Дарханы замыг дөрвөн эгнээ болгох ажил III сараас эхэлнэ | News.MN

Дарханы замыг дөрвөн эгнээ болгох ажил III сараас эхэлнэ

Дарханы замыг дөрвөн эгнээ болгох ажил III сараас эхэлнэ

Дарханы замыг дөрвөн эгнээ болгох ажил III сараас  эхэлнэ

Монгол Улсын Засгийн газрын 2018 оны есдүгээр сарын 5-ны өдрийн хуралдаанаар Азийн хөгжлийн банкны санхүүжилтээр Улаанбаатар-Дархан чиглэлийн авто замыг дөрвөн эгнээ бүхий автозам болгон өргөтгөж шинэчлэх шийдвэрийг гаргасан. Дээрх чиглэлийн автозамыг өнгөрсөн 2019 оны зургадугаар сарын 17-нд хааж, барих ажлыг эхлүүлсэн бөгөөд төлөвлөгөө ёсоор эхний хэсэг 2020 оны зургадугаар сарын 21-нд дуусах байв. Гэвч  Хятадын компаниудын инженер, техникийн ажилчид нутаг буцах үеэр Covid-19 халдвар дэгдэж улс орон даяар хөл хорио тогтоосон, БНХАУ-ын хоёр гүйцэтгэгч компани ажлаа хангалтгүй хийсэн, барилгын ажлын хугацаанд бороо орсон зэрэг шалтгааны улмаас зам ашиглалтад оруулах хугацаа төлөвлөгөөнөөсөө хоцорсон.  

Улмаар дөрвөн ч сайдын нүүр үзээд байсан Улаанбаатар-Дархан чиглэлийн 204.11  км замын хөдөлгөөнийг 2020 оны арваннэгдүгээр сарын 6-нд нээсэн юм. Тус чиглэлийн авто  замыг дөрвөн эгнээ барихаар зураг төсөл нь гарсан ч одоогоор хоёр эгнээ замыг нээсэн учир иргэд “Хоёр эгнээ нь хаачив?” хэмээн сураг ажиг тавьж буй.

Албаныхан ч "Налайхын зам шиг голоороо тусгаарлах зурвастай, хоёр талаараа туузан хашлагатай, Монгол Улсын түүхэнд  аймгийн төвүүдийг  холбосон анхны дөрвөн урсгалтай зам болно" хэмээн  ам гарсан удаатай. Тэгвэл Дарханы замыг дөрвөн эгнээ болгох ажлыг энэ оны гуравдугаар сараас эхлүүлэхээр бэлтгэж ажлыг хангаад эхэлжээ.  Азийн хөгжлийн банкны санхүүжилтээр Улаанбаатар-Дархан чиглэлийн 204.11 км хатуу хучилттай  авто замыг засварласан бол Дарханы замыг дөрвөн  эгнээ болгох ажлыг Европын сэргээн босголтын хөгжлийн банкны /ЕСБХБ/ санхүүжилтээр барих юм. Ерөнхийдөө хоёр өөр банкны хоёр өөр төсөл, хөтөлбөрөөр Дарханы зам баригдаж байна гэсэн үг.

ЕСБХБ-аас 2020 оны аравдугаар сарын сүүлээр  тендер зарлахад Хятадын дөрөв, Монгол нэг  компани шалгарчээ. Тус банкны худалдан авах ажиллагааны журмын дагуу 2020 онд гэрээгээ байгуулсан бөгөөд олон улсын нээлттэй сонгон шалгаруулалтаар гүйцэтгэгчийн шалгаруулсан байна. 

Тус авто замын бүтээн байгуулалтын ажилд БНХАУ-ын компаниудын 1088 инженер, техникийн  ажилчид  ажиллах төлөвлөгөөг харьяа яамнаас гаргажээ.

