Өмгөөлөгчид асуудлаа хэлэлцэж байна | News.MN - Мэдээллийн эх сурвалж

Өмгөөлөгчид асуудлаа хэлэлцэж байна

Хуучирсан мэдээ: 2016.03.30-нд нийтлэгдсэн

Өмгөөлөгчид асуудлаа хэлэлцэж байна

Хууль зүйн үндэсний хүрээлэнд Өмгөөллийн нөхөрлөлийн хөгжлийн асуудал зөвлөлдөх уулзалт боллоо. Хуульчдын холбоонд бүртгэлтэй нийт 5415 хуульчаас 1972 нь өмгөөллийн үйлчилгээгээрээ дагнан ажилладаг байна. Олон улсад шүүгч, прокурор, өмгөөлөгч нарын шүүх эрх мэдэл нь ижил түвшинд байдаг бол Монголд шүүгч, прокурор гуравдугаарт өмгөөлөгч гэсэн эрх мэдлийн дараалалтай нь хэрэг шийдвэрлэлд ч сөрөг нөлөөтэйг хуульчид ярилаа. Америк, Европын орны кино дээр гардаг шиг Монголын өмгөөлөгчид ч шүүхийн танхимд мэтгэлцэх зарчмаар ажиллах эрхтэй. Гэхдээ УИХ-аас баталсан хуулиуд нь хоорондоо зөрчилдөж, өмгөөлөгч тухайн хэрэгтэй холбоотой нотлох баримт, бичиг бүрдүүлэхээр төрийн байгууллагуудад ханддаг ч зарим нь хуулиар хязгаарлагдсан. Иймээс өмгөөлөгч хэрэгтэй холбоотой материалаа бүрэн гүйцэд бүрдүүлэх боломжгүй болдог тухай Монголын хуульчдын холбооны Тамгын газрын дарга Ц.Ганболд тайлбарлалаа.

Нөгөө талдаа иргэн, аж ахуйн нэгжүүд нэг өмгөөлөгчид хандаж, хуулийн зөвлөгөө авч, хэргээ даатгадаг. Гэвч олон улсад хуульчдын нэгдсэн ферм, нөхөрлөл хандах иргэд, аж ахуйн нэгж олон аж. Монгол Улсад ч 2012 онд батлагдсан Шүүхийн эрх зүйн байдлын тухай хуулиар өмгөөллийн фермүүд хязгаарлагдмал хувьцаат нөхөрлөл /ХХН/ нэр доор ажиллах эрх нь нээгджээ. Энэ нь хуульчид хоёр, гурваараа нэгдэж нөхөрлөл болон хуулийн үйлчилгээ үзүүлэх боломжтой болсон гэсэн үг. Иргэд ганц хүнээс хуулийн зөвлөгөө авах бус тал талын салбарын хуульчдыг тойруулаад хамтран ажиллах нь хэрэг шийдвэрлэлд, шүүх хурлын процессын үед ч олон давуу талтайг өмгөөлөгчид онцоллоо.

Өмгөөлөгчид хоёр, хоёроороо нийлж нөхөрлөл байгуулдаг ч үл ойлголцох, эргээд ашиг сонирхлын зөрчилдөөнтэй болох зэрэг асуудал сүүлийн үед олон гарах болжээ. Эсрэгээрээ гурав, дөрвөөрөө нэгдэж хуулийн үйлчилгээг тал бүрээс нь иргэн, аж ахуй нэгжид үзүүлж, зөвлөх хэлбэрээр амжилттай ажиллаж буй өмгөөлөгчид ч бас байна. Өмгөөллийн нөхөрлөлд голдуу гадны хөрөнгө оруулалтай компани, бизнесмэнүүд хандаж, хуулийн үйлчилгээ авахаар ханддаг гэлээ. Тэд нэг толгой буюу өмгөөлөгчөөс хоёр, гурав гэсэн олон толгой илүү хариуцлагатай, найдвартай ажиллана гэдгийг мэддэг аж.

Д.УЛАМБАЯР

Зураглаач Ц.АРИУНБОЛД

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-03-30 202.179.25.174

Монголын өмгөөлөгчид 1 мөнгөтэй хэргийн ард гараад л олсон орлогоо хуваах гэж нөхөрлөлөө тараадаг. Нэртэй, зарим нь зальтай гэх өмгөөлөгчид нь залуучуудаа зардаг газрыг хуулийн нөхөрлөл гэдэг шиг байгаа юм. Түүнээсээ болоод хэрэг төвөгт орох гээд байдаг. Залуу өмгөөлөгч дээр хэн ч очихгүй болохоор маркетинг хийж нөхөрлөл бас байгуулдаг. Туршлагатай, нэр хүндтэй өмгөөлөгч бусадтай ашиг хуваах сонирхолгүй болохоор ГАНЦаараа байгаа юм.

зочин 2016-03-30 103.26.193.148

Нөхөрлөл нэртэй гайгүй өмгөөлөгч нь захирлыг нь хийгээд залуучууд нь хэрэг дээр ажилладаг юм байна лээ. Тэд нар нь их дутуу дулимаг л юм байна лээ

Зочин 2016-03-30 202.179.31.37

Юун өмгөөлөгч вэ хуульлч үгүй болгоод Тэмүүжин бантан болгоод хаячаа биз дээ нэгэн аймгийн шүүх бүх нарийн бичгээ өмгөөлөгч болгочоод шүүгчтэйгээ хамтараад баллаж байгаа юм байхаа

хуульч 2016-03-30 202.9.40.135

Ингэж нэг залуу хуульчид маань уулзаж асуудлаа ярилцаж байгаад ТАЛАРХУУШТАЙ??? ..ХАРАМСАЛТАЙ НЬ ӨМГӨӨЛӨЛИЙН ЗАХ ЗЭЭЛИЙГ ЦӨӨХӨН ХЭСЭГ БҮЛЭГ 2000 онос хуваан авч шүүгч, прокурор, цагдаа, өмгөөлөгч хүмүүсийн ХУВЬЦААТ КАМПАНИ болгосныг шинэ хуулиар НӨХӨРЛӨЛ -өөр өөрчилсөн гэж ойлгосон юмсан ??? Шүүгч 2012он,Прокурор 2002 он,Цагдаа2013 он,шшгт 2002 он, Нотариат2012 онд тус тус хуультай болжээ.ХАРИН ӨНӨӨ ҮЕД ӨМГӨӨЛЛИЙН ТУХАЙ ХУУЛЬ Л БАЙДАГГҮЙ ЮМ ??? ихэс дээдэст ХҮНИЙ ЭРХ ТИЙМ ЧУХАЛ БИШ БАЙМААРГҮЙ ЮМ ???

hh 2016-03-30 202.21.118.98

сайн өмгөөлөгчөөс гадна хариуцлагагүй зөвхөн мөнгөний төлөө ажилладаг хуулийг гууль болгохдоо мэргэшсэн луйварчид олширсон