнө нь нийтлэгдэж байгаагүй
дуучны зургууд багтсан тухай мэдээлжээ.

Шинэ ном хэвлэгдэн гарах сургаар дуучны шүтэн
бишрэгчид номыг урьдчилан захиалж эхлээд байгаа аж. Уг ном ирэх аравдугаар сард
худалдаанд гарах ба 21,99 ам.долларын үнээр зарагдах гэнэ.

Дашрамд сонирхуулахад, өнөгрсөн долдугаар сард алдартнуудын намтраар комик ном хийдэг “Bluewater Productions” Канадын
залуу од Justin Bieber-ын намтараар комик ном гарган, хэвлүүлэхээр
болсон тухайгаа зарласан.

Уг номын зохиолыг бичсэн Tara Broeckel Ooten “Justin
Bieber бол өсвөр насныхны хамгийн том шүтээн нь болоод байгаа гэхэд
хилсдэхгүй. Тэр тун авьяаслаг дуучин. Түүнийг дэлхийн олон оронд таньдаг
болсон. Анх дуучны гараагаа эхэлсэн нь ч сонирхолтой түүхтэй. Тиймээс
энэхүү номын зохиолын бичих тун сонирхолтой байсан. Түүнийг амжилт
одооныхоосоо улам илүү болж олон жил үргэлжилнэ гэдэгт би итгэлтэй
байдаг” хэмээн ярьсан байна.

32 хуудастай энэхүү сонирхолтой комик ном ирэх аравдугаар сараас худалдаанд гарч эхлэхээр болсон юм.

Н.Наран