Улаанбаатар- Дархан чиглэлийн автозам барилгын ажлын төслийн зөвлөх, “Ай Си Ти Сайн Консалтинг” ХХК-ийн ерөнхий захирал С.ОЧИРБАТ:

-Дарханы замыг дөрвөн эгнээ болгох эхний ээлжийн компаниуд Монголд ирээд кемпээ байгуулж байна. Ерөнхийдөө хүйтний улирлыг ашиглан барилгын бэлтгэл ажлаа хангана. Барилгын материалаа бэлдэх, кэмпээ байгуулах, геодезийн хэмжилтүүд хийх, материалын орд газруудыг нээх зэрэг хийх ажил их бий. Хоёр эгнээ замын ажил ирэх  гуравдугаар сард хоёр, дөрөвдүгээр багцын ажилтай зэрэг эхэлнэ. Улаанбаатар-Дархан чиглэлийн зам 2023 оны арваннэгдүгээр сард бүрэн ашиглалтад орно. Дарханы зам барилгын ажлыг таван багц болгон хуваасан. Багц тус бүрийг  БНХАУ-ын таван өөр аж ахуйн нэгж хариуцаж байсан ч хоёр компани гэрээгээ цуцалсан. Хоёрдугаар багц Хар модот давааны араас Урьхан хүртэлх 45.5 км авто замыг “Чайна стэйт Шинжиан констракшн инженеринг” групп, дөрөвдүгээр багцыг Сүмбэрийн уулзвараас Цайдамын хөндий хүртэлх 45.08 км авто замыг “Чайна стэйт Шинжиан констракшн инженеринг” групп хариуцаж байсан ч Хятадын Шинжааны мужид цар тахлын улмаас хөл хорио тогтоосон гэх шалтгаанаар 2020 оны наймдугаар сарын 16-ны өдөр гэрээ цуцлах хүсэлт ирүүлсэн. Тиймээс Азийн хөгжлийн банк худалдан авах ажиллагааны журмын дагуу дахин сонгон шалгаруулалт хийсэн. 

Э.БУРАМ

Энэ мэдээнд өгөх таны сэтгэгдэл?
8
ХахаХаха
5
ТэнэглэлТэнэглэл
1
ЗөвЗөв
1
ХарамсалтайХарамсалтай
1
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-01-25 150.129.143.130

Худлаа даа дуусгаж чадахгуй л болов уу, 2024 онд сонгуулиар юу яриад сууж байх юм бол доо

Avatar

Зочин 2021-01-25 64.119.21.223

Ажиллах хүмүүсээ одоо эртхэн оруулж тусгаарлалт халдваргүйжүүлэлтийнхээ дэглэмийг хийгээч ээ!!! Яг ажил эхэлэх цаг болохоор л тийм ч хүн оруулахгүй байна, тэгэж ч хугацаа нь дуусаагүй гээд л зогсчоод ноднингийх шиг болно до

Avatar

Зочин 2021-01-25 64.119.20.237

Хол бна даа хаа байсан 2023-11 бараг 24 он

Avatar

Зочин 2021-01-25 103.9.90.100

өмнөх 2 эгнээ замаа ч дуусгаагүй байж юун 4 эгнээ зам яриад байна аа ойлгосонгүй

Avatar

Зочин 2021-01-25 167.172.169.17

МАН гарууд зам ч засч чадахгүй, хэлсэндээ ч байж чадахгүй. Нүдэнд нь үзэгдэж гарт баригдаад байхад үе улируулан МАН-г сонгож насаараа хоцроод суудаг Сонгогчдыг огт ойлгохгүй юм. 90 оноос өмнөх улсаа хөгжүүлдэг, хайрладаг улсын эрх ашигаа 1 т тавьдаг МАХН биш болсооон. Жасрай гуайгаар дууссан ш дээ. Авилгалчид, долоогчид цүнх баригчдын орогнох газар болсон. Ядаж байхад С.Эрдэнэ АН-аа алаад суух юм даа.

Avatar

Зочин 2021-01-25 202.170.84.188

Гаднаас зээлж авсан мөнгөө Хятад компанид өгч мөнгөө гадагш алдах ямар хэрэгтэй юм… Олигтойхон шаардлагаа өндөр тавиад Монгол чаддаг хүүд өгвөл ядаж мөнгө нь дотооддоо үлдэнэ гэж бодохгүй байна уу?

Avatar

Зочин 2021-01-25 150.129.142.128

Хүрэлсүхээс өмнө энэ замыг хэд хэдэн удаа засч өргөтгөж байсан, болоод л байсан, гэтэл том амалдаг Күүкийн үед таг гацлаа!!! Тэгээд бүх бурууг ковид руу чихээд сууж байдаг?!!!! Ийм байдлаар бол энэ зам мөд дуусахгүй, дууслаа ч гэсэн хуурамч чанаргүй халтуур юм болно доо!!! Ажилд хандах хандлагаа өөрчил л дөө, та нар!!!!

Avatar

Монгол 2021-01-25 202.131.236.170

Энэ зам нээрээ жинхэнэ жонхуу болж байна даа. Анх 2018 онд дуусгана гээд л Хүрэлсүх ЕРӨНХИЙ САЙД АСАН яриад л, хойноос нь ЭНХАМГАЛАН гээд сайд асан/одоогийн ГовьАлтайн гаралтай, Мишээл экспо нэртэй, УИХ гишүүн/ нь яриад л явж өгнө. Үлгэр дуусаагүй, ард олон сонсож л байна.

Avatar

Юу ч гэхэв 2021-01-25 59.153.115.16

Баахан Хятадын компаниуд оруулаад, онцлог эь нөгөөдүүл нь сурснаараа авсан тендерээ дахин дамлаж ченжлээд л…

Avatar

Зочин 2021-01-25 202.55.188.101

ЭЦСИЙН ЭЦЭСТ ООРКУУД ТА НАРААС БОЛЖ Л ХОЙШЛОО БИЗ ДЭЭ. х***а НАРЫГ ОРУУЛЛАА ВИРҮС АВЧИРЛАА, МГЛЧУУД ӨӨРСДӨӨ БАРЬ НТР ГЭЭД ХУЦА-ЛДААД БАЙСАН ДАГ. ТЭГСЭН ӨӨРСДӨӨ ЯГ ЧАДААЧ, НӨГӨӨ АХ НАР ГЭДЭГ ОРОСООС НЬ ВИРҮС НЬ ОРЖ ИРДЭГ НААСАН. АРГАГҮЙ Л ООРКУУД ШҮҮ.

Avatar

Хаха 2021-01-25 103.206.195.230

Энэ зам 2024 онд ашиглалтад орохгүй мөрийцөх үү?

Avatar

Зочин 2021-01-25 66.181.168.8

2023 он бол арай хэтэрнээ. 204 км замыг хэдэн жил барьдаг юм бэ!!!!

Avatar

иии 2021-01-25 66.181.166.154

Бурамаа зөв бич л дээ 3-р юмуу III ижил утгатай монгол хэл бичигийн дүрэм бүү зохио

Avatar

Зочин 2021-01-25 192.82.74.108

204.1 км замыг хэдэн жил барьж байнаа. 2023 оны 11 сард гнү . Арай чдээ .

Avatar

зочин 2021-01-25 202.131.243.186

холбогдох удирдлагууд нь улс орондоо нэг удаа ч гэсэн сайхан сэтгэл гаргаад стандарт шаардлага хангасан 4 эгнээ замаа хөрөнгө мөнгөнөөс нь хулгайлахгүй тавьчихаач

Avatar

Уншигч 2021-01-25 66.181.180.192

За хоосон ярьдаг шүү.эхлэхээр чинь эхэллээ гэж бодохоос.шалтаг мөн сайн ярьдаг даа.ажил муу хийдэг шүү.

Avatar

Зочин 2021-01-25 202.131.230.114

тэгээд эхлүүлэх гэхээр х***а оруулж ирлээ гээд орилолдоод ажлыг нь хийлгэдэгүй биздээ

NewsMN Гар утасны хувилбар Татах
NEWS.mn

Мэдээллийн эх сурвалж